Kaotioti ae kaotaki nakon Iotebwa Timiti te Burabeti, i Nauvoo, Illinois, n Tianuare 19, 1841. Ibukin rikiraken te bwainikirinaki ao kawai aika aki eti n te tua ni kaitaraia mai irouia taan mwakuri n te tautaeka, Aomata aika Itiaki a tia ni imanonoaki bwa a na kiitana Missouri. Te kaetieti n tiritiri mai iroun Lilburn W. Boggs, te kowana i Missouri, ae bonginaki n Okitobwa 27, 1838, e katikuia n akea aia aanga. N 1841, ngke e kaotaki te kaotioti aei, te kaawa ae Nauvoo, are e kateaki n ana tabo te kaawa ngkoa ae Commerce, Illinois, e a tia ni kateaki irouia Aomata aika Itiaki, ao ikai are e a tia ni kateaki iai kautuun te Ekaretia.