Mwakoro 123
Tabeia Aomata aika Itiaki ni kaineti nakoia taan bwainikiriniia, are koreaki iroun Iotebwa Timiti te Burabeti ngke e kabureaki n te umwa ni kaikain i Liberty, Missouri. Te mwakoro aei e bon anaki man te reta nakon te Ekaretia ae bonginaki ni Maati 20, 1839 (taraa te kabwarabwara ni mwakoro 121).
1–6, Aomata aika Itiaki a na rikoi ao ni boreti rongorongon korakaia ao bwainikirinakiia; 7–10, Te tamnei naba anne are e karika te rongorongo ae e kairua ni kaira naba bwainikirinakiia Aomata aika Itiaki; 11–17, A mwaiti i buakoia ekaretia ni kabane aika a na karekea naba te koaua.
1 Ao teuana riki, ti kan taekinna bwa kam na iangoa riain ikotan atatai ni baike a riki ni kabane irouia aomata aika itiaki ni kabane, ao karawawata ao bwainikirinaki ake a taonaki iai irouia aomata n te Mwakor n Aba aei.
2 Ao ibukin naba bwaai ni kabane ao mwaitin te urubwai are a tia ni karekea, n te anua ao ikoaki n te rabwata, ni ikotaki naba ma bwaai;
3 Ao araia naba ni kabane aomata ake a irekereke ni bwainikirinakiia, n aron aia kona ni karekeia ao ni kakaeia.
4 Ao tao te komete e kona n rineaki bwa e na kakaai bwaai aikai, ao n anai rongorongo ma taeka ni kakoaua; ao n rikoi naba beeba n uarao aika a butanako.
5 Ao ni kabane ake a mena n te beeba ni wareware, ao ni bokin rongorongo, ao ni kabane rongorongo ni uarao ake a boretiaki, ao aika tabe ni koreaki, ao mai iroun antai, ao n anga bwaninin rongorongo ni kakeru aika buakaka ao karawawata aika kamamate ake a tia ni karaoaki nakoia aomata aikai—
6 Bwa ti aonga n ae tiaki tii boretiia nakon te aonaba ni kabuta, ma n angan atuun nako te tautaeka aron bannaia nako aika a roo man roko mai moone, bwa te kabanea n anga are ti kainanoaki ni karaoia mai iroun Tamara are i Karawa, i mwaain ae ti kona raoi ao ni kabanea raoi ni karekea te kariaia ibukin te berita are e na weteia man ana atabo ni karaba; ao bwa te botanaomata ni kabane aonga naba n tiku n akea aia anga i mwaain ae e kona ni kanakoa mwaakan baina ae korakora.
7 Bon te tabe ae rang kakawaki are ti bae iai nakon te Atua, nakoia anera, ake ti na kairaki n tei ma ngaai, ao nakoira naba, nakoia buura ao natira, ake a tia ni imanonoaki bwa a na boobaraki ma te korakai n nano, te nanokawaki, ao raraoma, i aan bain te tiritiri ae rangi ni kabuakakaki, te tautaeka ma te tiritiri ao te aonikai, ao bwainikirinakiia aomata, are boutokaaki ao ni kaungaaki ao ni buokaki man ana kairiiri te tamnei are e a tia ni kamatoai aia onimaki ara bakatibu, ake a tia ni karekei koaua aika a kewe, i aon nanoia natiia, ao ni kaonrakea te aonaba n te mangaongao, ao e a tia n rang rikirake ni korakora man korakora, ao ngaia raoi ngkai oin taian mwakuri buaka ni kabane, ao te aaonaba ni kabuta e ngirangira i aan tinebun buakakana.
8 Bon te aamo ae te biti, bon te kabaebae ae e rang matoatoa; bon bwain kabaean baai, ao tieinin, ao taurekereken, ao bwain kabaebaen moone.
9 Mangaia are bon te tabe ae e rang kakawaki are ti bae iai, tiaki tii nakon oin buura ao natira, ma nakoia aine ake akea buuia ao ake akea tamaia, ake buuia ao tamaia a tia n atiringaki i aan baina ae te biti;
10 Aika mwakuri aika a roo ao n rotongitong a tau ni karika moone bwa e na ruru, ao n tei n rangi ni maaku ao ni mainarake, ao bain te riaboro naba bwa e na ruru ao ni kaatikitiki.
11 Ao bon te tabe ae e rang kakawaki naba are ti bae iai nakon te roro ae rikirake ni kabane, ao nakoia ni kabane ake a itiaki nanoia—
12 Bwa a mwaiti naba i aon te aonaba i buakon ni kabane ekaretia, botaki, ao botaki n aro, ake a akamatakiiaki n aia kamwamwane aomata, are a tataninga ni mwamwanaa te aba, ao a tii kararoaaki man te koaua ibukina bwa a baki ataia bwa a na kunea iaa—
13 Mangaia are, bwa ti riai ni kabanea ao ni kamanenaa maiura ni kaoti abwaai ake a raba ni kabane n te roo, are ti atai; ao a bon kaotaki raoi mai karawa—
14 Aikai a na karaoaki ngkanne ma te botumwaaka ae korakora.
15 Akea te aomata ae e na wareki bwa bwaai aika uarereke; bwa e rang korakora ae e wene n taai aika a na roko, ni kaineti nakoia aomata aika itiaki, ake a katine i aon bwaai aikai.
16 Kam ataia, tariu, bwa te kaibuke ae e rang bubura e rang korakora abuokakina man te wiira ae e rang uarereke n tain te buaka, man kawakinna ni mwakuri ma te ang ao te nao.
17 Mangaia are, tarira aika a tangiraki, ti riai ni akukurei ni karaoi bwaai ni kabane aika a wene ni mwaakara; ao ngkanne ti aonga ni bon tei naba, ma te koaua ae korakora, n noora ana bkamaiu te Atua, ao ibukin baina bwa e na kaotaki.