Mwakoro 41
Kaotioti ae kaotaki rinanon Iotebwa Timiti te Burabeti nakon te Ekaretia, i Kirtland, Ohio, n Beberuare 4, 1831. Te kaotioti aei e anga te kaetieti nakon te Burabeti ma unimwaanen te Ekaretia bwa a na tataro bwa a na karekei ana “tua” te Atua (taraa mwakoro 42). Iotebwa Timiti e a tibwa roko i Kirtland mai New York, ao Leman Copley, kaain te Ekaretia temanna n te tabo ae kaan ae Thompson, Ohio “e bubutia te Tari Iotebwa ao Sidney [Rigdon] … bwa a na maeka ma ngaia ao e na karekei taian auti ao bwai aika kainnanoaki.” Te kaotioti ae kaotaki ika e kamatata te tabo are a na maeka iai Iotebwa ao Sydney ao e weteaki naba iai Edward Partridge bwa e na riki bwa ana moan Bitiobi te Ekaretia.
1–3, A na kaira te Ekaretia unimwaane man tamnein te kaotioti; 4–6, Taan reirei ni koaua a na karekea ao ni kawakina ana tua te Uea; 7–12, E rineaki Edward Partridge bwa te Bitiobi n te Ekaretia.
1 Ongora ao kakauongo, O ngkami au botanaomata, e taku te Uea ao Atuami, ane I kukurei irouna ni akakabwaia n te kabanea ni korakora i buakon kakabwaia nako, ane e ongo irou; ao ane e aki ongo irou N na bon bkamaraiaa, ake a ctaekina arau, ma te kabanea n rawawata i buakon kamaraia nako.
2 Ongora, ngkami unimwaanen au ekaretia ake I a tia ni weteia, nooria I anganingkami te tua, bwa kam na ikotingkami ni kabane ni abo nanomi i aon au taeka;
3 Ao man ami tataro n onimaki kam na karekea au atua, bwa kam aonga n ataa aron bairean au ekaretia ao ni kaeti bwaai ni kabane imatau.
4 Ao N na riki bwa ami atia tautaeka ngkana I broko; ao nooria, E tawe rokou, ao kam na taraia bwa a kawakinaki au tua.
5 Ane e akarekea au tua ao n bongeaba nako iai, boni ngaia naba au tia reirei; ao ane e taku bwa e karekea ao e aki ongeaba nako iai, bon tiaki ngaia au tia reirei, ao e na cteweaki nako mai i buakomi;
6 Bwa e aki riai bwa bwaai ake aia bwai natin te abanuea a na aganaki naake aki tau, ke nakoia akamea, ke n tewenakoi bbwaeao imataia beeki.
7 Ao teuana riki, e riai naba bwa au tia mwakuri ae Iotebwa Timiti te Ataei, e na riai ni kateaki ana aauti, are e na maeka ao n brairairi iai.
8 Ao teuana riki, e riai naba bwa au tia mwakuri ae Sidney Rigdon e na kaira maiuna nakon nooran raoiroina irouna, ngkana e teimatoa ni kawakini au tua.
9 Ao teuana riki, I a tia naba ni wetea au tia mwakuri ae aEdward Partridge; ao I anga te tua, bwa e na rineaki ni bwanaan te ekaretia, ao ni katabuaki bwa te bbitiobi nakon te ekaretia, bwa e na kiitan ana bwai ni iokinibwai ao ni ckabanea ana tai ni kabane ni mwakuri n te ekaretia;
10 N tararuai bwaai ni kabane ake ana anganaki n au tua n te bong are N na anganiia iai.
11 Ao aio bukina bwa e itiaki nanona imatau, bwa ai aron aNatanaera are ngkoa, are akea te buarao irouna.
12 Taeka aikai aika kam anganaki, ao a bon itiaki imatau; mangaia are, tarataraingkami bwa kam na kanga n taui, bwa a na bon kaekai tamneimi ni bongin te motikitaeka. Eng. Amen.