Mwakoro 103
Kaotioti ae kaotaki rinanon Iotebwa Timiti te Burabeti, i Kirtland, Ohio, ni Beberuare 24, 1834. Te kaotioti aei e karekeaki i mwin rokoia Parley P. Pratt ao Lyman Wight, i Kirtland, Ohio, ake a roko mai Missouri bwa a na marooro ma te Burabeti ibukin buokaia ao kaokaia Aomata aika Itiaki nakon abaia n te Aono ae Jackson.
1–4, Ibukin tera te Uea e kariaia Aomata aika Itiaki n te Aono ae Jackson bwa a na bwainikirinaki; 5–10, Aomata aika Itiaki a na tokanikai ngkana a kawakini tuua; 11–20, Kaboan Tion e na roko man te mwaaka, ao te Uea e na rimoaia Ana aomata; 21–28, A na ikotaki Aomata aika Itiaki i Tion, ao naake a kawenea maiuia a na manga kunea; 29–40, A mwaiti taari ake a weteaki bwa a na bairea ana taanga Tion ao n nako nakon Tion; a beritanaki te tokanikai ngkana a kakaonimaki.
1 E koaua ae I tuangkami, raou, nooria, N na anganingkami te kaotioti ao te tua, bwa kam aonga n ataia bwa kam na kanga ni amwakuri ni karaoi tabemi ni kaineti ma kamaiuaia ao bkaboaia tarimi, ake a tia ni kamaenakoaki n aban Tion;
2 Ngkai kam a akakioaki nako ao n oreaki ni baia au kairiribai, N na kabwaroa uniu i aoia n akea baireana n oin au tai.
3 Bwa I a tia ni kariaia ni karokoa ngkai, bwa a aonga ni akaonrakea bairean buakakaia, bwa e aonga n onrake aia mwangko;
4 Ao bwa aonga naake arania n arau ni akatuaeakaki i nanon te tai ae uarereke ma te tuaa ae e rang ni kakaiaki ao ni karawawata, ibukina bwa aki bane n bongo nakon taian reirei ao tuua ake I angania.
5 Ma e koaua ae I tuangkami, bwa I a tia n bairea te tua are a na karekea au aomata, ngkana a teimatoa n ongo man te aoa aei nakon te areirei are Ngai, te Uea ae Atuaia, N na aanga nakoia.
6 Nooria, a na moanna n tokanikai ni kaitaraia au kairiribai man te aoa naba aei, bwa I a tia n taekinna.
7 Ao ni akaraua raoi ni kawakini taeka ni kabane ake Ngai, te Uea ae Atuaia, N na taekinna nakoia, a na bon aki toki n tokanikai ni karokoa babanuean te aonaba a mena i aan waeu, ao a canganaki daomata aika itiaki te aonaba, bwa a na ebwainna n aki tootoki.
8 Ma ngkana a teimatoa n aki akawakini au tua, ao n aki karauia ni kawakini au taeka ni kabane, abanuean te aonaba a na tokanikai ni kaitaraia.
9 Bwa a kateaki bwa a na riki bwa te aoota nakon te aonaba, ao taan kamaiuia aomata;
10 Ao ngkana a teimatoa n aki riki bwa taan kamaiuia aomata, a riki n aekan te ataoro are e a bua tarina, ao e na akea manenana man te tai anne ma e na teweaki nako man toubekaki i aan waeia aomata.
11 Ma e koaua ae I tuangkami, I a tia n tua bwa tarimi ake a tia ni kamaenakoaki a na oki nakon aabaia ni bwaibwai, ao a na katei taabo ake a uruakaki i Tion.
12 Bwa i mwin akarawawata aika mwaiti, n aron are I a tia n taku nakoimi n te tua are ngkoa, e roko te kakabwaia.
13 Nooria, aio te kakabwaia are I a tia ni beritanna i mwin rawawatami, ao rawawataia tarimi—kaboakimi, ao kaboakia tarimi, kaokakia nakon aban Tion, are na kateaki, e na aki manga uruakaki.
14 E ngae n anne, ngkana a kabareka are a bwaibwai iai a na kamaunaaki; bwa N na aki kamaiuia ngkana a kabareka are a bwaibwai iai.
15 Nooria, I tuangkami, kaboan Tion e riai n roko man te mwaaka;
16 Mangaia are, N na kateirakea te aomata nakoia au botanaomata, are e na kairiia n aron aMote are kairiia tibun Iteraera.
17 Bwa ngkami tibun Iteraera, ao akanoan Aberaam, ao kam riai ni kainaomataki man te tautoronaki man te mwaaka, ao ma te bai ae aroraki.
18 Ao n aroia ami bakatibu ake a kairaki nako ngkoa, bon aron naba kaboakin Tion.
19 Mangaia are, tai kabwarai nanomi, bwa I aki taekinna nakoimi n aron are I taekinna nakoia ami bakatibu: Au aanera e na rimoami, ma tiaki bngai.
