Mwakoro 94
Kaotioti ae kaotaki rinanon Iotebwa Timiti te Burabeti, i Kirtland, i Ohio, n Aokati 2, 1833. Hyrum Smith, Reynolds Cahoon, ao Jared Carter a rineaki bwa kaain te komete ni kateitei n te Ekaretia.
1–9, Te Uea e anga te tua ni kaineti ma katean te auti ibukin aia mwakuri kaain te Beretitentii; 10–12, Te auti ni booreti e riai ni kateaki; 13–17, A tibwaaki tabeua aaba ni bwaibwai.
1 Ao teuana riki, e koaua ae I tuangkami, araou, te tua ae I anganingkami, bwa kam na waakina te mwakuri ni bairea ao ni katauraoa moanakin ao aan te kaawa n te btiteiki ae Tion, ikai n te aba ae Kirtland, ni moanaki man au auti.
2 Ao nooria, e riai ni karaoaki ni kaineti nakon te abanna are I a tia n anganingkami.
3 Ao e riai te moan mwakoro n aba are e mena i maiaki ni katabuaki nakoiu ibukin katean te auti ibukiia kaain te beretitentii, ibukin aia mwakuri kaain te beretitentii, ni karekei taian kaotioti; ao ibukin aia mwakuri ni ibuobuoki akaain te beretitentii, ni kaineti ma bwaai ni kabane aika a irekereke ma te ekaretia ao te abanuea.
4 E koaua ae I tuangkami, bwa e na kateaki n nimabwi ma nimaua te buuti rababana ao onobwi ma nimaua te buuti abwakina, i nanona.
5 Ao e na iai bwiana mai i nano ao bwiana mai i eta, ni kaineti nakon te banna are e na kaotaki nakoimi i mwina.
6 Ao e na katabuaki nakon te Uea man aana ni waerake, ni kaineti ma aron te karinan n te nakoanibonga, ni kaineti nakon te banna are e na kaotaki nakoimi i mwina.
7 Ao e na katabuaki ni kabane nakon te Uea ibukin aia mwakuri kaain te beretitentii.
8 Ao kam na aki kariaia abwaai ni kabane aika a bareka n rin nako iai; ao bmimitongiu e na mena iai, ao N na mena iai.
9 Ma ngkana e rin i nanona te abwai ae e bareka, mimitongiu e na aki mena iai; ao N na aki roko i nanona.
10 Ao teuana riki, e koaua ae I tuangkami, te kauoua ni mwakoro n aba are e mena i maiaki e na katabuaki nakoiu ibukin katean te auti ibukiu, ibukin te mwakuri ni abooretiakin brairan au koroboki aika tabu, ao bwaai ni kabane ake N na tuangkami.
11 Ao e na riai n nimabwi ma nimaua rababana ao onobwii ma nimaua te buuti abwakina, i nanona, ao e na iai bwiana i nano ao i eta.
12 Ao te auti aei e na katabuaki ni kabane nakon te Uea man aana ni waerake, ibukin te mwakuri ni boreeti, ni bwaai ni kabane are N na tuangkami, bwa e aonga n tabu, n aki bareka, ni kaineti nakon te banna ni katooto ibukin bwaai ni kabane n aron are e kam na anganaki.
13 Ao i aon te kateniua ni mwakoro n aba au tia mwakuri ae Hyrum Smith e na karekea bwa abana ni bwaibwai.
14 Ao i aon te moan ao te kauoua ni mwakoro n aba ake i meang au taan mwakuri aika Reynolds Cahoon ao Jared Carter a na karekea bwa abaia ni bwaibwai—
15 Bwa a aonga ni karaoa te mwakuri ae I a tia n rineia ibukiia, bwa te komete ni katean au auti, ni kaineti nakon te tua, are Ngai, te Uea ae te Atua, I a tia n anganingkami.
16 Auti aika uoua aikai a na aki kateaki ni karokoa I anganingkami te tua ni kaineti ma ngaiia.
17 Ao ngkai akea moa ae N na anganingkami n te tai aei. Amen.