Mwakoro 31
Katioti ae kaotaki rinanon Iotebwa Timiti te Burabeti nakon Thomas B. Marsh, n Tebetembwa 1830. Te tai aei bon i mwin naba te maungatabu n te Ekaretia (taraa te kabwarabwaraan mwakoro 30). E tia ni bwabetitoaki ni moan te namwakaina Thomas B. Marsh ao n tia ni katabuaki bwa te unimwaane n te Ekaretia i mwaain kaotakin te kaotioti aei.
1–6, E weteaki Thomas B. Marsh bwa e na tataekina te euangkerio ao n ataia raoi bwa a marurung ana utu; 7–13, E reireinaki bwa e na tataona nanona, n tataro n taai nako, ao ni iriira te Tia Karaunano.
1 aThomas, ae natiu, ko na kakabwaiaaki ibukin am onimaki n au mwakuri.
2 Nooria, e mwaiti karawawataakim ibukin am utu; e ngae n anne, N na kakabwaiako ma am utu, eng, am ataei; ao e na roko te bong are a na kakoaua ao n ataa te koaua ao ni katiteuanaaki ma ngkoe n au ekaretia.
3 Tabekaarake nanom ao kimwareirei, bwa e a roko auan am mition; ao e na aki bae newem, ao ko na taekina te rongorongo ae araoiroi ae moan te kakimwareirei nakon te roro aei.
4 Ko na ataekini bwaai ake a tia ni kaotaki nakon au tia mwakuri ae Iotebwa Timiti te Ataei. Ko na moana am kabwarabwara man te tai aei, eng, n taia te tawana are e a bmainaina n tawaa nakon te kabuekaki.
5 Mangaia are, akarina am biti ni koro wiita ma tamneim ni kabanea, ao a na bkabwaraaki am bure, ao a na katokaaki taian cikota ni wiita i aon nukam, bwa e tau te dtia mwakuri n anganaki boon ana mwakuri. Mangaia are, a na maiu am utu.
6 Nooria, e koaua ae I tuangko, kiitaniia i nanon te tai ae e uarereke, ao taekina au taeka, ao N na katauraoa te tabo ibukiia.
7 Eng, N na akauka nanoia aomata, ao a na butimwaiko. Ao N na katea te ekaretia mani baim;
8 Ao ko na akakorakoraia ao ni katauraoia ibukin te tai ngkana a ikotaki.
9 Bwaina te ataotaonakin nano n tain te bkarawawata, n aki kabuakaka ni kaaitaraia taan kabuakaka. Kairiia am cutu i nanon te nimamannei, ao bwaina te nanomatoa.
10 Nooria, I tuangko bwa ko na riki bwa te taokita n te ekaretia, ma tiaki nakon te aonaba, bwa a na aki butimwaiko.
11 Ko na nakon te tabo are I taku, ao ko na anganaki mai iroun te aTia Karaunano bwa tera ae ko na karaoia ao te tabo are ko na nako iai.
12 aTataro n taai nako, bwa ko kawa n rin n te bkaririaki ao ni bua kanuangam.
13 Bwaina te akakaonimaki ni karokoa te toki, ao nooria, I bmemena iroum. Taeka aikai tiaki mai iroun te aomata ke taian aomata, bwa mai irou, are Iesu Kristo, te Tia Kaboko, man ana ckantaninga te Tama. Amen.