I-Korinto, Reta nakoia
Uoua booki n te Nu Tetemanti. Bon oin ana reta Bauro are e koroi nakoia Aomata aika Itiaki i Korinto ni kaeta te mangaongao imarenaia. I-Korinto a maeka n te botanaomata ae buakaka aroaroia.
Moan I-Korinto
Mwakoro 1 kanoana bon ana kamauri Bauro ao ana taeka n reirei ibukia Aomata aika Itiaki bwa a na katiteuanaki. Mwakoro 2–6 bon kaetan aia kairua I-Korinto aika Itiaki iroun Bauro. Mwakoro 7–12 kanoana bon ana kaeka Bauro nakon titiraki aika onoti. Mwakoro 13–15 a tabeakina te tangira ae kororaoi, bwaintituaraoi n te tamnei, ao te Mangauti. Mwakoro 16 kanoana bon ana taeka n reirei Bauro bwa a na tei ni matoatoa n te onimaki.
Kauoua ni I-Korinto
Mwakoro 1 kanoana bon ana kamauri Bauro ao te taeka ni karaunano. Mwakoro 2 kanoana bon te taeka n reirei ibukin Tito. Mwakoro 3–7 e tabe ma mwaakan te euangkerio i nanon maiuia Aomata aika Itiaki ao aia taan kairiiri. Mwakoro 8–9 e reireiniia Aomata aika Itiaki bwa a na kukurei n angaanga nakoia kainnano. Mwakoro 10–12 bon te kakoaua ibukin nakoan Bauro ae te Abotoro. Mwakoro 13 bon te kauring bwa a na kororaoi.