Taotaonakin nano Tara naba Nimamannei; Teimatoa Rinanon Teimatoa n rau; te konabwai n teimatoa rinanon kaangaanga, kamatauninga, ke n aki ngurengure n te ikoaki ke ni kaoka mwiin kaim. Tiku n rau i mwain Iehova, ao taningaia n taotaona nanom, TAre. 37:7–8. Ane e aki kakaiun ao e bati ni wanawana, TRab. 14:29. Kam na karekea tamneimi n nanomwakami, Ruka 21:19. Ti na karekea te kantaninga n taotaonan te nano ma te nano ae kabebeteaki ni koroboki aika tabu, Rom 15:4. Kam na kakairi irouia ake a kareke taeka n akoi n te onimaki ma te taotaonan nano, Ebera 6:12–15. E na katia raoi ana mwakuri te nanomwaaka, bwa kam aonga ni moaniba n raoiroi ma ni koro raoi, Iak. 1:2–4. Kam a tia n ongo nanomwakan Iobi, Iak. 5:11. A karaoa nanon te Uea ma te kukurei ao te taotaonakin nano, Mot. 24:15. Ko bon rinanon bwaai aikai ma te taotaonan nano kioina ngkai bon raom te Uea, Aram. 38:4–5. Reitinako n te taotaonakin nano ni karokoa kam a kororaoi, R&B 67:13.