Mwakoro 14
Kaotioti aika kaotaki rinanon Iotebwa Timiti te Burabeti nakon David Whitmer, i Fayette, New York, n Tuun 1829. Te utu ae Whitmer a rang korakora nanoia n te rairairi ibukin Ana Boki Moomon. E katea ana tabo ni maeka te Burabeti ni mwengan Peter Whitmer, te Ikawai, are e maeka iai ni karokoa e tia te mwakuri n rairairi ao karekean kamatoan te kariaia ni boreeti ibukin rokon te boki. Teniman natin Whitmer aika mwaane, are a tia n reke irouia aia koaua ibukin koauan te mwakuri, e korakora raraomaia ibukin tabeia ni kakatemanna. Te kaotioti aei ao uoua i mwin aei (mwakoro 15 ao 16) a kaotaki ni kaekai bubuti rinanon te Urim ao te Tammim. E riki David Whitmer i mwina bwa temanna mai buakoia Taan Kakoaua ake Teniman nakon Ana Boki Moomon.
1–6, Taan mwakuri n te nne ni kurebe a na karekea te kamaiuaki; 7–8, Te maiu ae akea tokina bon ana bwaintituaraoi te Atua ae korakora; 9–11, E karaoa karawa ma aonaba Kristo.
1 E a kan roko ate mwakuri ae korakora ma ni kamimi i buakoia natiia aomata.
2 Nooria, Ngai te Atua; ongo n au taeka, ae e maiu ma ni mwaaka, ao e kakang riki nakon te kai ni kabaang aika uaitera wiina, nakon bwenauaakin taian toma ma kanoan rii; mangaia are ongo nakon au taeka.
3 Nooria, e a mainaina n tawa ngkai te nne n aroka nakon te taiaki; mangaia are, ane e korakora nanona ni kan taia, e na karina ana biti ni koro wiita ma korakorana, ao n taia ni karokoa te kabanea ni bong, bwa e aonga ni kaikoa te kamaiuaki ae e aki tootoki nakon tamneina n uean te Atua.
4 Eng, ane e karina ana biti ni koro wiita ao n taia, e bon weteaki iroun te Atua.
5 Mangaia are, ngkana ko bubutiai ao ko na bon karekea; ngkana ko karebwerebwe e na kaukaki nakoim.
6 Ukoukora waakinan ao katean au Tion. Kawakinii au tua ni bwaai ni kabane.
7 Ao, ngkana ko akawakini au tua ao n bteimatoa ni karokoa te toki e na reke iroum te cmaiu ae akea tokina, are te bwai n tituaraoi ae moan te korakora mai i buakon ana bwai n tituaraoi nako te Atua.
8 Ao e na koro bukina, bwa ngkana ko bubutia te Atua n arau, n onimaki ni kakoaua, e na reke iroum te aTamnei ae Raoiroi, are e anga te kariaiakaki n taetae, bwa ko aonga n tei bwa te btia kakoaua ibukin bwaai ake kam kaai n congo ao n nooria, ao bwa ko aonga naba n taekina te rairannano nakon te roro aei.
9 Nooria, Ngai aIesu Kristo, bNatin cte Atua ae maiu, are e dkaraoa karawa ma eaonaba, te foota are e aki kona ni karabaaki n te groo;
10 Ngaia are, N na riai ni kaota abwaninin au euangkerio mai irouia bTientaire nakon te bata are Iteraera.
11 Ao nooria, ngkoe ae Tawita, ao ko a tia ni weteaki ni ibuobuoki; are ngaia ngkana ko karaoia, ao ko kakaonimaki, ko na kakabwaiaaki n tamnei ao n rabwata, ao e na korakora kanuangam. Amen.