1 Ana ^amwakuri, ao ana iango, ao ana waaki te Atua a aki kona n totokoaki, ke n akea bonganaia.

2 Bwa te ^aAtua e aki nakonako ni kawai aika a bwaoua, e aki rairaki nakon te atai ke te maing, e aki bibitaki man te bwai are e a tia n taekinna, ngaia are a eti kawaina, ao ^bkawaina aiaron te mronron ae akea tokina.

3 Uringnga, uringnga bwa tiaki ana ^amwakuri te Atua ae e totokoaki, bwa bon aia mwakuri aomata;

4 Bwa e ngae ngke a mwaiti kaotioti ae e karekei te aomata, ao ni iai irouna te mwaaka ni karaoi mwakuri aika mwaiti aika korakora, ma ngkana e ^akamoamoa n oin korakorana, ao ni kaakeai bonganan ana ^breirei te Atua, ao n ira ana kairiiri oin nanona ma tangiran ^cbwain te rabwata, e na bon bwaka ao man karekea ana ^dkabomwi te Atua ae motiraoi.

5 Noria, ko a tia n onimakinaki ni bwai aikai, ma ai matoara riki tuua ake ko anganaki; ao uringi naba taian berita ake a tia ni karaoaki nakoim, ngkana ko aki urui tuua akanne.

6 Ao noria, ai mwaitira am tai ae ko ^aurui ana tua te Atua, ao n reitinako ni butimwaai aia ^bkairoro aomata.

7 Bwa, nooria, ko na riai n aki ^amaaka riki te aomata nakon te Atua. E ngae ngke aomata a kaakeai bongan ana reirei te Atua, ao n ^bribai ana taeka—

8 Ma ngke arona bwa ko kakaonimaki; ao e na bon arora baina ao man boutokaiko ni kaitarai nako ana ^akai ni katebe aika ura te ^bkairiribai; ao e na bon raoniko n am tai ni ^ckangaanga nako.

9 Nooria, ngkoe ae Iotebwa, ao ko a tia n rineaki bwa ko na karaoa ana mwakuri te Uea, ma ibukin riaoan te tua, ngkana ko aki taratara ao ko na bon bwaka.

10 Ma uringnga, bwa te Atua e nanoanga; ngaiare, raira nanom man te bwai ae ko a tia ni karaoia are kaitara te tua are I a tia n anganiko, ao ko bon teimatoa naba n rineaki, ao ni manga weteaki riki nakon te mwakuri;

11 Ngkana ko aki karaoa aei, ko na tiku n tii ngkoe ao n riki n aia aroia aomata tabeman, ao man akea te bwai n tituaraoi nakoim.

12 Ao ngkana ko anganako te bwai are e anganiko te Atua ni mamata ao te mwaaka n ^arairairi, ko anganako te bwai ae tabu nako nanon bain te ^baomata ae buakaka,

13 Are e kaakeai bonganan ana reirei te Atua, ao n tia n urui tenaan berita aika moan te tabu are e karaoi i matan te Atua, ao n tia ni katan i aan oin ana iango ao ni ^akamoamoa n oin wanawanana.

14 Ao aio bukin ae e bua ma iroum te tibwanga n te tai anne—

15 Bwa ko a tia ni kariaia ana reirei am tia ^akairiiri bwa a na toubekaaki mai moana.

16 E ngae n anne, e na bon waaki nako au mwakuri, n ai aekakin ae e a tia n roko ataakin te ^aTia Kamaiu n te aonaba, rinanon aia ^bkoaua taian Iutaia, ao aiaron naba rokon ^cataakin te Tia Kamaiu nakoia au aomata—

17 Ao nakoia ^aNibwaite, ao Iakobwaite, ao Iotebwaite, ao Tioramwaite, rinanon aia koaua tamaia—

18 Ao e na roko ataakin te ^akoaua aei nakoia ^bReimwanaite, Remueraite, ao Itimaeraite, ake a ^ckerikaaki n aia aki kakoaua bukin aia bure tamaia, are e a tia ni kariaia te Uea bwa a na ^dkamaunaia tariia ake Nibwaite, bukin aia buakaka ao aia mwakuri aika bati n ribaki.

19 Ao aio raoi ^abukin ae a kaawakinaki taian ^bbwaatua aikai, ake kanoana taian rongorongo aikai—bwa e aonga ni koro bukin ana ^cberita te Uea, are e a tia ni karaoia nakoia ana aomata;

20 Ao bwa aonga taian ^aReimwanaite ni karekea ataakin taekan tamaia, ao n atai ana berita te Uea, ao bwa aonga ni ^bkakoaua te euangkerio ao n ^conimakini ana mwakuri Iesu Kristo aika raoiroi, ao man ^dkamimitongaaki rinanon te onimaki n arana, ao man rinanon aia rairannano a na bon kamaiuaki. Amen.