Mwakoro 17
Kaotioti ae kaotaki rinanon Iotebwa Timiti te Burabeti nakon Oliver Cowdery, David Whitmer, ao Martin Harris, i Fayette, New York, n Tuun 1829, i mwain are a noori taian bwaatua ae a korobokiaki are kanoana rongorongon Ana Boki Moomon. Iotebwa ma ana tia koroboki, ae Oliver Cowdery, a tia n reiakinna man rairakin bwaatuan Ana Boki Moomon bwa Taan Kakoaua aika Teniman aika a onoti a na bon kaotaki (taraa Ita 5:2–4; 2 Nibwaai 11:3; 27:12). Oliver Cowdery, David Whitmer, ao Martin Harris a rootaki n te nano ae kairaki iroun te Tamnei bwa a na riki bwa Taan Kakoaua aika Teniman aika a onoti. E bubutia te Uea te Burabeti, ao e kaotaki te kaotioti aei bwa kaekaana rinanon te Urim ao te Tammim.
1–4, Man te onimaki Taan Kakoaua ake Teniman a na kona n noori bwaatua ao tabeua bwaai aika a tabu; 5–9, E kaota ana koaua Kristo bwa Ana Boki Moomon bon mai iroun te Atua.
1 Nooria, I tuangkami, bwa kam riai n onimakina au taeka, are ngkana kam karaoia ma ana kantaninga nanom ae bwanin, kam na kona n anoori bbwaatua, ao te otanga naba, ana ckabaang Raban, te dUrim ao te Tammim, are e anganaki etarin Iareta i aon te maunga, ngke e taetae ma te Uea ni fkaaitara ma ngaia, ao te bwai ni kairiiri ae gkamimi are e anganaki Riaai ngke e mena n te rereua, i aon mataniwiin hTaari are e Uraura.
2 Ao bon man am onimaki are ko na karekea noorakin bwaai akanne, are te onimaki anne are iai irouia burabeti ngkoa.
3 Ao i mwin karekean te onimaki, ao n noori ni matami, kam na riai n ataekina koauana man mwaakan te Atua;
4 Ao aio ae kam na riai ni karaoia bwa e aonga au tia mwakuri ae Iotebwa Timiti te Ataei n aki kamaunaaki, bwa I aonga n kakoroa bukin au waaki aika a raoiroi nakoia natiia aomata n te mwakuri aei.
5 Ao kam na kakoaua bwa kam a tia n noori, n ai aron au tia mwakuri ae Iotebwa Timiti te Ataei, e a tia naba noori; bwa bon man mwaakau ae e noori iai, ao aio bukina bwa iai ana onimaki.
6 Ao e a tia n raira te aboki, te bmwakoro naba are I tuangnga, ao n aron ae e maiu am Uea ao Atuam e bon koaua.
7 Mangaia are, kam a tia ni karekea naba te mwaaka ae titebo, ao te onimaki naba ae titebo, ao te bwai n tituaraoi ae titebo naba n aekakina;
8 Ao ngkana kam karaoi au tua akekei, are I a tia n anganingkami, amataroan moone e na bon aki tokanikai i aomi; bwa e bon tau au bakoi ibukimi, ao kam na bon cuotaki rake n te kabanea ni bong.
9 Ao Ngai, Iesu Kristo, am aUea ao Atuam, I a tia n taekini nakoimi, bwa I aonga n kakoroa bukin au waaki aika a raoiroi nakoia natiia aomata. Amen.