Te rongorongo ke bwaai ni kakoaua riki tabeua bwa e bon koaua te bwai teuana; te kakoaua. Te tia kakoaua e kona naba n ae temanna are e anga te rongorongo ae aron aei ke te bwai ni kakoaua ae kabotoaki i aon oin ana atatai te aomata; are, temanna are e taekina ana koaua.
Ane e na tataekinaki te euangkerio n te aonaba ni bane bwa te bwai ni kaotioti nakoia botanaomata ni kabaneia, Mat. 24:14 (IT—M 1:31 ).
Kam na riki bwa taan kaotioti ibukiu, Mwak. 1:8 .
Te Tamnei aei E buobuoki ma tamneira, Rom 8:16 (1Ioan. 5:6 ).
Kam tauraoi n riki bwa taan kakoaua ibukin te Atua n taai nako, Mot. 18:8–9 .
Ti taua te toa ni kakoaua nakon te Tama bwa ti na kawakin tuua ao n uringa Iesu n taai nako, 3Nib. 18:10–11 (Moro. 4–5 ; R&B 20:77–79 ).
Ko aki kona ni karekea te bwai ni kakoaua ni karokoa ae e kataki moa ami onimaki, Ita 12:6 .
Tua ibukiia taan kakoaua: ni wiia uoman ke teniman taan kakoaua e na kamatoaki taian taeka nako, R&B 6:28 (TK 17:6 ; Mat. 18:16 ; 2Korin. 13:1 ; Ita 5:4 ; R&B 128:3 ).
I a katabuingkami bwa Abotoro ao taan kakoaua aika okoro ibukin arau, R&B 27:12 (R&B 107:23 ).
Itingaun a weteaki bwa a na riki bwa taan kakoaua aika onoti nakoia Tientaire ao te aonaba ni kabane, R&B 107:25 .
E riai n iai te tia taumwin rongorongo, ao e riai n riki bwa te tia kakoaua ae nooria ni matana n ami bwabetito, R&B 127:6 (R&B 128:2–4 ).