Mwakoro 125
Kaotioti ae kaotaki rinanon Iotebwa Timiti te Burabeti, i Nauvoo, Illinois, ni Maati 1841, ni kaineti ma Aomata aika Itiaki n te aba ae Iowa.
1–4, Aomata aika Itiaki a riai ni katei kaawa ao ni ikotaki nakon titeikin Tion.
1 Tera ana kantaninga te Uea ni kaineti ma aomata aika itiaki n te Aba ae Iowa?
2 E koaua, ae taku te Uea, I tuangkami, ngkana naake a aarania n arau ao ni kataia n riki bwa au aomata aika itiaki, ngkana a karaoa au kantaninga ao ni kawakini au tua ni kaineti ma ngaia, a riai ni ikotaki ni kabane nakon te tabo are N na rineia nakoia mai iroun au tia mwakuri ae Iotebwa, ao ni katei kaawa nakon arau, bwa a aonga ni katauraoaki ibukin anne are e kawakinaki ibukin te tai ae e na roko.
3 A riai ni katei kaawa nakon arau i aon te aba ae e kaitaraa te kaawa ae Nauvoo, ao e riai aran aTaramaera n aranaki iai.
4 Ao a riai ni kabane naake a roko mai mainiku, ao mai maeao, ao mai meang, ao mai maiaki, ake iai nanoia ni kan maeka iai, n anai abaia ni bwaibwai n te tabo anne, n te kaawa naba ae aNashville, ke n te kaawa ae Nauvoo, ao n btiteiki ni kabane ake I a tia n rineia, e taku te Uea.