Manga Kaokan te Euangkerio

Manga kamatoan iroun te Atua taian koaua ao otenanti n Ana euangkerio i buakoia aomata i aon te aonaba. Ana euangkerio Iesu Kristo e bua man te aonaba rinanon kitanan te koaua are e riki i mwiin aia mwakuri ni ibuobuoki n te aonaba ana Abotoro Kristo. Kitanan te koaua arei e karika ae na riai ni Manga Kaokaki te euangkerio. Rinanon mi ni burabeti, aia mwakuri ni ibuobuoki anera, ao kaotioti nakoia aomata i aon te aonaba, te Atua e manga kaoka te euangkerio. Manga Kaokan Bwaai e moanaki ma te Burabeti Iotebwa Timiti (IT—R 1; R&B 128:20–21) ao e tia n reitinako nakon taai aikai rinanon aia mwakuri ana burabeti aika maiu te Uea.