Tamnein te nanoanga, te tangira, ao te kabwara bure. Te nanoanga bon teuana anuan te Atua. Iesu Kristo e anga te nanoanga nakoira rinanon Ana karea ni kamaiu.
Iehova e atataiaomata ao e akoi, Otin. 34:6 (TK 4:31 ).
Akea tokin ana atataiaomata, 1Rong. 16:34 .
E na bon irirai te raoiroi ma te atataiaomata, TAre. 23:6 .
Ane e nanoanga te aomata ae aki kaubwai e kukurei, TRab. 14:21 .
I tangira te nanoanga ao I aki tangira te anga karea, Otea 6:6 .
A kabwaia akana a nanoanga: bwa a na nanoangaki, Mat. 5:7 (3Nib. 12:7 ).
A na reke kaimi bwaritaio aika kam anganga kabwianibwai ao kam katuku bwaai aika bongana riki n te tua, te kaeti raoi taeka, te nanoanga, ma te onimaki, Mat. 23:23 .
Kam na nanoanga, n ai aron Tamami ngkae E nanoanga naba, Ruka 6:36 .
Tiaki ibukin mwakuri aika karaoaki n te raoiroi aika ti karaoi, ma E kamaiuira i bukin Ana nanoanga, Tito 3:5 .
Ana nanoanga te Uea e mena i aoia ni kabane, 1Nib. 1:20 .
Akea nnen te nanoanga nakon are e aki raira nanona, Mot. 2:38–39 .
Te Atua e nanoanga nakoia ni kabane ake a kakoaua arana, Aram. 32:22 .
Te nanoanga e kona ni kakoroi bukin bwaai ake e tangiri te momotiraoi, Aram. 34:16 .
Tao ko taku i nanom bwa te nanoanga e kona n iraa mai iroun te momotiraoi, Aram. 42:25 (Aram. 42:13–25 ).
Ataei aika uarereke a maiu iroun Kristo ibukin ana nanoanga, Moro. 8:19–20 (R&B 29:46 ).
Iesu Kristo ni baina n nanoanga e karaoa te mwakuri ni kamaiu ibukin ami bure, R&B 29:1 .
Ibukin raoiroin te rara are I a tia ni kabwaroa, I a tia ni bubuti i matan te Tama ibukiia ake a kakoaua arau, R&B 38:4 .
Naake a kawakina te berita ae tabu a na karekea te nanoanga, R&B 54:6 .
Ngai, te Uea, I kabwarai bure, ao I nanoanga nakoia naake a kaoti aia bure ma te nano ae nanorinano, R&B 61:2 .
Ngai, te Uea, I kaota te nanoanga nakoia ake a nanorinano ni kabane, R&B 97:2 .
Ao ane e butimwaiko n aron te ataei ae uarereke, e butimwaea abanueau, bwa a na karekea te nanoanga, R&B 99:3 .