Tauraki n te Kaibangaki

Aron tiringakin te aomata irouia I-Rom, ae rangi ni bwainaki ni bongin te Nu Tetemanti, ike e tiringaki iai te aomata man kabaean ke neranakin baina ao waena nakon te kaibangaki. E tii kakaraoaki nakoia tooro ao bure ake kabanea ni buakaka. I mwaain ae kamateaki n te kaibangaki e bwainikirinaki ke e kataereaki (Mareko 15:15). Te aomata are tauraki n te kaibangaki e anganaki bwa e na uota ana kaibangaki n taai nako nakon te tabo are e na tiringaki iai (Ioane 19:16–17). Ana kunnikai a aki toki n anaaki irouia tautia ake a ana karaoa nanon te baire (Mat. 27:35). E kaiinakoaki nako aontano te kaibangaki n te aro are waen te aomata e tarere i etan aontano teuana ke uoua te buti. E taataraaki te kaibangaki irouia tautia ni karokoa e mate te aomata are i aon te kaibangaki, are n tabetai e nakon tenibong (Ioane 19:31–37).

Iesu Kristo e tauraki n te kaibangaki ibukina bwa te korakina taan aki kakoaua a kewe ni bukinna bwa E kakiriwe ni kaitara Kaitara ao n taetaebuaka te Atua ibukina bwa E taku bwa Ngaia Natin te Atua. Te kunnikai ae uraro (Ioane 19:2), te bau ae kateketeke, ao tabeua riki bwainikirinakin Iesu (Mat. 26:67; Mar. 14:65).