Mwakoro 18
Kaotioti nakon Iotebwa Timiti te Burabeti, Oliver Cowdery, ao David Whitmer, ae kaotaki i Fayette, New York, n Tuun 1829. Iroun te Burabeti, te kaotioti aei e kaotaki iai “weteakia abotoro ake tengaun ma uoman ni boong aika kaitira, ao kaetieti naba aika kaineti nakon katean te Ekaretia.”
1–5, Koroboki aika tabu a kaota aron katean te Ekaretia; 6–8, E a tawa n te buakaka te aonaba; 9–16, Kakawakia aomata e rang korakora; 17–25, Ni karekea te kamaiuaki, a riai aomata ni katoka i aoia aran Kristo; 26–36, E kaotaki weteaia ao aia mition Abotoro ake Tengaun ma Uoman; 37–39, Oliver Cowdery ao David Whitmer a na riai ni kakaeia naake Tengaun ma Uoman; 40–47, Ni karekea te kamaiuaki, a riai aomata n raira nanoia, ni bwabetitoaki, ao kawakini tua.
1 Ngkai, nooria, bukin te bwai ae ngkoe, au tia mwakuri ae Oliver Cowdery, ko bubuti n reiakinna mai irou, I anganiko taian taeka aikai:
2 Nooria, I a tia ni kaotia nakoim, mai iroun Tamneiu n taai aika mwaiti, bwa bwaai ake ko korei a bon akoaua; mangaia are ko ataia bwa a bon koaua.
3 Ao ngkana ko ataia bwa a bon koaua, nooria, I anganiko te tua, bwa ko na onimakini bwai ake a akoreaki;
4 Bwa a bon koreaki ni kabane bwaai akanne ibukin aan au ekaretia, au aeuangkerio, ao au bbwa.
5 Mangaia are, ngkana ko katea au ekaretia, i aon aan au euangkerio ao au bwa, mataroan moone e na bon aki tokanikai i aom.
6 Nooria, e a tawa n te buakaka te aaonaba; ao e riai bwa natia aomata a na kaungaki nakon te rairannano, taian bTientaire ao te bata are Iteraera naba.
7 Mangaia are, ibukina bwa ko a tia ni abwabetitoaki ni bain au tia mwakuri ae Iotebwa Timiti te Ataei, ni kaineti ma are I tuangnga, e a tia ni kakoroa bukin te bwai are I tuangnga.
8 Ao ngkai, tai miimi ngkai I weteia ibukin oin au kantaninga, ae te kantaninga ae e ataaki irou; mangaia are, ngkana e abotumwaaka ni bkaawakin au tua e na bon ckakabwaiaaki n te maiu ae akea tokina; ao arana bon dIotebwa.
9 Ao ngkai, Oliver Cowdery, I taetae nakoim, ao nakoim naba David Whitmer, man tuangkami; bwa, nooria, I tuangia aomata ni kabane n taabo nako bwa a na raira nanoia, ao I taetae nakoimi, n ai aron Bauro are au aabotoro, bwa kam bon weteaki n te wewete naba are e weteaki iai.
10 Uringnga bwa e korakora akakawakia baomata imatan te Atua;
11 Bwa, nooria, te Uea te aTia Kaboingkami e bmate n te rabwata; mangaia ae e crinanon te dmaraki ibukiia aomata ni kabane, bwa aonga aomata ni kabane n raira nanoia ao n nakoina.
12 Ao e a tia ni manga auti mai buakoia mate, bwa e aonga ni kairia aomata ni kabane nakoina, ngkana a braira nanoia.
13 Ao ai korakora ra akimwareireina iroun te aomata ae e raira nanona!
14 Mangaia are, kam a weteaki bwa kam na atakaruaea te rairannano nakoia aomata aikai.
15 Ao ngkana ngaia bwa kam na mwakuri n ami bong ni kabane n takaruaea te rairannano nakoia aomata aikai, ao ni kaira nakoiu, ngkana tii temanna te aaomata nakoiu, ai korakora ra kimwareireimi ma ngaia n abanuean Tamau!
16 Ao ngkai, ngkana kimwareireimi e korakora ma temanna te aomata are kam kairia nakoiu n auean Tamau, ai korakora ra riki bkimwareireimi ngkana kam ckairiia aomata aika mwaiti nakoiu!
17 Nooria, iai au euangkerio ae tauraoi ibukimi, ao au bwa, ao au akamaiu.
18 aBubutiia te Atua n barau ma te onimaki, ni kakoua bwa e na reke, ao e na reke iroumi te Tamnei ae Raoiroi, are e na kaoti bwaai ni kabane ake a criai nakoia natiia aomata.
