Koroboki Aika Tabu
Reirei ao Berita aika Tabu 10


Mwakoro 10

Kaotioti ae kaotaki nakon Iotebwa Timiti te Burabeti, i Harmony, Pennsylvania, te katautau bwa Eberi 1829, ma iai mwakorona ae a karekeaki ni moantaai riki n aron tain te kabuebue n te 1828. N te kaotioti aio te Uea e tuanga Iotebwa taian bitaki ake a karaoaki irouia aomata aika a buakaka, i nanon 116 iteraniba ake a korobokiaki man te rairairi man ana boki Riaai, i nanon Ana Boki Moomon. Iteraniba aika korobokiaki aikai ake a tia ni bua man ana tararua Martin Harris, are ngaia are e a tia ni mwiokoaki i nanon te tai ae e uarereke ibukin taian beeba. (Taraa te kabwarabwara ni mwakoro 3.) Aia babaire naake a buakaka bon tataningaan te manga rairairi i aon kanoan taian iteraniba ake a bua ao ngkanne e na karekea aki onimakinan te tia rairairi man kaotan taian kaokoro ake a karaoaki n taian bitaki. E oti i nanon Ana Boki Moomon bwa te waaki ae buakaka aei e a tia ni karaoaki iroun teuare e buakaka ao e a kaman ataaki iroun te Uea n te tai are Moomon, te Nibwaite are te tia koro rongorongo ngkoa, e karaoi kakimototoan taian bwaatua ake a tia ni ikoikotaki (taraa Ana Taeka Moomon 1:3–7).

1–26, E kakiriwei nanoia aomata aika buakaka Tatan ni kaitaraa ana mwakuri te Uea; 27–33, E ukoukora tiringan tamneia aomata; 34–52, Te euangkerio e na bon nako nakoia taian Reimwanaite ao aaba ni kabane rinanon Ana Boki Moomon; 53–63, Te Uea e na katea Ana Ekaretia ao Ana euangkerio i buakoia aomata; 64–70, E na ikoikotiia naake a raira nanoia nakon Ana Ekaretia ao ni kamaiuiia naake a ongeaba.

1 Ngkai, nooria, I taku nakoim, bwa bukina ngkai ko anga taian koroboki are iai iroum te mwaaka ae ko a tia n anganaki n rairii man kamanenaan te aUrim ao te Tammim, nako nanon bain te aomata ae bbuakaka, ko a tia ni kabuai.

2 Ao ko a tia naba ni kabuaa am bwai n tituaraoi n te tai naba anne, ao e a karooaki am aiango.

3 E ngae n anne, e a manga akaokaki nakoim; ngaia are taraia bwa ko na kakaonimaki ao n reitinako ni kabanea nikiran te mwakuri n rairairi n aron are ko moan waaki iai.

4 Tai akabirimwakako ke ni mwakuri nakon are riaon bkorakoram ma bwaai ni ibuobuoki ake a katauraoaki bwa ko aonga ni konaa n rairairi; ma bwaina te cbotumwaaka ni karokoa te toki.

5 aTataro n taai nako, bwa ko aonga n tokanikai; eng, bwa ko aonga n tokanikai i aon Tatan, ao bwa ko aonga n aki reke ni baia ana toro Tatan ake a boutokaa ana mwakuri.

6 Nooria, a ukoukora akamaunaam; eng, te baomata naba are ko onimakinna, e ukoukora naba kamaunaam.

7 Ao ibukin aio I taekinna bwa bon te aomata ae e buakaka, bwa e ukoukora anaakin bwaai ake ko a tia n onimakinaki iai; ao e kataia naba n ukoukora kamaunaan am bwai n tituaraoi.

8 Ao ibukina bwa ko anganako tenaan koroboki nako nanon baina, nooria, a tia aomata aika buakaka n anai mai iroum.

9 Ngaia are, ko a tia n anganako, eng, ake a rangi n tabu, nakon ae buakaka.

10 Ao, nooria, e karinii iango aTatan i nanoia bwa a na bitii taian taeka ake ko tua bwa a na koreaki, ke ake ko a tia n rairi, ake a tia n nako mai i nanon baim.

