Mwakoro 46
Kaotioti ae kaotaki rinanon Iotebwa Timiti te Burabeti nakon te Ekaretia, i Kirtland, Ohio, ni Maati 8, 1831. Ni moan waakin te Ekaretia, e tuai man karaoaki aron waakinan botakin te Ekaretia ae ti tetikina. E ngae n anne, te katei are a ti butimwaeaki kaain te ekaretia ao naake a ukoukora koauan te Ekaretia ma te nano ae koaua nakon te botaki n toa ao tabeua riki botakin te Ekaretia kanga e a bon tabangaki. Te kaotioti aei e kaota ana kantaninga te Uea ni kaineti ma kairan ao bairean taian botaki ao Ana kawai i aon karekean ao atakin ana bwaintituaraoi te Tamnei.
1–2, Unimwaane a na kairi taian botaki n aron kairakiia iroun te Tamnei ae Tabu; 3–6, Taan ukoukora te koaua a riai n aki katinanikuaki man botakin te toa; 7–12, Bubutia te Atua ao ukoukora ana bwai n tituaraoi te Tamnei; 13–26, E kaotaki rinanin tabeua bwaintituaraoi aikai; 27–33, A anganaki mataniwiin te Ekaretia te mwaaka n atai ana bwai n tituaraoi te Tamnei.
1 Ongora, O ngkami kaain au ekaretia; bwa e koaua ae I tuangkami bwa a taekinaki bwaai aikai nakoimi ibukin arikirakemi ma reireiakimi.
2 Ma e ngae n anne bwaai ake a koreaki akekei, a aki toki n anganaki aunimwaanen au ekaretia man te moan tai, ao arona naba n taai nako, bwa a na bkairii bootoki ni kabane n aron kairakiia iroun te Tamnei ae Tabu.
3 E ngae n anne kam tuangaki bwa kam na aki akaotinakoa te aomata temanna man ami botaki ma te botanaomata, are e karaoaki i matan te aonaba.
4 Kam tuangaki naba bwa kam na aki kaotinakoa te aomata temanna ae kaain te aekaretia man ami botaki n toa; e ngae n anne, ngkana iai ae e urua te tua, e na baki taua te toa ni karokoa e raira nanona.
5 Ao I a manga tuangkami, kam na aki kaotinakoia aomata ake a ukoukora te abanuea ma nanoia ae korakora man ami botaki n toa—I taekina aei ni kaineti nakoia ake tiaki kaain te ekaretia.
6 Ao I a manga tuangkami, ni kaineti ma ami abotaki ni kamatoa, bwa ngkana iai aika tiaki kaain te ekaretia, aika a ukoukora te abanuea ma nanoia ae korakora, kam na aki kanakoia.
7 Ma kam tuangaki bwa kam na abutiia te Atua ni bwaai ni kabane, are e tituaraoi n angaanga; ao I tangiria bwa kam na karaoa are e kakoaua te Tamnei nakoimi ma nanomi ni kabane ae bitiaki, n nakonako i nanon te raoiroi imatau, ni ciangoa kamaiuakim n tokina, ni karaoi bwaai ni kabane ma te tataro ao te dkakaaitau, bwa kam aonga n aki eburebureaki irouia tamnei aika buakaka, ke n aia reirei friaboro, ke aia gtua aomata; bwa iai reirei mai irouia aomata, ao iai reirei mai irouia riaboro.
8 Mangaia are, tarataraingkami bwa mwiina kam mwaamwanaaki; ao bwa kam aonga n aki mwaamwanaaki aukoukorii bwaai n tituaraoi aika moan te raraoi, n uringa n taai nako bukin anganakimi;
9 Bwa e koaua ae I tuangkami, bwa a anga ibukin kabwaiaia naake a tangirai ao a kawakini au tua ni kabane, ao naake a ukoukoria ni karaoia; bwa aonga ni bane n reke kabwaiaia ake a ukoukourai ke ake a bubutiai, n aki bubuti ibukin te akanikina n te aro are a na kona ni bkatoka nanoia ni kaibwabwaru.
