1 Tabotabon te aonaba a na titiraki ibukin ^aaram, ao aomata aika baba a na bwai ni ngareiko, ao moone e na un ni kaitarako;

2 Ngkai ake a itiaki nanoia, ao ake a wanawana, ao ake a kakannato, ao ake a tamaroa, a na ukoukora te ^areirei, ao te kariaia, ao kakabwaia n taai nako man baim.

3 Ao am aomata a na aki manga rairaki ni kaitarako n aia koaua taan kamwane.

4 Ao e ngae ngke aia kakairi e na uotiko nakon te kangaanga, ao nakon biiti ma oo, ko na karineaki; ao ma tii te ^atai ae uarereke ao bwanaam e na rang kakamaku riki i buakoia am kairiribai nakon kakamakun te ^braian, ibukin am raoiroi; ao Atuam e na tei irarikim n aki tootoki.

5 Ngkana ko weteaki bwa ko na rinanon te rawawata; ngkana ko reke ni kangaanga i buakoia tarim aika tiaki rao ni koaua; ngkana ko reke ni kangaanga i buakoia taan iraa; ngkana ko reke ni kangaanga n te aba ke i taari;

6 Ngkana ko bukinaki n aekan nako bukibuki aika a bure; ngkana am kairiribai a bwaka i aom; ngkana a kamaenakoko man aia botaki tamam ao tinam ao tarim ma mwanem; ao ngkana man te kabaang am kairiribai a kamaenakoko mai rarikin buum, ao natim, ao am karimoa te nati te mwaane, e ngae ngke tii onoua ana ririki, e na taua am kunnikai ni kamatoa, ao e na kangai, Tamau, tamau, bukin tera ko aki tiku iroura? O, tamau, tera ae a na karaoia aomata nakoim? ao ngkanne ngkana e na kamaenakoko mai irouna n te kabaang, ao ko uakinaki nakon te umwa ni kaikain, ao am kairiribai a waerikiriki ni katomimiko n aekan te ^akameaanti ibukin raraan te tiibu te teei;

7 Ao ngkana ko na teweaki nako nakon te rua, ke nako nanon baia taan tiritiri, ao te motikitaeka nakon te mate e roko nako aom; ngkana ko teweaki nako nanon ^amarawa; ngkana nao aika rang korakora a kaitarako; ngkana ang aika kakamaku a riki bwa am kairiribai; ngkana karawa e ikota te roo, ao ni kabane bwain karawa a ikotaki n tuuka te kawai; ao e moamoa riki, ngkana mwangain ^bmoone e na kaurea wiina n rimwim, ko na ataia, natiu, bwa ni kabane bwaai aikai a na anganiko te ^ckataneiai, ao bon ibukin kabwaiam.

8 ^aNatin te Aomata e a tia n ^brinanon ae buakaka riki ni bwaai akanne ni kabane. Ko kakannato riki nakoina?

9 Mangaia are, taua kawaim, ao te nakoanibonga e na ^atiku iroum; bwa ^btiaia a tia ni baireaki, a aki kona n riaona. Am ^cbong a ataaki, ao am ririki a na aki kauarerekeaki; mangaia are, ^dtai maaka te bwai ae e na karaoia te aomata, bwa te Atua e na mena iroum n aki tootoki.