Te reitaki ae rine ma te Atua are i nanona te aomata e anga te karabwarabwa ao e bubuti ibukin kakabwaia. Tataro a taekinaki nakon Tamara are i Karawa n aran Iesu Kristo. Tataro a kona n taekinaki ni kabaibaiti ke n te nano. Ana iango te aomata e kona naba n riki bwa te tataro ngkana a kainetaki nakon te Atua. Ana anene te aomata ae raoiroi e kona n riki bwa te tataro nakon te Atua (R&B 25:12).
Bukin te tataro bon tiaki bitikin nanon te Atua, ma ti na kamatoa i bon ibukira ao ibukiia tabeman kakabwaia ake e a kaman kukurei te Atua ni anga, ma ti riai ni bubuti ibukina bwa ti aonga ni karekei.
Ti tataro nakon te Tama n aran Kristo (Ioane 14:13–14; 16:23–24). Ti bon kona raoi n tataro n aran Kristo ngkana nanora are ti tangiria bon nanon Kristo (Ioane 15:7; R&B 46:30). I mwina ti bubuti ibukin bwaai aika a eti ao mai iai e kona te Atua n anga (3Nib. 18:20). Tabeua tataro a tiku n aki kaekaaki ibukina bwa a bon aki tei ibukin nanon Kristo ma a koburake man nanon te aomata are tangiria (Iak. 4:3; R&B 46:9). Eng, ngkana ti bubutia te Atua ibukin bwaai aika aki raoiroi, e na bitaki nakon kabuakakakira (R&B 88:65).