Mwakoro 83
Kaotioti ae kaotaki rinanon Iotebwa Timiti te Burabeti, i Independence, Missouri, n Eberi 30, 1832. E karekeaki te kaotioti aei ngke e tekateka ni bowi te Burabeti ma mwaane aika taan kairiiri n te Ekaretia.
1–4, Iai inaomataia aine ao ataei ni karekea maiuia mai irouia buuia ao tamaia; 5–6, Iai inaomataia aine ake a tia ni mate buuia ao ataei ake akea aia karo ni karekea maiuia man te Ekaretia.
1 E koaua, e taku te Uea, ni ikotaki ma tuan te ekaretia ni kaineti nakoia aine ao ataei, ake a kaaina te ekaretia, ake a abua buuia ao tamaia:
2 Iai ainaomataia aine ni karekea maiuia mai irouia buuia, ni karokoa a anaaki buuia; ao ngkana a aki kuneaki bwa taan bure a na karekea te tibwanga ae bwanin ni kaainakin te ekaretia.
3 Ao ngkana a aki kakaonimaki a na aki karekea te tibwanga ae bwanin ni kaainakin te ekaretia; ma a na bon tiku n abaia ma aia bwai are a bwaibwai iai ni kaineti ma tuan te aba.
4 Iai inaomataia aataei ni kabane ni karekea maiuia mai irouia aia karo ni karokoa a ikawai i aan te tua.
5 Ao i mwin anne, iai inaomataia ni buokaki man te ekaretia, ke n taekana teuana man ana abata ni kaikobwai te Uea, ngkana a aki kona aia karo n anganiia abaia ni bwaibwai.
6 Ao e na baireaki te bata ni kaikobwai man bwaai ake a katabuaki ake a karekeaki mai irouia kaain te ekaretia; ao a na katauraoaki kainnanoia aaine ake a mate buuia ao ataei ake akea aia karo, ao bkainnano naba. Amen.