1 N aron ae I kaotia nakoimi n au reta i mwain ae I kitana au tabo, bwa N na koroboki nakoimi man te tai teuana nakon te tai teuana ao n anganingkami rongorongo ni kaineti ma bwaai aika mwaiti, ngkai N na reitaanako taekan te ^abwabetito ibukiia maate, bukina I aki toki ni iaiangoia, ao e rang korakora n roota au kanamakin, man te tai are I rimwiaki iai irouia au kairiribai.

2 I korei tabeua taekan te kaotioti nakoimi ni kaineti nakon te tia taumwin rongorongo. Iai riki tabeua au taratara ni kaineti nakon aei, are N nang kamatoa ngkai. Are, e taekinaki n au reta are mai i mwaina bwa e na riai ni iai te tia ^ataumwin rongorongo, are te tia kakoaua ae e nooria ni matana, ao n ongo naba n taningana, bwa e aonga ni karaoa te rongorongo ae koaua i matan te Uea.

3 Ngkai, ni kaineti nakon aei, e na rang kaangaanga ibukin temanna te tia taumwin rongorongo bwa e na roko n taai nako, ao ni karaoi ni kabane mwakuri. N totokoan te kangaanga aei, e kona n iai te tia taumwin rongorongo n rineaki ni katoa uote n te kaawa, are e konabwai raoi ibukin tauan miniti aika a eti; ao e riai n rang beberino ao n eti ruru n tauan mwin bwaai ni kabane, ni kakoaua n ana rongorongo bwa e nooria ni matana, ao n ongo n taningana, n anga bongina, ao aara, ao bwaai riki tabeua, ao rongorongon te mwakuri ni kabane; ni kaota araia naba teniman ake a roko, ngkana iai aika a roko, ake a kona n taai nako ngkana a weteaki bwa a na kakoaua te bwai anne, bwa ni wiia uoman ke teniman ^ataan kakoaua e na kamatoaki taian taeka nako.

4 Ngkanne, e riai n iai te tia taumwin rongorongo ni kabuta, are e na anganaki rongorongo aika tabeua aikai, n raonaki ma beeba ni kakoaua aika a tiainaaki irouia, ni kakoauaa bwa te rongorongo are a karaoia e bon koaua. Ngkanne te tia taumwin rongorongo ae kabuta n te ekaretia e kona ni karina te rongorongo n te boki ae kabuta n te ekaretia, ma taian beeba ni kakoaua ao taan kakoaua ni kabane ake a roko, ma oin ana rongorongo bwa e bon kakoauai raoi rongorongo akana a taekinaki i eta bwa a bon koaua, man ana atatai i aon anuaia ao rineaia aomata akanne man te ekaretia. Ao ngkana e tia ni karaoaki aei i aon te boki ae kabuta n te ekaretia, te rongorongo e na riki n tabu, ao e na kamatoai otenanti n aron ae e bon nooria ni matana ao n ongo n taningana, ao ni karaoa te rongorongo i aon naba anne i aon te boki ae kabuta n te ekaretia.

5 Kam na taku n ami iango bwa bairean bwaai aikai a rang beberino; ma N na tuangkami bwa e tii kakoroi bukin ana kantaninga te Atua, man irii nanon otenanti ao katauraoi are te Uea e katabua ao ni katauraoi i mwaain karikan te aonaba, ibukin ^akamaiuaia maate ake a na mate n akea te ^batatai n te euangkerio.

6 Ao irarikina, I tangiringkami n uringnga bwa Ioane te Tia Kaotioti e iangoa naba te iango aio ni kaineti ma maate, ngke e taku, n aron are kam na kunea ni koreaki n Te Kaotioti 20:12—Ao I nooria maate, ake a mangori ma ake a kakannato, bwa a tei imatan te Atua; ao a kaukaki booki; ao te boki teuana e kaukaki, are te boki ni maiu; ao a motikaki taekaia maate ni baike a koreaki ni book akekei, n ai aron aia mwakuri.

7 Kam na kunea n te anaitaeka aei bwa a kaukaki booki; ao te boki teuana e kaukaki, are te ^aboki ni maiu; ma maate a motikaki taekaia man bwaai akanne ake a koreaki n taian boki, ni kaineti nakon aia mwakuri; mangaia are, booki ake a taekinaki bon booki ake kanoana rongorongon aia mwakuri, ao a kaineti nakon ^brongorongo ake a kawakinaki i aon te aonaba. Ao te boki are te boki ni maiu bon te rongorongo are e kawakinaki i karawa; te tua are e booraoi ni koaua ma te reirei are e tuangkami n te kaotioti are kaotaki n te reta are I koreia nakoimi i mwaain ae I kitana au tabo—bwa ni kabane ami tau rongorongo e aonga n tauaki mwiina i karawa.