11 Ao nooria, I tuangko, bwa bukina a tia ni bitii taian taeka, ao a wareki taeka aika a kaokoro man ake ko a tia n rairi ao n tua bwa a na koreaki;

12 Ao, n te aro aei, e kataia te Riaboro ni kawenea ana babaire ni kamwamwane, bwa e aonga ni mauna te mwakuri aei;

13 Bwa e a tia ni karini i nanoia bwa a na karaoa aei, bwa man aia kewe a na kona n taekinna bwa a akuneko n taian taeka ake ko baka n rairairi.

14 E koaua, I tuangko, bwa I aki kona ni kariaia bwa Tatan e na kakoroa bukin ana babaire ae e buakaka n te bwai aei.

15 Bwa nooria, e a tia ni karini i nanoia bwa a na kairiko ni kariria te Uea ae Atuam, ni bubuti ni manga rairia riki.

16 Ao ngkanne, nooria, a taku ao n iango i nanoia—Ti na taraia ngkana te Atua e tia n anganna te mwaaka n rairairi; ngkana ngaia anne, e na manga bon anganna riki te mwaaka;

17 Ao ngkana te Atua e a manga anganna riki te mwaaka, ke ngkana e a manga rairi riki, ke, n taekinana teuana, ngkana e kaotii taeka naba akekei, nooria, iai naba taeka akanne iroura, ao ti a tia ni biti;

18 Mangaia ae a na bon aki kona n titebo, ao ti na taekinna bwa e a tia ni kewe n ana rairairi, ao bwa bon akea te bwai n tituaraoi irouna, ao bwa bon akea naba te mwaaka irouna;

19 Mangaia ti na bon kamauna, ao te mwakuri naba; ao ti na karaoa aei bwa ti aonga n aki kamamaeaki n te kabane, ao bwa ti aonga ni karekea mimitongin te aonaba.

20 E koaua, e koaua, I tuangko, bwa e korakora ana tautau Tatan i aon nanoia; e akakiriweia nakon te bbuakaka ni kaaitarai bwaai aika a raoiroi.

21 Ao e abuakaka nanoia, ao n onrake n te bbuakaka ma mwakuri aika bati n ribaki; ao a ctangira riki te droo nakon te oota, bukina bwa a buakaka aia emwakuri; mangaia are a bon aki bubutiai.

22 E kakiriwei nanoia aTatan, bwa e aonga ni bkairi tamneia nakon te tiringaki.

23 Ao e a tia ni kawenea ana babaire ni kamwamwane, ni iangoa kamaunaan ana mwakuri te Atua; ma I kantaningaia bwa a na kaeka aio, ao e na bon kamamaeia ao ni kabuakakaia n tain te amotikitaeka.

24 Eng, e kakiriwei nanoia n un ni kaitara te mwakuri aei.

25 Eng, e taku nakoia: Mwamwanaia ao tataninga ni kamwane, bwa kam aonga ni kamaunaia; nooria, bon tiaki te kairua aio. Ao n aio e mwamwanaiia, ao e tuangiia bwa tiaki te bure te akewe bwa a aonga ni kunea te aomata ni kewe, bwa a aonga ni kamauna.

26 Ao n aio e mwamwanaiia, ao ni akairiia n taai nako ni karokoa e katika rikaaki tamneia nako bmoone; ao n aio are e kairikia bwa a na mwane n oin aia cbwai ni kamwane.

27 Ao e nakonako n tiotio, aikai ao ikekei n te aonaba, n ukoukora btiringan tamneia aomata.

28 E koaua, e koaua, I tuangko, e na reke kain ane e taekina te kewe ni akamwamwane ibukina e iangoia bwa temanna e na taekina te kewe ni kamwamwane, bwa akanne ake a na bon aki inaomata man ana bmotiraoi te Atua.

29 Ngkai, nooria, a tia ni biti taian taeka, bukina Tatan e taku nakoia: E a tia ni keweingkami—ao e mwamwanaiia ni karaoa te buakaka, ni kairiko bwa ko na akariria te Uea ae Atuam.

