Taniera
Te aomata ae te boto n ana boki Taniera n te O Tetemanti; ana burabeti te Atua ao te aomata ae korakora ana onimaki.
E aki ataki taekaia ana karo, ma taran ae iai rikina n uea (Tani. 1:3). E anaki bwa te taenikai nako Bwaburon, ike e a anganaki te ara ae Beretetiata (Tani. 1:6–7). Taniera ao teniman riki taenikai a rawa n ana amwarake te uea ibukin aia aro (Tani. 1:8–16).
A anaki nanoia Nebukaneta ao Taraiati iroun Taniera ibukin mwaakana ni kabwarai nanon mi (Tani. 2; 4; 6). E wareka ao e raira te koroboki are i aon te o (Tani. 5). Ana kairiribai a bairea kabuakakaana, ao e teweaki nako nanon oia raian, ma e kawakina maiuna te Uea (Tani. 6).
Ana boki Taniera
Te boki e tibwauaki nakon uoua mwakoro: mwakoro 1–6 bon karakinan Taniera ao raona ake teniman; mwakoro 7–12 bon mi ni burabeti ake e noori Taniera. Te boki e reirei kakawakin te kokoaua nakon te Atua ao e kabwarabwara bwa te Uea e kakabwaiaia ake a kakaonimaki.
Te bwai ae korakora ae reke man te boki bon kabwaran nanon miin te Uea ae Nebukaneta. I nanon te mi, uean te Atua ni boong aika kaitira e kaotaki bwa ai aron te atibu are e koreaki man te maunga. Te atibu e na rabino nako ni karokoa e kaonrakea te aonaba ni kabuta (Tani. 2; tara naba R&B 65:2).