Mwakoro 105
Kaotioti ae kaotaki rinanon Iotebwa Timiti te Burabeti, i Fishing Karaanga, i Missouri, n Tuun 22, 1834. I an ana kairiri te Burabeti, Aomata aika Itiaki mai Ohio ao aono riki ake tabeua a mwaati nako Missouri n te mwananga are e ataaki i mwina bwa ana Kaembwa Tion. Oin aia kantaninga bwa a na kairia Aomata aika Itiaki i Missouri ake a kabaneaki ni kaokia nakon abaia n te Aono ae Jackson. Kaain Missouri ake a tia ngkoa ni bwainikirinia Aomata aika Itiaki a maaka kaboan mwin are a tia ni karaoi mai iroun ana Kaembwa Tion ao a moantaai ni kamwaruaia tabeman Aomata aika Itiaki ake a maeka n te Aono ae Clay, Missouri. I mwin are e buta ana berita te kowana i Missouri bwa e na boutokaia Aomata aika Itiaki, Iotebwa Timiti e karekea te kaotioti aei.
1–5, Tion e na kateaki ni kaineti nakon tuan te tiretio; 6–13, Kaboan Tion e katokaki moa inanon te tai ae uarereke; 14–19, Te Uea e na buaka n ana buaka Tion; 20–26, Aomata aika Itiaki a riai ni wanawana ao n aki kamoamoai aia mwakuri ae korakora ngkana a ikotaki; 27–30, Aaba n te Aono ae Jackson ao aaba ake i rarikina a na riai ni kabooaki; 31–34, Unimwaane a riai ni karekea te entaumente n umwan te Uea i Kirtland; 35–37, Aomata aika Itiaki ake a weteaki ao n rineaki a na katabuaki; 38–41, Aomata aika Itiaki a riai n tabekarake kanikinaean te raoi nakon te aonaba.
1 E koaua ae I tuangkami ake kam a tia ni ikotingkami ni kabane bwa kam aonga n reiakina au kantaninga ni kaineti ma akaboakia au aomata aika a karawawataaki—
2 Nooria, I tuangkami, ngkana tiaki ibukin ariaoan te tua irouia au botanaomata, N taetae ni kaineti ma te ekaretia ao tiaki kakatemanna, a na kaman tia ni kamaiuaki n te tai aei.
3 Ma nooria, a tuai man ataia ae a na ongeaba nakon bwaai ake I tangiria mai irouia, ma a onrake n aekan nako te buakaka, ao n aki atibwauai aia bwai, n aroia aomata aika itiaki, nakoia kainnano ao naake a karawawataaki i buakoia;
4 Ao a aki akatiteuanaaki ni kaineti nakon te katiteuanaaki are e kainanoaki n tuan te abanuea ae te tiretio;
5 Ao aTion e aki kona ni kateaki ma btii man babaire n ana ctua te abanuea ae te tiretio; ngkana tiaki I aki kona ni butimwaia nakoiu.
6 Ao au aomata a riai ni akatuaeaki ni karokoa a reiakina te bongeaba, ngkana e riai, man bwaai ake a rootaki iai.
7 I aki taetae ni kaineti nakoia naake a rineaki bwa a na kairiia au botanaomata, ake tenaan amoan unimwaane n au ekaretia, bwa a aki bane ni mena i aan te kabuakaka aei;
8 Ma I taetae ni kaineti nakon au mwanga n te ekaretia n aba tabeua—a mwaiti aika a na kangai: Enga Atuaia? Noria, e na kamaiuia n tain te kaangaanga, ma ngkana e aki ti na aki nako nakon Tion, ao ti na taui ara mwane.
9 Mangaia are, ibukin ariaoan te tua irouia au aomata, e riai irou bwa au unimwaane a na tataninga i nanon te tai ae uarereke ibukin kaboakin Tion—
10 Bwa aonga ngaiia ni katauraoaki, ao bwa aonga au botanaomata n reireinaki raoi riki, ao n taneiai, ao n ataa raoi riki aron atabeia, ao bwaai ake I kainnanoi mani baia.
11 Ao aio e aki kona ni koro bukina ni karokoa au aunimwaane a banganaki te mwaaka mai eta.
12 Bwa nooria, I a tia ni katauraoa te entaumente ao te kakabwaia aika korakora bwa e na abwaro nako aoia, ngkana a teimatoa ni kakaonimaki ao n reitinako ni karinanoia imatau.
13 Mangaia are e riai irou bwa au unimwaane a na tataninga i nanon te tai ae uarereke, ibukin kaboakin Tion.
14 Bwa nooria, I aki kainnanoia mai irouia bwa a na buaka n ana buaka Tion; bwa, n aron ae I taku n te tua are mai i mwaaina, N na bon kakoroa bukina—N na abuaka n ami buaka.
15 Nooria, te atia urubwai I a tia ni kanakoa bwa e na urui ao ni kamaunaia au kairiribai; ao e aki mwaiti te ririki ma ngkai a na aki tiku ni kabareka abau ni bwaibwai, ao n btaetae n aki akaaka arau i aon aaba ake I a tia ni ckatabui ibukin ikotakiia au aomata aika itiaki.
16 Nooria, I a tia n tuanga au tia mwakuri ae Iotebwa Timiti te Ataei bwa e na kangai nakon akorakoran au auti, au taan tia buaka naba, au ataeinimwaane, ao naake a mena n te nuuka n ririki, bwa a na ikotaki ni kabane ibukin kaboakia au aomata, ao n urui aia taua au kairiribai, ao ni kamaenakoia aia btaan taratara;
17 Ma korakoran au auti a tia n aki ongo n au taeka.
18 Ma ngkana a teimatoa n iai naake a tia n ongo n au taeka, I a tia ni katauraoa te kakabwaia ao te aentaumente ibukiia, ngkana a reitinako ni kakaonimaki.
