1 Ongora, ao taraia, te bwanaa are e ruo mai eta, are e korakora ao ni mwaaka, are e waaki nako tabotabon aonaba, eng, are bwanaana nakoia aomata—^aKatauraoa kawain te Uea, ao kaeta kawaina.

2 A anganaki ^akiingin ^buean te Atua aomata n te aonaba, ao mai ikanne e na rabino nako te euangkerio nako tabotabon te aonaba, n aron te ^catibu are e koreaki man te maunga n akea baai e na rabino nako, ni karokoa e ^dkaonrakea te aonaba ae bwanin.

3 Eng, e takarua te bwanaa—Katauraoa kawain te Uea, katauraoa ana ^aamwarake te Tibu te Teei, katauraoi ibukin te ^bTia Iein.

4 Tataro nakon te Uea, wetea arana ae tabu, kaoti ana mwakuri aika raraoi i buakoia aomata.

5 Wetea te Uea, bwa e aonga abanueana ni waaki nako i aon te aonaba, bwa aonga kaaina ni karekea, ao n tauraoi ibukin boong aika a na roko, are e na ^aroko iai Natin te Aomata mai karawa, ni ^bkunikaiaki n ootan ^cmimitongina, ni kaitibo ma ^duean te Atua are e kateaki n te aonaba.

6 Mangaia are, e na waaki nako ^auean te Atua, bwa e aonga n roko ^babanuean karawa, bwa ngkoe, O te Atua, ko na kamimitongiaki i karawa ao n te aonaba, bwa aonga am kairiribai ni konaaki; bwa ^cam bwai te karineaki, te mwaaka ao te mimitong, n aki tootoki. Amen.