Mwakoro 129
Kaetieti aika kaotaki iroun Iotebwa Timiti te Burabeti, i Nauvoo, Illinois, ni Beberuare 9, 1843, are e kaotii tenua kiing aika a kakawaki are e kona iai ni kinaki koauan raoi aroia anera aika tabonibai ao tamnei.
1–3, Iai rabwata aika a mangauti ao tamnei i karawa; 4–9, Taian kiing a kaotaki bwa a aonga taan uarongorongo mai akuun te rabuna ni kinaaki.
1 Iai uoua aekan rabwata i akarawa, aika: bAnera, aomata ake a cmangauti, ake iai rabwataia te iriko ao te rii—
2 Te katooto, e taku Iesu: Ringai ao taraai, bwa akea airikon te tamnei ao rina, n ai aron aika kam noori irou ngkai.
3 Te kauoua: atamneia baomata aika raoiroi ake a kakororaoaki, ngaiia ake a aki mangauti, ma a karekea te mimitong naba anne.
4 Ngkana e roko te tia uarongorongo n taekinna ae iai ana rongorongo mai iroun te Atua, anganna baim ao bubutia bwa e na io bai ma ngkami.
5 Ngkana ngaia te anera e na karaoia, ao kam na namakina baina.
6 Ngkana ngaia tamnein te aomata ae raoiroi ae kakororaoaki e na roko ni mimitongina; bwa anne tii te kawai ae kona ni kaoti iai—
7 Butiia bwa e na io bai ma ngkoe, ma e na aki mwaing, ibukina bwa e kaitara ma te baire mai karawa bwa te aomata ae raoiroi e na kamwaamwane; ma e na bon anga naba ana rongorongo.
8 Ngkana ngaia te ariaboro bwa aongkoa aneran te oota, ngkana ko butiia bwa e na io bai e na anganiko baina, ao ko na aki namakina te bwai teuana; mangaia are ko na kina.
9 Aikai tenua kiing aika kakawaki are ko kona iai n ataia bwa mwakuri nako bon mai iroun te Atua.