8 Ngkai, aron te otenanti aei e boboto i aon ^amwaakan te nakoanibonga, man ana kaotioti Iesu Kristo, are e katauaki iai bwa ane kam ^bkabaea i aon te aba e na kabaeaki i karawa, ao ane kam kabwara i aon te aba e na kabwaraaki i karawa. Ke, n taekana teuana, n taraakin te rairairi n te anga teuana, ane kam taua rongorongona i aon te aba e na tauaki rongorongona i karawa; ao ane kam aki taua rongorongona i aon te aba e aki tauaki rongorongona i karawa; bwa man booki ami mate a na motikaki taekaia, ni kaineti nakon oin aia mwakuri, ngkana bon ngaia ake a karaoi ^cotenanti i bon irouia, ke irouia naake a tei ibukiia, ni kaineti nakon te otenanti are e a tia ni katauraoia te Atua ibukin ^dkamaiuaia mai mwain karikan te aonaba, ni kaineti nakon rongorongo ake a tia ni kawakinaki ni kaineti ma aia mate.

9 E kona n taraaki irouia tabeman bwa te reirei ae e rang ni mataata ae ti taekinna—te mwaaka are e taui mwiina ke ni kabaei i aon te aba ao ni kabaei i karawa. E ngae n anne, n rooro ni kabane n te aonaba, te tai are te Uea e anga ^ate mwioko n tararua n te nakoanibonga nakoia aomata nako man te kaotioti ni koaua, ke te botaki ni mwaane teuana, e aki toki n angania te mwaaka aei. Mangaia are, tera ae a karaoia aomata akanne n te ^bkariaia, n aran te Uea, ao ni karaoia raoi ma te kakaonimaki, ao n taua rongorongona ae e eti ao e koaua, e a riki bwa te tua i aon te aba ao i karawa, ao e aki kona ni kamaunaaki, ni kaineti nakon ana tua ^cIehova ae kakannato. Aio te taeka ae koaua. Antai ae e kona n ongo?

10 Ao teuana riki, ibukin te bwai ae e a kamani karaoaki, Mataio 16:18, 19: Ao I taku naba nakoim, Bwa Betero ngkoe, ao N na katea au ekaretia i aon te bwa aei; ao a na aki kataea ana kai mataroan moone. Ao N na anganiko kiingin abanuean karawa; ao ane ko na kabaea i aonaba e na kabaeaki i karawa; ao ane ko na kabwara i aonaba e na kabwaraaki i karawa.

11 Ngkai te bwai ae raba ae korakora man kakannato ni bwaai ni kabane, ao te kabanea n rietata n raoiroi n te bwai aei ni kabane ae e wene imatara, ae reke mai iai mwaakan te Nakoanibonga ae Tabu. Akea te kaangaanga iroun are ngaia are e anganaki ^akiing aikai ni karekean ataakin koauan bwaai ni kaineti nakon ^bkamaiuaia natiia aomata, ibukiia maate ao ibukiia naba ake a maiu.

12 N aio bon te ^amimitong ao te ^bkarineaki, ao te ^caki maamate ao te maiu ae akea tokina—Te otenanti ni bwabetito n te ran, ni ^dkateboaki i nanona bwa e aonga ni boraoi ma katotongan te mate, bwa e aonga te tua teuana ni boraoi ma are teuana; ni kateboaki n te ran ao n otirake mai i nanon te ran ni katotongan mangautiia maate n otirake man ruanimateia; mangaia are, te otenanti aei e kateaki ni karaoa te reitaki ma te otenanti n te bwabetito ibukiia maate, ibukina bwa katotongan te mate.

13 Mangaia are, te ^atabo ni bwabetito e kateaki bwa ^bkatotongan te ruanimate, ao e baireaki bwa e na mena i aan te tabo are a tataneiai iai ni botaki uake a maiu, ni kaotaraia ake a maiu ao ake a mate, ao bwa aonga bwaai ni kabane n iai katotongaia, ao bwa a aonga n uaia ni irekereke—bwa are bwain te aonaba e na bootau ma bwain karawa, n aron are e tia n taekinna Bauro, n 1 I-Korinto 15:46, 47, ao 48:

14 Ma tiaki te aro rimoa te aro n tamnei, ma te aro rimoa bon te aro n rabwata; ao rimwi te aro n tamnei. Te moan aomata e riki mai aon te aba, ae bwain te tano: te aomata are te kauoman bon te Uea mai karawa. Aron bwain te tano, bon aroia naba akana bwain te tano; ao aron bwain karawa, bon arona naba akana bwain karawa. Ao ai aron rongorongo n te aonaba ni kaineti ma ami mate, ake a bon tauaki raoi mwiia, n ai aron naba rongorongo i karawa. Mangaia are, aio bon te mwaaka ni ^akabaebae ao ni kamatoa, ao, te kawai teuana n oota iai bwa, ^bkiingin te abanuea, ake kanoana kiingin te ^catatai.