30 Nooria, I tuangko, bwa ko na aki manga rairi taian taeka ake a tia n nako mai i nanon baim.

31 Bwa, nooria, a na bon aki kakoroa bukin aia babaire ae e buakaka ni kewe ni kaitarai taian taeka. Bwa, nooria, ngkana ko a manga kaotii taeka naba akekei a na taekinna bwa ko a tia ni kewe ao bwa ko baka n rairairi, ma ko a manga bon kaaitarako.

32 Ao, nooria, a na bon boretiia, ao Tatan e na kamatoai nanoia aomata ni kakiriweia n un ni kaitarako, ao a na aki kakoaua au taeka.

33 Ngaia are aTatan e iangoia bwa e na tokanikai i aon am koaua n te roro aei, bwa e aonga n aki kona ni kaotaki te mwakuri n te roro aei.

34 Ma noria, aio te wanawana, ao ibukina I kaota nakoim te awanawana, ao n anganiko tuua ni kaineti ma bwai aikai, tera ae ko riai ni karaoia, tai kaotia nakon te aonaba ni karokoa e koro bukin te mwakuri n rairairi aei.

35 Tai mimi bwa I taku nakoim: Aio te wanawana, tai kaotia nakon te aonaba—bwa I taku, tai kaotia nakon te aonaba, bwa ko aonga ni kateimatoaki.

36 Nooria, I aki taekinna bwa ko na aki kaotia nakoia naake a raoiroi;

37 Ma are ko aki kona n ataia naake a araoiroi n taai nako, ke are ko aki kona n ataa te aomata ae e buakaka man te aomata ae e raoiroi n taai nako, ngaia are I tuangko, tai bkakarongoa ni karokoa I nooria bwa e a kona ni kaotaki bwaai ni kabane nakon te aonaba ni kaineti ma aio.

38 Ao ngkai, e koaua ae I tuangko, bwa rongorongon abwaai akekei ake ko a tia ni korei, ake a tia n nako mai i nanon baim, e bon koreaki i aon ana bbwaatua Nibwaai;

39 Eng, ao ko uringa are e taekinaki n taian koroboki akekei bwa bwaninin rongorongona ake a kaotaki ibukin bwaai aikai a mena i aon ana bwaatua Nibwaai.

40 Ao ngkai, ibukina e bwanin riki te rongorongo are e koreaki i aon ana bwaatua Nibwaai ni kaineti ma bwaai ake, ni wanawanau, N na kaotii bwa a na ataia aomata n te rongorongo aei—

41 Ngaia are, ko riai n rairi taian koroboki ake i aon ana abwaatua Nibwaai, ni karokoa ko roko n ana tautaeka te uea are Beniamina, ke ni karokoa ko roko nakon are ko a tia n rairia, ake ko kawakini;

42 Ao nooria, ko na boretiia bwa ana rongorongo Nibwaai; ao N na kamangaoia naake a bitii au taeka.

43 N na bon aki kariaia bwa a na kamaunaa au mwakuri; eng, N na bon kaotia nakoia bwa wanawanau e korakora riki nakon ana kamwamwane te riaboro.

44 Nooria, e ti iai irouia mwakorona, ke kimototon ana rongorongo Nibwaai.

45 Nooria, a mwaiti bwaai aika koreaki i aon ana bwaatua Nibwaai aika anga riki taian kamatata ibukin au euangkerio; ngaia are, e bon wanawana aei irou, bwa ko na raira te moan mwakoro are e koreaki iroun Nibwaai, ao ni kanakoa n te boki aei.

46 Ao, nooria, ni kabane nikiran te amwakuri aei are kanoana ni kabane mwakoron au beuangkerio ake au burabeti aika tabu, eng, ao au taan reirei naba, a cbubuti n aia tataro bwa e na kaotaki nakoia aomata aikai.

47 Ao I taku nakoia, bwa e na bon aanganaki nakoia ni kaineti nakon aia bonimaki n aia tataro;

48 Eng, ao aio aia onimaki—bwa au euangkerio, are I anganiia bwa a na tataekinna n aia bong, e na roko nakoia tariia ake aReimwanaite, ao nakoia naba ni kabane naake a riki bwa Reimwanaite ibukin aia itabaraara.

