Eberaim
N te O Tetemanti, aia kauoman n nati te mwaane Iotebwa ao Atenata (KB 41:50–52; 46:20). Ni kaitara aron te katei, Eberaim e karekea te kakabwaia are karinean te karimoa ao tiaki Manate, are bon te karimoa n nati te mwaane (KB 48:17–20). Eberaim e riki bwa taman ana baronga Eberaim.
Ana baronga Eberaim
Eberaim e anganaki karinean te karimoa i Iteraera (1Rong. 5:1–2; Iere. 31:9). Ni boong aika kaitira tibwangaia ao mwiokoaia bon taua te nakoanibonga, uotakin rongorongon te euangkerio ae kaokaki nakon te aonaba, ao ni katea te man ae te kanikina ni ikota Iteraera are maenako (Itaia 11:12–13; 2Nib. 21:12–13). Natin Eberaim ana bauniia ma te mimitong naake man aba ake i meang ake a oki ni boong aika kaitira (R&B 133:26–34).
Ana kai Eberaim ke Iotebwa
Rongorongon te koraki teuana man ana baronga Eberaim are e kairaki mai Ierutarem nako America ni uakaan ma 600Â I.K. Rongorongoia te koraki aio e aranaki bwa ana kai Eberaim ke Iotebwa, ke Ana Boki Moomon. Ngaia ma ana kai Iuta (te Baibara) a karaoa te kakoaua ae ti te tikina ibukin te Uea ae Iesu Kristo, Mangautina, ao Ana mwakuri n Atua i buakoia uakoraki aikai n te bata are Iteraera.