Mwakoro 57
Kaotioti ae kaotaki rinanon Iotebwa Timiti te Burabeti, i Tion, Aono ae Jackson, Missouri, n Turai 20, 1831. N ongeaba nakon ana tua te Uea bwa a na mwananga nako Missouri, ike E na kaota iai “abaia ni bwaibwai” (mwakoro 52), a mwananga unimwaane mai Ohio nakon tian Missouri mai maeo. Iotebwa Timiti e iangoa aroia Reimwanaite ao e titiraki i bon irouna: “Ningai te tai ae e na uee te rereua n ai aron te rooti? Ningai te tai ae e na kateaki Tion ni mimitongina, ao e na tei ia Am Tembora, are a na roko iai botanaomata ni kabane ni boong aika kaitira?” I mwina e karekea te kaotioti aei.
1–3, Independence, Missouri bon te tabo ibukin Kaawan Tion ao te tembora; 4–7, A riai Aomata aika Itiaki ni kabooi aaba ao ni karekea abaia ni bwaibwai n te aono anne; 8–16, Sidney Gilbert e riai ni katea te titooa, William W. Phelps bwa te tia booretia te boki, ao Oliver Cowdery bwa e na katauraoi taian rongorongo ibukin boretiakiia.
1 Ongora, O ngkami unimwaanen au ekaretia, e taku te Uea ae Atuami, ake kam a tia ni ikotingkami ni kabane, ni kaineti ma au tua, n te aba aei, are te aba ae aMissouri, are te baba ae I a tia n rineia ao ni ckatabua ibukin dikotakiia aomata aika itiaki.
2 Ngaia are, aio te aba ni berita, ao te atabo ibukin kaawan bTion.
3 Ao e taku te Uea ae Atuami, ngkana kam kukurei ni karekea te wanawana aio bon te wanawana. Nooria, te tabo are e a aranaki ngkai bwa Independence bon oin te kaawa; ao te tabo ibukin te atembora e na mena mai maeao, i aon te mwakoro n aba ae e aki raroa man te auti ni kaboowi.
4 Mangaia are, e riai bwa e na akabooaki te aba irouia aomata aika itiaki, ao mwakoro n aba naba ake mai maeao, nakon naba te tia are e biri ni kaineti imarenan te bIutaia ma te Tientaire;
5 Ao tenaan mwakoro n aba naba ake a i aontia n tenaan aba aika uteute, ngkana a teimatoa au taan reirei ni kona ni akabooi aaba. Nooria, aio te wanawana, bwa aonga ni bkarekea ibukin abaia ni bwaibwai ae akea tokina.
6 Ao e riai au tia mwakuri ae Sidney Gilbert n tei n te nakoa are I a tia n rineia nako iai, ni karekei mwaane, bwa te atia tei n te ekaretia, ni kabooi aaba n taabo nako aika uakaan, ngkana e kona ni karaoaki n te raoiroi, ao n aron te kariiri ae wanawana.
7 Ao e riai au tia mwakuri ae aEdward Partridge n tei n te nakoa are I a tia n rineia nako iai, ao n btibwauai nakoia aomata aika itiaki aia bwaibwai, n aron are I a tia n tuatua; ao naake e a tia naba n rineia bwa a na buokia.
8 Ao e koaua ae I a manga tuangkami, e riai au tia mwakuri ae Sidney Gilbert ni maeka n te tabo aei, ao ni katea te titooa, bwa e aonga ni kabo nakoi bwaai n akea te kewekewe, bwa e aonga ni karekea te mwane ni kabooi aaba ibukin ae raoiroi ibukiia aomata aika itiaki, ao bwa e aonga ni karekei bwaai nako ake a na kainnanoi taan reirei ibukin maekaia n abaia ni bwaibwai.
9 Ao e riai naba au tia mwakuri ae Sidney Gilbert ni karekea te kariaiakaki—nooria aio te wanawana, ao ane e wareka aei e riai n oota—bwa e aonga naba ni kanakoi bwaai nakoia aomata, irouia naake e taku ake kiraka ake a kamwakuraki bwa a na buokia;
10 Ao bwa e aonga ni katauraoi kainnanoia au aomata aika itiaki, bwa e aonga au euangkerio n tataekinaki nakoia naake a tekateka i nanon te aroo ao n te aba ma bnuun te mate.
11 Ao e koaua ae I a manga tuangkami, e riai au tia mwakuri ae aWilliam W. Phelps ni kamaekaaki n te tabo aei, ao n riki bwa te btia booreti ibukin te ekaretia.
12 Ao nooria, ngkana te aonaba e karekea ana koroboki—nooria aio te wanawana—e riai ni karekei bwaai nako are e kona ni karekei n te raoiroi, ibukin ae raoiroi ibukiia aomata aika itiaki.
13 Ao e riai au tia mwakuri ae aOliver Cowdery ni buokia, n aron ae I a tia tuangnga, n taabo nako are N na rineia nakoina, ni kaewei, ao ni kaeti, ao n rinei, bwa aonga bwaai ni kabane n eti imatau, n aron are na kakoauaaki iroun te Tamnei rinanona.
14 Ao a riai naake I a tia n taetae nakoia ni maeka n aban Tion, n te tai ae e waekoa, ma aia utu, ni karaoi bwaai akekei n aron ae I a tia n taekin.
15 Ao ngkai ni kaineti ma te ikotaki—E riai te bitiobi ao te tia tei ni karaoa te katauraoi ibukiia utu ake a tia n tuangaki bwa a na roko nakon te aba aei, n te tai ae e waekoa, ao ni kamaekaia n abaia ni bwaibwai.
16 Ao nakoia nikiraia unimwaane ao kaain te ekaretia a na anganaki riki taian kaetieti i mwina. Eng. Amen.