19 I a tia n ongo aia tataro, ao ni butimwaea aia anga karea; ao e riai irou bwa a na uotaki ni karokoaki ikai ibukin kataakin aia aonimaki.
20 Ao ngkai, e koaua ae I tuangkami, te tua are I anganingkami, bwa ni kabane ake a roko nakon te tabo aei, ake a kona n tiku n taabo aika uakaan, a riai n tiku;
21 Ao naake a aki kona n tiku, ake iai aia utu i mainiku, a riai n tiku i nanon te tai ae uarereke, n aron are au tia mwakuri Iotebwa e baireia nakoia;
22 Bwa N na reireinna ni kaineti ma aio, ao bwai ni kabane ake e na bairei nakoia a na kakoroaki bukiia.
23 Ao a riai ni kabane au aomata ake a maeka n taabo nako ae uakaan n riai n rang kakaonimaki, ao n tataro n taai nako, ao n nanorinano imatau, ao n aki kaoti bwaai ake I a tia ni kaoti nakoia, ni karokoa e riai irou bwa a na kaotaki.
24 Tai taekina te motikitaeka, ke ni akamoamoaa te onimaki ke mwakuri aika korakora, ma ikotingkami raoi, n te mwaiti are e kona n reke n te aono teuana, ni booraoi ma aia namakin aomata;
25 Ao nooria, N na anganingkami te mwananoaki ao te akoaki imataia, bwa kam aonga n arau ni motirawa ao ni kamanoaki, ngkai kam kangai nakoia aomata: Karaoa te motikitaeka ao te moti ae raoiroi ibukira ni kaineti nakon te tua, ao kabomwi nakoira ibukin kairua nakoira.
26 Ngkai, nooria, I tuangkami, raou, n te kawai aei kam kona ni kunea te akoaaki imataia aomata, ni karokoa ana ataanga Iteraera e a rangi ni korakora.
27 Ao N na kamaraua nanoia aomata, n aron are I karaoia nakon nanon aBwarao, man te tai teuana nakon teuana, ni karokoa au tia mwakuri ae Iotebwa Timiti te Ataei ao au unimwaane, ake I a tia n rineia, a na iai aia tai ni booti korakoran au auti,
28 Ao ni kanakoia aomata aika awanawana, ni kakoroa bukin te bwai are I a tia n tua ni kaineti ma bkabooan ni kabane aaba n te Aono ae Jackson ake a kona ni kabooaki, ao aaba ake a ikotaki ake a uakaan.
29 Bwa bon au kantaninga bwa aba aikai a na kabooaki; ao i mwin kabooaia ao au aomata aika itiaki a na bwaini ni kaineti nakon atuan te anganano ake I a tia n anga.
30 Ao i mwin kaboan aaba aikai, N na arana ana ataanga Iteraera bwa a aki bure n tauii mwiin oin abaia, are a kaman tia ni kabooi ma te mwane, ao n urui aia taua au kairiribai bwa aonga ni mena i aoia, ao ni kamaenakoia taan taratara, ao ni bkabooan mwiina irouia au kairiribai, nakon te katenua ao te kaaua n roro ake a ribaai.
31 Ma te moan e riai au taanga n rangi ni korakora, ao e riai ni akatabuaki imatau, bwa e aonga n tamaroa n ai aron taai, ao n itiaki n ai aron bnamwakaina, ao bwa e aonga ana buraeki n riki ni kakamaku nakon aaba ni kabane;
32 Bwa abanuean te aonaba aei e aonga ni kairoroaki ni kakoaua bwa abanuean Tion bon ngaia raoi aabanuean Atuara ao ana Kristo; mangaia are, ti riai n btautaekanaki i aan ana tua.
33 E koaua ae I tuangkami, e riai irou bwa tenaan moan unimwaane n au ekaretia a na karekea aia aentaumente mai eta n au auti, are I a tia n tua bwa e na kateaki nakon arau n te aba ae Kirtland.
34 Ao a riai tua akanne ake I a tia n anga ni kaineti ma Tion ao ana atua a riai ni karaoaki ao ni kakoroaki bukia, i mwiin kaboakina.
35 Iai te bong ni awewete, ma te tai e a tia n roko ibukin bongin te rinerine; ao a riai n rineaki naake a btau.
36 Ao e na kaotaki nakon au tia mwakuri, man bwanaan te Tamnei, naake a arineaki; ao a na bkatabuaki;
37 Ao ngkana a teimatoa n iira te areirei are a karekea, a na karekea te mwaaka i mwin boong aika mwaiti ni kakoroi bukin bwaai ni kabane aika kaineti ma Tion.
38 Ao I a manga tuangkami, bubuti ibukin te rau, tiaki tii nakoia aomata ake a oroiko, ma nakoia aomata ni kabane naba;
39 Ao tabekarake akanikinaean te braoi, ao karaoa te katanoata n rau nako tabon te aonaba;
40 Ao ni karaoi bubuti ibukin te rau nakoia naake a tia n oroingkami, ni kaineti nakon bwanaan te Tamnei are iroumi, ao bwaai ani kabane a na kaai ni mwakuri ibukin kabwaiami.
41 Mangaia are, kakaonimaki; ao nooria, ao taraia, aI mena ma ngkami ni karokoa te toki. Eng. Amen.