20 Ma I tuangkami: Au aanera a na rimoami, ao Ngai naba, ao n tokina kam na bbwaina te aba ae raoiroi.
21 E koaua, e koaua ae I tuangkami, bwa au tia mwakuri ae Iotebwa Timiti te Ataei bon ngaia te aaomata are I kabotaua ma te tia mwakuri are ngaia ae e taekinna Uean te bnne ni kurebe n te taetae ni kaikonaki are I a tia n anganingkami.
22 Mangaia are e riai au tia mwakuri ae Iotebwa Timiti te Ataei, n tuangiia akorakoran au auti, au ataeinimwaane ao naake a mena n te nuuka n ririki—Ikotingkami nakon aban Tion, n te aba are I a tia ni kabooa ma te mwane are e a tia ni katabuaki nakoiu.
23 Ao a riai mwanga n te ekaretia ni kabane ni kanakoia aomata aika wanawana ma aia mwane, ao ni akaboi aba n aron ae I a tia n tuangia.
24 Ao ngkana a teimatoa au kairiribai n roko ni kaitaraingkami ni kakioingkami man aabau ae raoiroi, are I a tia ni katabua bwa aban Tion, man oin abami, i mwin taian koaua aikai, are kam a tia ni uotia nakoiu ni kaitaraia, kam na katekebuakaia;
25 Ao antai ae kam katekebuaka, N na katekebuaka, ao kam na kabomwi ibukiu nakoia au kairiribai.
26 Ao N na mena ma ngkami n te tai naba are kam akabomwi ibukiu nakoia au kairiribai, nakon te katenua ao te kaaua n roro ake a ribaai.
27 Akea te aomata ae e na maaku ni kawenea maiuna ibukiu; bwa ane e akawenea maiuna ibukiu e na manga kunea.
28 Ao ane e aki kukurei ni kawenea maiuna ibukiu tiaki au tia reirei.
29 Bon au kantaninga bwa au tia mwakuri ae aSidney Rigdon e na tabekaarake bwanaana n taian botaki n aba ake i mainiku, ni katauraoia mwanga bwa a na kawakin tuua ake I a tia n angania ni kaineti ma kaokan ao kaboan Tion.
30 Bon au kantaninga bwa au tia mwakuri ae aParley P. Pratt ao au tia mwakuri ae Lyman Wight a na aki oki nakon abaia tariia, ni karokoa ae a tia ni karekea te koraki ae a na nako nakon aban Tion, ni kakatengaun, ke ni kakauangaun, ke ni kakanimangaun, ke ni kakatebubua, ni karokoa a tia ni karekea te ware ae nimabubua bkorakoran au auti.
31 Nooria bon aio au kantaninga; bubuti ao kam na karekea; ma aomata a aaki kakaraoa au kantaninga n taai nako.
32 Mangaia are, ngkana kam aki kona ni karekea nimabubua, teimatoa n ukoukoria bwa tao kam kona ni karekea tenibubua.
33 Ao ngkana kam aki kona ni karekea tenibubua, teimatoa n ukoukoria bwa tao kam kona ni karekea tebubua.
34 Ma e koaua ae I tuangkami, te tua are I anganingkami, bwa kam na aki nako nakon aban Tion ni karokoa ae kam tia ni karekea tebubua korakoran au auti, n nako ma ngkami nakon aban Tion.
35 Mangaia are, n aron ae I tuangkami, bubuti ao kam na karekea; tataro ma nanomi ni koaua bwa e aonga au tia mwakuri ae Iotebwa Timiti te Ataei, n nako ma ngkami, ao n tararua i buakoia au aomata, ao ni bairea abanueau i aon te aba are e a tia ni akatabuaki, ao ni kateia natin Tion i aon kaetieti ao tuua ake a tia ao ake a na kaotaki nakoimi.
36 Ni kabane tokanikai ao mimitong a koro bukiia nakoimi rinanon ami ananomatoa, kakaonimaki, ao btataro n onimaki.
37 E riai au tia mwakuri ae Parley P. Pratt ni mwananga ma au tia mwakuri ae Iotebwa Timiti te Ataei.
38 E riai au tia mwakuri ae Lyman Wight ni mwananga ma au tia mwakuri ae Sidney Rigdon.
39 E riai au tia mwakuri ae Hyrum Smith ni mwananga ma au tia mwakuri ae Frederick G. Williams.
40 E riai au tia mwakuri ae Orson Hyde ni mwananga ma au tia mwakuri ae Orson Pratt, nakon taabo nako ake au tia mwakuri ae Iotebwa Timiti te Ataei, e na tuangia, ni karekei kakoroan nanon tuua aikai ake I a tia n anganingkami, ao ni katukui nikiraia i nanon baiu. Eng. Amen.