Katanoata ae Kariaiakaki 1

A boretiaki ni iteraniba ni kainin n Reirei ao Berita aika Tabu, te mwakoro mai moa n te Katanoata ae Kariaiakaki 1 ae e ataaki naba bwa te Katanoata nakon te Botanaomata. E bon anga Beretitenti Wilford Woodruff ao e kaotaki nakoia kaain te Ekaretia n tain te maungatabu ni kabuta n Okitobwa 6, 1890. Ni moa man te 1862, tuua aika kakaokoro ibukin uabwi ma nimaua ririki ake i mwina a karika te mare ma ae riaon temanna te bu bwe e tabuaki n te United States. Te Uea e kaotia nakon Wilford Woodruff n te mi ni burabeti ao te kaotioti bwa tera ae na riki ngkana Aomata aika Itiaki aki katoka karaoan te mare ma ae riaon temanna te bu. Te Katanoata nakon te Botanaomata e katanoata bwa taian mare ma ae riaon temanna te bu aikoa manga karaoaki.