Mwakoro 22
Kaotioti ae kaotaki rinanon Iotebwa Timiti te Burabeti, i Machester, New York, n Eberi 16, 1830. E kaotaki te kaotioti aei nakon te Ekaretia ibukia naake a kaman tia ni bwabetitoaki ake a tangiria n ikotaki ma te Ekaretia n akea te manga bwabetito.
1, Te bwabetito bon te berita ae tabu ae boou ao akea tokina; 2–4, Te bwabetito n te kariaiakaki ae eti e bon kainanoaki.
1 Nooria, I tuangkami bwa ni kabane berita aika tabu ake angkoa ake I a tia ni katoki n te bwai aei; ao aio bon te berita ae tabu ae bboou ae akea tokina, are iai ma ngke e tuai karikaki bwai.
2 Mangaia are, e ngae ngkana e bwabetioaki te aomata tebubua te tai bon akea manenana nakoina, bwa kam aki kona n rin i nanon te mataroa ae wariki n ana atua Mote, ke n ami bmwakuri aika mate.
3 Bwa ibukin ami mwakuri aika a mate ae I karika te kabanea ni berita ae tabu ao te ekaretia aei bwa e na karikirakeaki ibukiu, n aron naba boong ake ngkoa.
4 Mangaia ae, kam na rinnako n te amataroa, n aron are I a tia n tua, ao tai bukoukora kaetan Atuami. Amen.