Mwakoro 80
Kaotioti ae kaotaki rinanon Iotebwa Timiti te Burabeti, i Hiram, Ohio, ni Maati 7, 1832.
1–5, A weteaki Stephen Burnett ao Eden Smith bwa a na kabwarabwara n taabo nako are a rineia.
1 E koaua, ae taku te Uea nakon au tia mwakuri ae Stephen Burnett: Naako ngkoe, naako ngkoe nakon te aonaba ao n atataekina te euangkerio nakoia aomata ni kabane ake a ongo bwanaam.
2 Ao ibukina bwa e kainanoa toana, N na anganiko au tia mwakuri ae Eden Smith.
3 Mangaia are, naako ngkami ao tataekina au euangkerio, tao nako meang ke nako maiaki, nako mainiku ke nako maeao, e aki akaaka, bwa kam aki kona ni kairua.
4 Ngaia are, taekini bwaai ake kam a tia n ongo, ao kam kakoauai bwa a koaua, ao n aataia bwa a bon koaua.
5 Nooria, bon aio a na kantaninga teuare e a tia ni aweteingkami, ami Tia Kaboingkami, ae Iesu Kristo. Amen.