Te taeka ae karawa bon iai oin nanona ni koroboki aika tabu. (1) Bon te tabo are maeka iai te Atua ao mwengaia Aomata aika Itiaki n tai aika a na roko (KB 28:12; TAre. 11:4; Mat. 6:9). (2) Bon annang are e katobibia te aonaba (KB 1:1, 17; Otin. 24:10). E mataata ae karawa bon tiaki bwaretaiti, are aia tabo n te tai ae aki teimatoa tamneia aika kakaonimaki ake a tia ni maiu ao ni mate i aon te aonaba aio. Iesu e kawara te bwaretaiti i mwin matena i aon te kaibangaki, ma n te kateniua ni bong, E tuanga Maria bwa E tuai moa n nakon te Tama (Ruka 23:39–44; Ioane 20:17; R&B 138:11–37).