Kaetan, Manga Kaokan Tara naba Manga Kaokan te Euangkerio Kaokan te bwai ke arona are e a tia n anaaki ke ni bua. Te tamnei ao te rabwata a na manga ikotaki riki n aroia ae kororaoi, Aram. 11:43–44. Te manga kaokaki bon kaokan te buakaka nakon te buakaka, te tamaroa nakon ae tamaroa, Aram. 41:10–15. Ti kakoaua kaokakin Baronga ake Tebwina ao bwa te aonaba e na manga kaboouaki ao ni karekea mimitongina ni bwaretaiti, TOni. 1:10 (R&B 133:23–24).