Umwa, Mwaneaba

Umwan te Uea, boton ana nebonebo Iteraera n aia tai n Otinako mai Aikubita. Ni bon arona te umwa bon te tembora ae kona ni uouotaki ao e kona ni kamaenakoaki ao ni manga kateaki. Tibun Iteraea a kabongana te umwa ni karokoa a katea ana tembora Toromon (R&B 124:38).

Te Atua e kaota te banna ibukin te umwa nakon Mote (Otin. 26–27), ao tibun Iteraera a kateia n aron te banna anne (Otin. 35–40). Ngke e a bobonga raoi te umwa, e rabunaki te umwa n rianna n te nang, ao mimitongin te Uea e kaona te umwa (Otin. 40:33–34). Te nang bon kanikinaean ae mena iai te Atua. N te tairiki bon taraan te ai. Ngkana e tiku te nang i aon te umwa n rianna, a tiku ni maeka tibun Iteraera. Ngkana e mwaing, a mwaing ma ngaia (Otin. 40:36–38; WI 9:17–18). Tibun Iteraera a uota te umwa ma ngaiia n aia tai n nakonako n te rereua ao n aia tai n taua te aba ae Kanaan. I mwin tauan te aba anne, te umwa e kateaki i Tiro, te tabo are e tia n rineia te Uea (Iotua 18:1). I mwin katean ana tembora Toromon irouia tibun Iteraera, e mauna raoi te umwa man rongorongon are ngkoa.

Te Uea ao Itaia a kabongana te umwa bwa te kanikina ibukin kaawa aika Tion ao Ierutarem n tain Kauaokin te Uea (Itaia 33:20; Mote 7:62).