19 Ao ngkana akea ami aonimaki, te bkantaninga, ao te ctangira ae kororaoi, kam aki kona ni karaoa te bwai teuana.
20 Tai akauntaeka ni kaaitaraia ekaretia, tii ngkana ana bekaretia te riaboro.
21 Katoka i aomi aaran Kristo, ao btaetaekina te koaua ma cnanomi raoi.
22 Ao ni kabane aika raira nanoia ao ni abwabetitoaki n arau, ae Iesu Kristo, ao n bteimatoa ni karokoa te toki, a na bon kamaiuaki.
23 Nooria, Iesu Kristo bon te aara ae e anga te Tama, ao bon akea te ara riki teuana are a na kamaiuaki iai aomata;
24 Mangaia are, a na riai aomata ni kabane ni katokaa te ara are e anga te Tama, bwa n te ara anne are a na weteaki iai n te kabanea ni bong;
25 Mangaia ae, ngkana a aki ataa te aara ae a na weteaki iai, a na akea nneia n babanuean Tamau.
26 Ao ngkai, nooria, iai tabeman ake a weteaki bwa a na taekina au euangkerio, nakoia aTientaire ao nakoia Iutaia;
27 Eng, naake Tengaun ma Uoman naba; ao naake aTengaun ma Uoman a na riki bwa au taan reirei, ao a na katoka arau i aoia; ao naake Tengaun ma Uoman bon ngaia ake a kukurei ni katokaa barau i aoia ma nanoia ni kabane.
28 Ao ngkana a tangiria ni katokaa arau i aoia ma nanoia ni kabane, a bon weteaki bwa a na nako n te aaonaba n tataekina au beuangkerio nakoia caomata nako.
29 Ao bon ngaiia ake a katabuaki irou bwa a na abwabetito n arau, ni kaineti nakon te bwai are e koreaki;
30 Ao e tauraoi te bwai are e koreaki ibukimi; ma ngaia are, kam riai ni karaoia ni kaineti nakon taeka ake a koreaki.
31 Ao ngkai I taetae nakoimi, naake aTengaun ma Uoman—Nooria, e tau au akoi ibukimi; kam riai n nakonako i nanon te raoiroi i matau ao n aki bure.
32 Ao, nooria, bon ngkami ake kam katabuaki irou bwa kam na akatabuia ibonga ao tia reirei; n taekina au euangkerio, ni bkaineti nakon mwaakan te Tamnei ae Raoiroi are iai iroum, ao ni kaineti nakon taian cwewete ao taian bwaintituaraoi mai iroun te Atua nakoia aomata;
33 Ao Ngai, Iesu Kristo, ami Uea ao Atuami, I a tia n taekini.
34 aTaeka aikai tiaki mai irouia aomata ke mai iroun te aomata, ma bon mai irou; mangaia are, kam riai ni kakoaua bwa bon mai irou ao tiaki mai iroun te aomata;
35 Bwa bon abwanaau are e taekini nakoimi; bwa kam anganaki au taeka ma iiroun Tamneiu, ao man mwaakau kam a kona ni wareki imarenami; ao a aki kona n reke iroumi ma ti man mwaakau;
36 Mangaia are, kam kona ni akakoaua bwa kam a tia n ongo bwanaau, ao n atai au taeka.
37 Ao ngkai, nooria, I anganiko, Oliver Cowdery, ao nakoim naba David Whitmer, bwa kam na kakaeia naake Tengaun ma Uoman, ake iai irouia tangiran bwaai ake I a tia n taekin;
38 Ao man bwai ake a tangiri ao aia amwakuri ae kam na kinaia iai.
39 Ao ngkana kam kuneia kam na kaoti bwaai aikai nakoia.
40 Ao kam na bwaka ni bobaraki n aneboa te Tama n arau.
41 Ao kam na riai n tataekinna nakon te aonaba, ni kangai: Kam riai n raira nanomi ao ni bwabetitoaki, n aran Iesu Kristo;
42 Bwa aomata ni kabane a na riai n raira nanoia ao ni bwabetitoaki, ao tiaki tii mwaane, ma aine, ao ataei ake a roko n te aroro ni bukinaki.
43 Ao ngkai, i mwin karekean aio iroumi, kam riai ni kawakini au atua ni bwaai ni kabane;
44 Ao man baimi N na karaoi amwakuri aika a kamimi i buakoia natiia aomata, ni bkakoaua nakoia aika a mwaiti bwa a tia ni bure, bwa aonga n roko nakon te raira nano, ao bwa aonga n roko nakon abanuean Tamau.
45 Mangaia are, kakabwaia ake I anganingkami a bon rangi ni kakawaki anakon bwaai ni kabane.
46 Ao i mwin karekean aio iroumi, ngkana kam aki akawakini au tua kam aki kona ni kamaiuaki n abanuean Tamau.
47 Nooria, Ngai, Iesu Kristo, ami Uea ao Atuami, ao te Tia Kaboingkami, man mwaakan Tamneiu I a tia n taekini. Amen.