10 Ao e koaua ae I a manga tuangkami riki, I tangiria bwa kam na uringnga n taai nako, ao ni katikua n ami aiango n taai nako bwa tera taian bbwai n tituaraoi akekei, ake e anganaki te ekaretia.
11 Bwa tiaki ni kabane ae a anganaki bwai n tituaraoi ni kabane; bwa a mwaiti tenaan bwai n tituaraoi, ao nakoia aaomata n tatabemania a anganaki te bwai n tituaraoi mai iroun Tamnein te Atua.
12 Tabeman a anganaki teuana, ao tabeman a anganaki te aekaki teuana, bwa aonga ni bane ni kakabwaiaaki iai.
13 Tabeman a anganaki mai iroun te Tamnei ae Raoiroi bwa a na aataia bwa Iesu Kristo bon Natin te Atua, ao bwa e tauraki ibukin buren te aonaba.
14 Tabeman a anganaki bwa a na akakoaua aia taeka, bwa aonga naba ni karekea te maiu ae akea tokina ngkana a reitinako ni kakaonimaki.
15 Ao teuana riki, nakoia tabeman a anganaki mai iroun te Tamnei ae Raoiroi bwa a na atai kawai aika akakaokoro ibukin te tararua, n aron ae e kukurei iai te Uea, ae kaineti ma nanon te Uea, ma riain ana nanoanga ni kaineti ma aroia natiia aomata.
16 Ao teuana riki, tabeman a anganaki mai iroun te Tamnei ae Raoiroi bwa a na atai aekan nako mwakuri, ngkana mai iroun te Atua, bwa a aonga n anganaki aomata nako ana kaotioti te Tamnei bwa a na reke kabwaiaia mai iai.
17 Ao e koaua ae I a manga tuangkami riki, bwa nakoia tabeman a anganaki mai iroun Tamnein te Atua, taeka ni awanawana.
18 Nakon temanna e anganaki taekan te aatatai, bwa aonga ni bane n reireiaki bwa a na wanawana ao ni karekea te rabakau.
19 Ao teuana riki, nakoia tabeman a anganaki te aonimaki bwa a na kamarurungaki;
20 Ao nakoia tabeman a anganaki te onimaki ni akamarurung.
21 Ao teuana riki, nakoia tabeman a anganaki karaoani akakai;
22 Ao nakoia tabeman a anganaki bwa a na ataetae ni burabeti;
23 Ao nakoia tabeman aatakin raoi taian tamnei.
24 Ao teuana riki, nakoia tabeman a anganaki bwa a na taetae n aneewe;
25 Ao nakon temanna e anganaki rairan neewe nakon oin ana taeka.
26 Ao abwaintituaraoi aikai ni kabane a roko mai iroun te Atua, ibukin kabwaiaia bnatin te Atua.
27 Ao nakon te abitiobi n te ekaretia, ao nakoia naake e na rineia ao ni katabuia te Atua bwa a na tararua te ekaretia ao n riki bwa unimwaanen te ekaretia, a riai n anganaki bwa a batai bwaintituaraoi ni kabane bwa mwina iai mai i buakomi ae taku bwa ngaia ao bon tiaki mai iroun te Atua.
28 Ao e na koro bukina bwa ane e bubutia te aTamnei e na karekea mai iroun te Tamnei;
29 Bwa nakoia tabeman a na anganaki bwa a na karekei bwai n tituaraoi ni kabane akekei, bwa e aonga n iai te mataniwi, bwa aonga ni kabane kaain te ekaretia n reke kabwaiaia mai iai.
30 Ane e abubutia te bTamnei e na bubuti ni kaineti ma ana ckantaninga te Atua; mangaia are e a karaoaki n aron ana bubuti.
31 Ao I a manga tuangkami, a na karaoaki bwaai ni kabane n aran Kristo, bwaai ni kabane are ko karaoi mai iroun te Tamnei;
32 Ao kam riai ni akarabwarabwa nakon te Atua n ana kairiiri te Tamnei ibukin kakabwaia nako are kam kakabwaiaaki iai.
33 Ao kam riai ni karaoa ae araoiroi ao ae btabu i matau n taai nako. Eng. Amen.