15 Ao ngkai, tariu ao mwaneu aika a tangiraki, N na kakoaua nakoimi bwa tuua aikai a kaineti nakoia mate ao ake a maiu ake a aki kona n tarariaoaki, ngkai a kaineti ma kamaiuara. Bwa ^akamaiuaia e kainnanoaki ao e kakawaki ibukin kamaiuara, n aron ae taku Bauro ni kaineti ma bakatibu—bwa a na aki kona ni ^bkakororaoaki raoi ngkana aki raonaki iroura—tiaki kona naba ngaira ni kakororaoaki n akean ara mate.

16 Ao ngkai, ni kaineti nakon te bwabetito ibukiia maate, N na anganingkami teuana te anaitaeka mai iroun Bauro, 1 I-Korinto 15:29: Bwa ngkana tiaki arona anne, ao a na aera ake a bwabetitoaki ibukiia maate, ngkana a bon aki mangauti maate? Aera ngkai a bwabetitoaki naba ibukiia maate?

17 Ao teuana riki, ni ikotaki ma te anaitaeka aei N na anganingkami te anaitaeka mai iroun temanna te burabeti, are e iaiangoa ^akaokan te nakoanibonga, mimitong ake a na kaotaki ni boong aika kaitira, ao n te aro ae rianako aei te kabanea ni mimitong i buakon bwaai ni kabane ake a irekereke ma te euangkerio ae akea tokina, ae arana, te bwabetito ibukiia maate; bwa e taku Maraki, te kabanea ni mwakoro, kiibu aika 5 ao 6: Nooria, N na kanakoatia ^bEria are te burabeti nakoimi i mwaain rokon ana bong te Uea are e kakannato ma ni kakamaku: Ao e na rairi nanoia taama nakoia naati, ao nanoia naati nakoia taama, bwa I kawa n roko ma n orea aon te aba ma te kareke kai.

18 I kona n anga te rairairi ae e ^abebete riki nakon aio, ma e bon rang n tau bebetena ni botau ma au kantaninga n arona aei. E tau n ataaki, n aio, bwa te aonaba e na oreaki n te maraia ma ti ngkana iai te aekaki n ^breitaki ae e matoa imarenaia taama ma naati, i aon tabeua bwai ke anga tabeua riki—ao noria tera te bwai anne? Bon te ^cbwabetito ibukia maate. Bwa ti aki kona naba ngaira ni kakororaoaki n akean ara mate; ke a na aki kona ni kakororaoaki raoi ngkana aki raonaki iroura. A aki kona ke ti aki kona ni kakororaoaki n akeaia uake a tia ni mate i nanon te euangkerio naba; bwa e kainanoaki i mwaain karokoan te ^dmwioko n tararua ni kororaoin bongina, te mwioko n tararua are e a moanna ngkai ni waaki, bwa te itoman ae bwanin ao ni bobonga raoi ao ni kororaoi, ao ikotakin taian mwioko n tararua, ao kiing, ao mwaaka, ao mimitong a na karaoaki, ao ni kaotaki man ana bong Atam ni karokoa te tai aei. Ao tiaki ti aio, ma bwai ake a tuai man kaotaki man ^emoan karikan te aonaba, ma a tia ni karabaki mai irouia ake a wanawana ao ake a rabakau, a na kaotaki nakoia ^fmerimeri ao ake a mamma n aio, ae te mwioko n tararua ni kororaoin bongina.

19 Ngkai, tera ae ti ongo n te euangkerio are ti a tia ni karekea? Bwanaan te kukurei! Bwanaan te nanoanga mai karawa; ao bwanaan te ^akoaua mai aontano; rongorongo aika raraoi ibukiia maate; bwanaan te kukurei ibukiia ake a maiu ao ake a mate; ^brongorongo aika raraoi ae moan te kakimwareirei. Ai tamaroara i aoni maunga ^cwaeia naake a uoti rongorongo aika raraoi ni bwaai aika raoiroi, ao bwa a kangai nakon Tion: Nooria, E tautaeka Atuami! N aron ^daoin Karemera, ngkanne ana atatai te Atua e na ruo naba nako aoia!

