Mwakoro 23
Taian kaotioti aika nimaua aika kaotaki rinanon Iotebwa Timiti te Burabeti, I Manchester, New York, Eberi 1830, nakoia Oliver Cowdery, Hyrum Smith, Samuel H. Smith, Joseph Smith te Ikawai, ao Joseph Knight te Ikawai. Ibukin nanoia ni koaua niman aomata ake a atongaki araia ni kan atai tabeia nako, e bubuti te Burabeti nakon te Uea ao e karekei kaotioti ibukia n tatabemania nako.
1–7, Taan reirei ngkoa aikai a bon weteaki bwa a na tataekin, kaungaa, ao ni kakorakora te Ekaretia.
1 Nooria, I taekini nakoim, Oliver, taeka tabeua. Nooria, ko na kakabwaiaaki, ao ko aki mena i aan te kabuakakaaki. Ma tarataraiko man te akamoamoa, bwa mwiina ko na rin n te bkaririaki.
2 Kaota weteakim nakon te ekaretia, ao imatan te aonaba naba, ao e na kaukaki nanom n tataekina te koaua ma ngkai ao n aki toki. Amen.
3 Nooria, I taekini nakoim, Hyrum, taeka tabeua; bwa ko aki mena naba i aan te kabuakakaaki, ao e kaukaki nanom, ao e kabwaraaki newem; ao weteakim bon te kaunga nano, ao ni akakorakora te ekaretia n taai nako. Mangaia ae tabem bon nakon te ekaretia n aki toki, ao aio ibukin am utu. Amen.
4 Nooria, I taekini taeka tabeua nakoim, aSamuel; bwa ko aki mena naba i aan te kabuakakaaki, ao weteakim bon te kaunga nano, ao ni kakorakora te ekaretia; ao ko tuai moa ni weteaki bwa ko na kabwarabwara imatan te aonaba. Amen.
5 Nooria, I taekinii taeka tabeua nakoim, Joseph; bwa ko aki mena naba i aan te kabuakakaaki, ao weteakim bon te kaunga nano naba, ao ni kakorakora te ekaretia; ao aio tabem ma ngkai ao n aki toki. Amen.
6 Nooria, I kaotia nakoim, Joseph Knight, n taeka aikai, bwa ko riai n tabeka rake am akaibangaki, n te aro ae ko riai n btataro ma cbwanaam imatan te aonaba ao ni karaba naba, ao n am utu, ao i buakoia raraom, ao n taabo nako.
7 Ao, nooria, bon tabem bwa ko na akaaina te ekaretia ae koaua, ao n anga am taetae ni kaunga nano n taai nako, bwa ko aonga ni karekea kanuwangan te tia mwakuri. Amen.