49 Ngkai, tiaki ti aio—aia onimaki n aia tataro bwa te euangkerio aio e na ataki naba, ngkana arona bwa aba tabeua a na roko n abaaba n te aba aei;

50 Ao ngaia are a katuka te kakabwaia n te aba aei n aia tataro, bwa are e kakoaua te euangkerio aei n te aba aei e na reke irouna te maiu ae akea tokina;

51 Eng, bwa a aonga n inaomata iai aba nako, reeti, neewe, ke aomata nako.

52 Ao ngkai, nooria, ni kaineti nakon aia onimaki n aia tataro N na kaota mwakoron au euangkerio aio nakon aia atatai au aomata. Nooria, I aki kaotia bwa N na kamaunaa are a tia ni karekea, ma N na karikirakea.

53 Ao ibukin aei ao I taku: Ngkana te roro aei aki kamatoai nanoia, N na katea au ekaretia i buakoia.

54 Ngkai I aki taekina aei ni kamauna au ekaretia, ma I taekina aio ni karikirakea au ekaretia;

55 Mangaia are, ane e kaaina au ekaretia e riai n aki amaaku, bwa a na babaaba n cabanuean karawa.

56 Bwa ngaia ake a aki amaakai, ke n aki kawakini au tua ma ni katei tenaan bekaretia ibukia bwa e aonga n reke crakaia, eng, ao ni kabane naake a kakaraoa ae buakaka ao ni katei abanuean te riaboro—eng, e koaua, e koaua, I tuangko, bwa ngaia ake N na kakiriweia, ao ni karika te ruru ao te ioioaki i nanoia.

57 Noria, Ngai Iesu Kristo, aNatin te Atua. I roko nakoia ake oin au aomata, ao ake oin au aomata aki butimwaeai.

58 Bon Ngai te aoota are e oota n te roo, ao te roo e aki kinaa.

59 Bon Ngai are I taku—Iai au atiibu btabemwaang ake tiaki kaain te nanai aio—nakoia au taan reirei, ao a mwaiti aika aki coota irou.

60 Ao N na kaotia nakoia aomata aikai bwa iai au tiibu tabemwaang, ao bwa bon mwangan te abata are Iakobwa;

61 Ao N na kaotii aia mwakuri aika kamimi, are a karaoi n arau;

62 Eng, ao N na kaota naba au euangkerio are e a tia ni kaotaki nakoia, ao, noria, a na bon aki kakewei bwai are ko a tia n karekei, ma a na karikirakea, ao ni kaoti koauan mwakorokoron nako au areirei, eng, ao bon oin te reirei mai irou.

63 Ao I karaoa aio bwa I aonga ni katea au euangkerio, bwa e aonga n aki bati te itabarara; eng, aTatan e bon kakiriwei nanoia aomata n bitabarara nakon mwakorokoron nako au reirei; ao n bwaai aikai a bon kairua iai, bwa a ckabwaouai koroboki aika tabu ao a aki oota iai.

64 Mangaia are, N na kaota nakoia te bwai aei ae e korakora man raba;

65 Bwa, noria, N na aikoikotiia n aron te moa aine ngkana e ikoikotiia natina i an baina, ngkana a aki kamatoai nanoia;

66 Eng, ngkana a roko, a kona, ao ni mooi n te aran ni kamaiu n akea boona.

67 Nooria, aio au reirei—ane e raira nanona ao e anakoiu, titebo ma au bekaretia.

68 Ane e ataekinna ni karaka ke ni kakeea nakon aei, e aki nako mai irou, ma e bkaitaraai; mangaia are tiaki kaain au ekaretia.

69 Ao ngkai, nooria, ane kaain au ekaretia, ao n teimatoa n au ekaretia ni karokoa te toki, ngaia ae N na kateia i aon au abwa, ao bmataroan moone e na bon aki tokanikai i aoia.

70 Ao ngkai, uringi ana taeka teuare ngaia te maiu ao aootan te aonaba, te Tia Kaboko, am bUea ao Atuam. Amen.