Mwakoro 91
Kaotioti ae kaotaki rinanon Iotebwa Timiti te Burabeti, i Kirtland, Ohio, ni Maati 9, 1833. Te Burabeti n te tai aio e rang n tabe n raira te O Tetemanti. Ngke e roko ni mwakoron koroboki ake ngkoa ae e aranaki bwa Abokiribwa, e bubutia te Uea ao e karekea te kaetieti aei.
1–3, Angiin te rairai n te Abokiribwa a bon eti ma e tiraua i nanona taian taeka ke kibu n taeka aika a karinaki ni baaia aomata aika a aki koaua; 4–6, A kabwaia iai naake a kaotaaki iroun te Tamnei.
1 E koaua, ae taku te Uea nakoimi ni kaineti ma te aAbokiribwa—A mwaiti bwaai i nanona aika a koaua, ao e bon eti angiin rairana;
2 A mwaiti bwaai i nanona aika a aki koaua, ake taian taeka ke kibu n taeka aika a karinaki ni baia aomata.
3 E koaua, I tuangkami, bwa e aki kainnanoaki bwa e na rairaki te Abokiribwa.
4 Ngaia are, ane e warekia, e riai n aoota iai, bwa te Tamnei e kaota te koaua;
5 Ao ane e kaotaaki iroun te aTamnei e na karekea kabwaiana mai iai;
6 Ao ane e aki karekea mai iroun te Tamnei, e aki kona n reke kabwaiana. Ngaia are e aki kainnanoaki bwa e na rairaki. Amen.