20 Ao teuana riki, Tera ae ti ongo? Rongorongo aika raraoi mai ^aKumora! ^bMoronaai, te anera mai karawa, e katanoata koron bukin aia taeka burabeti—e na kaotaki te ^cboki. Bwanaan te Uea n te rereua i ^dFayette, n te aono ae Seneca, ni katanoataia taan kakoaua aika teniman bwa a na ^ekaota koauan te booki! Bwanaan ^fMikaera i mataniwiin Susquehanna, ni kaota te riaboro ngke e kaoti bwa aneran te ^goota! Bwanaan ^hBetero, Iakobo, ao Ioane n te rereua i marenan Harmony, n te aono ae Susquehanna, ao Colesville, n te aono ae Broome, n te karaanga are Susquehanna, ni katanoataia bwa iai irouia ⁱkiingin te abanuea, ao te mwioko n tararua ni kororaoin bongina!

21 Ao teuana riki, bwanaan te Atua n ana ruu te ^aunimwaane ae Whitmer, i Fayette, n te aona ae Seneca, ao n taai aika a kakaokoro, ao n taabo aika kakaokoro i nanon nako mwamwanangan ao ana rawawata Ana Ekaretia Iesu Kristo Ibukiia aika Itiaki ni Boong aika Kaitira aei! Ao bwanaan Mikaera, mataniwiia anera; bwanaan ^bKabiriera, ao ^cRabwaere, ao ^danera aika a kakaokoro, mai iroun Mikaere ke ^eAtam rikaki ni karokoa te tai aei, ni kabane a katanoata ^fmwiokoaia n tararua, tibwangaia ae onoti, aia kiing, karineakiia, kakannatoia ao mimitongia, ao mwaakan aia nakoanibonga, ao n anga teutana i mwin teutana, te ^greirei teuana i mwin teuana; teutana ikai, ao teutana ikanne, n anganira te rau man katanoata bwa tera ae e nang riki, ni kamatoai ara ^hkantaninga!

22 Tariu, ti na aki waki n te mwakuri ae rangi ni kakawaki? Waaki rake ao tiaki rikaaki. Ninikoria, tariu; ao waaki, waaki nakon te tokanikai! E riai nanomi ni kimwareirei, ao n rangi ni kukurei. E riai te aonaba ni waekoa n ^aanene. A riai maate n taekini anenen te nebonebo ae akea tokina nakon te Uea ae ^bEmanuera, are e a tia ni baireia, i mwaain karikan te aonaba, bwa ti aonga ngaira ni kona ni ^ckainaomataia man aia ^dumwa ni kaikain; bwa taan kabureaki a na inaomata.

23 A riai ^amaunga n takarua ni kimwareirei, ao ni kabane ngkami mwarua taetae n takarua; ao ni kabane ngkami marawa ao aba aika a mwau taekini bwaai aika a kamiimi ae e a tia ni karaoia ami Uea ae Akea Tokina! Ao ngkami karaanga, ao raanga n ran, ao karanga aika uarereke, raanga ma te kukurei. E riai buakonikai ao ni kabane aroka n te tawana ni kamoamoa te Uea; ao ngkami ^batibu aika matoatoa taang ni kimwareirei! Ao e riai taai, namwakaina, ao itoin te ^cmoaningabong ni kaai n anene, ao a riai ni kabane natin te Atua n takarua ni kimwareirei! Ao e riai te karikibwai ae akea tokina ni katanoata arana n aki tootoki! Ao N na manga taekinna, ai mimitongira te bwanaa ae ti ongo mai karawa, ni katanoata i taningara, te mimitong, ao te kamaiuaki, ao te karineaki, ao te ^daki maamate, ao te ^emaiu ae akea tokina; abanuea, tautaeka, ao mwaaka!

24 Nooria, e a kaan roko ana ^abong ae kakannato te Uea; ao antai ae kona n ^btiku n te bong are e na roko iai, ao antai ae kona n tei ngkana e kaoti? Bwa aekan ana aai te ^ctia kaitiaki, ao aekan ana toobu te tia kaitiaki kunnikai; ao e na tekateka n aron te ^dtia kaitiaki ao te tia kaitiaka te tirewa; ao e na kaitiakia natin ^eRewi mwaane, ma ni kaitiakiia n aron te koora ma te tirewa, bwa aonga ni uotarake nakon te Uea te ^fkarea i nanon te raoiroi. Mangaia are, ti riai ngaira, n aron ae te ekaretia ao te botanaomata, ao Aomata aika Itiaki ni Boong Aika Kaitira, n anga nakon te Uea te karea i nanon te raoiroi; ao ti riai ngaira n anga n ana tembora ae tabu, ngkana e tia, te boki ae kanoana ^grongorongoia ara mate, ake a na tau ni bane ni butimwaeaki.

25 Taari, a mwaiti bwaai ae N na taekini nakoimi i aon aio; ma N na toki moa ngkai n te tai aei, ao n reitaanako taekana n te tai teuana. Ngai, n taai nako, ami tia mwakuri ae nanorinano ao te rao ni koaua, Iotebwa Timiti.