Mwakoro 28
Kaotioti ae kaotaki rinanon Iotebwa Timiti te Burabeti nakon Oliver Cowdery, i Fayette, New York, n Tebetembwa 1830. Hiram Page, are kaain te Ekaretia, iai irouna te aekaki n atibu ae e okoro ao e taekinna bwa e karekea te kaotioti man ana ibuobuoki te atibu aei ni kaineti ma karikirakean Tion ao aron bairean te Ekaretia. A mwaiti kaain te ekaretia ae a mwamwanaki n taian taeka aikai, ao e kairaki nanon Oliver Cowdery n te aro ae e kairua mai iai. Bon i mwaain tain te maungatabu are e a tia ni baireaki, e bubuti te Burabeti ma nanona ae korakora nakon te Uea ni kaineti ma aei ao e rimwiaki n te kaotioti aei.
1–7, Iotebwa Timiti e taui kiingin mwakuri aika raba, ao ti ngaia ae e karekea te kaotioti ibukin te Ekaretia; 8–10, E na kabwarabwara Oliver Cowdery nakoia Reimwanaite; 11–16, Tatan e mwamwana Hiram Page ao e anganna kaotioti aika a kaairua.
1 Noria, I tuangko, aOliver, bwa ko na anganaki bwa a na ongo kaain te ekaretia ni bwai ni kabane ake ko na breireinia mai iroun te cTia Karaunano, ni kaineti ma kaotioti ao tuua ake I a tia n anga.
2 Ma, noria, e koaua, e koaua, ae I tuangko, aakea ae e na rineaki ni karekei tua ao kaotioti n te ekaretia aei ma ti au tia mwakuri ae bIotebwa Timiti te Ataei, bwa e bon karekei n ai aron naba Mote.
3 Ao ko na ongeaba nakon bwai ake I anganna, n ai aron aAaron, n taekin tua ao kaotioti ma te kakaonimaki, ma te mwaaka ao te bkariaiakaki nakon te ekaretia.
4 Ao ngkana ko kairaki n te tai teuana ma teuana iroun te Tia Karaunano bwa ko na ataetae ke n anga reirei, ke n tai nako nakon te ekaretia ngkana ko tuangaki, ko na karaoia.
5 Ma ko na aki korei bwa te tua, ma ko na korei ma te wanawana;
6 Ao ko na aki tuanga teuare ngaia am mataniwi, ao mataniwiin te ekaretia;
7 Bwa I a tia n anganna akiingin bbwaai aika raba, ao taian kaotioti ake a kainaki, ni karokoa I rinea temanna ae e na onean mwina.
8 Ao ngkai, nooria, I tuangko bwa ko na nako nakoia aReimwanaite ao n tataekina au beuangkerio nakoia; ao ngkana a teimatoa ni butimwaai am reirei ko na katea au ekaretia i buakoia; ao ko na karekei kaotioti, ma ko na aki korei bwa tuan te ekaretia.
9 Ao ngkai, nooria, I tuangko bwa e aki kaotaki, ao akea te aomata ae e ataia bwa e na kateaki ia te akaawa ae bTion, ma e na kaotaki i mwina. Nooria, I tuangko bwa e uakaan ma te tabo are a maeka iai Reimwanaite.
10 Ko na aki kitana te tabo aei ni karokoa mwiin te maungatabu; ao au tia mwakuri ae Iotebwa e na rineaki bwa e na tararua te maungatabu man bwanaan te maungatabu, ao tera are e tuangko ko na taekinna.
11 Ao teuana riki, ko na ana tarim ae Hiram Page, tii amarenam ma ngaia, ao tuangnga bwa bwaai ake e korei man te atibu bon tiaki mai irou ao bwa bTatan e a tia ni cmwamwanaia;
12 Bwa, nooria, bwaai aikai a bon aki anganaki nakoina, ke akea bwaai nako ae e na anganaki nakoia kaain te ekaretia aei ae kaitaraa tuan te ekaretia.
13 Bwa a riai ni karaoaki bwaai ni kabane n aroia, ao man te aboutoka ae tabangaki n te ekaretia, man te tataro n onimaki.
14 Ao ko na ibuobuoki ni bairei bwaai ni kabane aikai, ni kaineti ma tuan te ekaretia, i mwaain ae ko na mwananga nako nakoia Reimwanaite.
15 Ao ko na aanganaki man te tai are ko na nako iai, ni karokoa te tai are ko oki iai, bwa tera ae ko na karaoia.
16 Ao ko na kaurea wiim n taai nako, ni kabwarabwara au euangkerio ma te bwanaa ni kimwareirei. Amen.