Mwakoro 66
Kaotioti ae kaotaki rinanon Iotebwa Timiti te Burabeti, i Hiram, Ohio, n Okitobwa 29, 1831. William E. McLellin e tia ni bubutia te Uea ni karaba bwa e na kaoti kaeka nakon nimaua titiraki rinanon te Burabeti, ake aki ataaki iroun Iotebwa Timiti. Man ana bubuti McLellin, te Burabeti e bubutia te Uea ao e karekea te kaotioti aei.
1–4, Te berita ae tabu ae akea tokina bon bwaninin te euangkerio; 5–8, A riai unimwaane n tataekinna, ni kaota koauana, ao ni marooro ma aomata; 9–13, Te kakaonimaki ni mwakuri ni ibuobuoki e kamatoa reken te bwaibwai n te maiu ae akea tokina.
1 Nooria, e taku te Uea nakon au tia mwakuri ae William E. McLellin—Ko na kakabwaiaaki, ngkana ko teimatoa n tannako man am bure, ao ni karekei au koaua, e taku te Uea am Tia Kaboko, te Tia Kamaiua te aonaba, ni kabane naba ake a akakoaua arau.
2 E koaua ae I tuangko, ko na kakabwaiaaki ibukin butimwaean au aberita ae tabu ae akea tokina, ae bwaninin au euangkerio, are e kanakoaki nakoia natiia aomata, bwa aonga ni karekea te bmaiu ae akea tokina ao n riki bwa taan ibuokanibwai n te mimitong ake a na kaotaki ni boong aika kaitira, n aron are e koreaki irouia burabeti ao abotoro ni boong ake ngkoa.
3 E koaua ae I tuangko, au tia mwakuri ae William, bwa ko a itiaki, ma tiaki ni kabane; ngaia are, raira nanom, man bwaai akekei ake aki kakukurei i matau, e taku te Uea, bwa te Uea e na akaoti nakoim.
4 Ao ngkai, e koaua, Ngai, te Uea, N na kaota nakoim te bwai are I taku ni kaineti ma ngkoe, ke tera au kantaninga ni kaineti ma ngkoe.
5 Nooria, e koaua ae I tuangko, bwa bon au kantaninga bwa ko na akatanoataa au euangkerio man te aba teuana nakon te aba teuana, ao man te kaawa teuana nakon te kaawa teuana, eng, n taabo nako ake a uakaan are e tuai katanoataaki iai.
6 Tai tiku ni boong aika mwaiti n te tabo aei; tai nako moa ngkai nakon aban Tion; ma bwaai ake ko kona ni kanakoi, kanakoi; irarikin anne, tai iangoi am bwai.
7 aNaako nakon aaba ake i mainiku, kaoti bkoaua n taabo nako, nakoia aomata ni kabane ao n aia auti n nebo, ni marooro ma aomata.
8 E riai au tia mwakuri ae Samuel H. Smith n nako ma ngkoe, ao tai kiitanna, ao anganna am kaetieti; ao ane e kakaonimaki e na akakorakoraaki n taabo nako; ao Ngai, te Uea, N na iriiriko.
9 Katokai abaimi i aoia aoraki, ao a na bmarurung. Tai oki ni karokoa Ngai, te Uea, I kanakoko. Bwaina te taotaonakin nano n tenaan karawawata. cBubuti, ao ko na anganaki; karebwerebwe, ao e na kaukaki nakoim.
10 Tai ukoukora te karawawataaki. Kiitani ni kabane bwaai aika aki raoiroi. Tai awenenibure—te kariiri are ko a tia ni karawawataaki iai.
11 aKaawakini taeka aikai, bwa a koaua ao a kakaonimaki; ao ko na kakorakora nakoam, ao ikotia aomata aika mwaiti nakon bTion ma ckunan te kimwareirei ae akea tokina i aon atuia.
12 aReitanako karaon bwaai aikai ni karokoa te toki, ao ko na karekea te bbaunuea n te maiu ae akea tokina i angatain Tamau, are e onrake n te akoi ao te koaua.
13 E koaua, e taku te Uea ae aAtuam, am Tia Kaboko, ae Iesu Kristo. Amen.