Aramwa, Natin Aramwa
N Ana Boki Moomon, te moan mataniwi n tia moti ao te burabeti i abaia Nibwaite. I nanon kairakena e ukoukora kamaunaan te Ekaretia (Mot. 27:8–10). E ngae n anne, e kaoti te anera nakoia ao e rairaki nakon te euangkerio (Mot. 27:8–24; Aram. 36:6–27). I mwina e anga nakoana bwa te mataniwi n tia moti bwa e aonga n nako n reireiniia aomata. (Aram. 4:11–20).
Ana boki Aramwa
Te boki ae onoti irouna i nanon Ana Boki Moomon, are kanoana bon kakimototoan aia rongorongo burabeti aika Aramwa, natin Aramwa, ao natina ae Ereman. Bwaai aika riki ake a kaotaki n te boki a riki nuakaan ma 91 nakon 52 I.K. Kanoan te boki bon 63 mwakoro. Mwakoro 1–4 e kabwarabwaraa aia kakaitara taan irira Neooa ao Ameriti ni kaitaraia Nibwaite. Buaka ake a riki mai iai ngaia naba aika kabanea ni urubwai n te tai arei n rongorongoia Nibwaite. Mwakoro 5–16 kanoana bon rongorongon moan mwamwanangan Aramwa ni mitinare, ni ikotaki ma ana kabwarabwara i aon te Tia Kawakin Tiibu ae Raoiroi (Aram. 5) ma ana kabwarabwara ma Amureki n te kaawa ae Amonia. Mwakoro 17–27 kanoana bon rongorongoia natin Motiaea mwaane ao aia mwakuri ni ibuobuoki i buakoia Reimwanaite. Mwakoro 28–44 kanoana bon tabeua ana kabwarabwara Aramwa aika rangi ni kakaawaki. I nanon mwakoro 32 Aramwa e kabotaua te taeka ma te koraa; I nanon mwakoro 36 e manga taekina rongorongon rairakina nakon natina are Ereman. Mwakoro 39–42 a taua mwiin ana taeka n reirei Aramwa nakon natina are Korianton, are e irekereke ma riaoan tuan te itiaki; te kabwarabwara ae kakaawaki aei e kabwarabwara te motiraoi, te nanoanga, te Mangauti ao te Mwakuri ni Kamaiu. Mwakoro 45–63 a kabwarabwarai aia bubuaka Nibwaite i nanon te tai arei ao mwanangaia ni maeka i an Akota. Taan kairiiri aika kakannato n ai aron Kaben Moronaai, Teanikam, ao Riaai a buoka kawakinaia Nibwaite rinanon aia mwakuri aika rokoraoi taia ma ninikoriaia.