1 Te kaotioti mai iroun Iesu Kristo nakon ana tia mwakuri ae Iotebwa Timiti te Ataei ao onoman unimwaane, ngke a botii nanoia ao a ^atabekarake bwanaia nako eta.

2 Eng, ana taeka te Uea ni kaineti ma ana ekaretia, are e kateaki ni boong aika kaitira ibukin ^akaokakiia ana aomata, ngkai e a tia n taetae man wiia ana ^bburabeti, ao ibukin ikotakiia ana ^caomata aika itiaki bwa a na tei i aon te ^dMaunga are Zion, are e na riki bwa te kaawa ae ^eIerutarem ae Boou.

3 Are te kaawa ae e na kateaki, ni moanaki man ana tabo te ^atembora, are e rineaki ni bain te Uea, n tiia ake i maeao n te Mwakoro n Aba ae Missouri, ao ni katabuaki ni bain Iotebwa Timiti te Ataei ao tabeman are e kukurei irouia te Uea.

4 E koaua aio ana taeka te Uea, bwa te kaawa ae ^aIerutarem ae Boou e na kateaki man ikotakiia aomata aika itiaki, ni moanaki man te tabo aei, ae nnen te ^btembora, are te tembora are e na kateaki n te roro aei.

5 Bwa e koaua te roro aei e na aki mauna nako ni kabane ni karokoa e kateaki te auti ibukin te Uea, ao e na tiku te nang i aona, are te nang ae ^amimitongin te Uea, are e na kaona te auti.

6 Ao natin Mote, ni kaineti ma te Nakoanibonga ae Tabu are e karekea i aan ^abain taman kaain abana, ae ^bIetero;

7 Ao Ietero e karekea i aan bain Kareba;

8 Ao Kareba e karekea i aan bain Eriu;

9 Ao Eriu i aan bain Ieremia;

10 Ao Ieremia i aan bain Kata;

11 Ao Kata i aan bain Etaiati;

12 Ao Etaiati e karekea i aan bain te Atua.

13 Etaiati e maiu naba n ana tai Aberaam, ao e kakabwaiaki irouna—

14 Are ^aAberaam e karekea te nakoanibonga mai iroun ^bMerekitereka, are e karekea rinanon rikiia ana bakatibu, ni karokoa ^cNoa;

15 Ao mai iroun Noa ni karokoa ^aEnoka, rinanon rikiia aia bakatibu;

16 Ao mai iroun Enoka nakon ^aAbera, are e tiringaki n ana ^bboraraoi tarina, are e ^ckarekea te nakoanibonga man ana tua te Atua, ni bain tamana ae ^dAtam, are bon te moan aomata—

17 Te ^anakoanibonga are e reitinako n ana ekaretia te Atua n rooro nako, ao bon akea moan ana bong ke tokin ana ririki.

18 Ao te Uea e kamatoa naba te ^anakoanibonga i aon ^bAaron ao ana kariki, i nanon aia roro nako, te nakoanibonga are e reitinako ao ni ^cwaaki nako naba n aki toki ma te nakoanibonga are katootongan ana botaki te Atua ae moan te tabu.

19 Ao te nakoanibonga ae korakora aei e kamwakura te euangkerio ao n taua kiingin bwain te abanuea aika ^araba, are kiingin te ^batatai ibukin te Atua.

20 Ngaia are, e kaotaki mwaakan te aro n Atua n taian ^aotenanti mai iai.

21 Ao n akean taian otenanti mai iai, ao te ^akariaiakaki n te nakoanibonga, te mwaaka n te aro n Atua e aki kaotaki nakoia aomata n te iriko;

22 Bwa n akean aei akea te ^aaomata ae e kona n noora ubun te Atua, ao e maiu.

23 Ngkai ^aMote e karaua n reiakina raoi aio nakoia tibun Iteraera n te rereua, ao n teimatoa n ukoukora ^bkatabuaia ana aomata bwa aonga n ^cnoora ubun te Atua;

24 Ma a ^akamatoai nanoia ao a aki kona n tei n aki rotaki imatana; ngaia are, te Uea n ^bunna, bwa e kauraaki unna nakoia, e tuea bwa a na aki ^crin i nanon ana motirawa ngkai a mena n te rereua, are te motirawa are bwaninin mimitongina.

25 Ngaia are, e anaa ^aMote mai i buakoia, ao te ^bNakoanibonga ae Tabu naba;

26 Ao e reitinako te ^anakoanibonga are rinano, are te nakoanibonga ae taua ^bkiingin aia ^cmwakuri n ibuobuoki anera ao te euangkerio ni katauraoi;

27 Are te euangkerio ae te euangkerio n ^arairannano ao ni ^bbwabetito, ao ^ckamaunaan bure, ao te ^dtua ake tuan te ^erabwata, are e karaoia te Uea n unna bwa e na reitinako n ana auti Aaron i buakoia tibun Iteraera ni karokoa ^fIoane, are e katauraoia te Atua, n tia ni ^gkaonaki n te Tamnei ae Raoiroi mai i nanon biroton tinana.

28 Bwa e bwabetitoaki ngke e uarereke, ao e katabuaki iroun ana anera te Atua nakon te mwaaka aei n te tai are wanua ana bong ni maiu, bwa e na kabwaka ueaia Iutaia, ao ni ^akaeta kawain te Uea i mataia ana aomata, ni katauraoia ibukin rokon te Uea, are a mena i nanon baina ^bmwaaka ni kabane.

29 Ao teuana riki, nakoaia unimwaane ao bitiobi bon ^ataian reita aika a kakawaki aika ana bwai te nakoanibonga ae rietata.

30 Ao teuana riki, nakoaia taan reirei ao rikan bon taian reita aika kakawaki aika ana bwai te nakoanibonga are rinano, are te nakoanibonga are e kamatoaki nako aon Aaron ao natina mwaane.

31 Ngaia are, n aron are I taekinna ni kaineti nakoia natin Mote aika mwaane—ibukiia natin Mote aika mwaane ao natin naba Aaron aika mwaane a na anga te ^aangabwai ao te karea ae butimwaeaki n umwan te Uea, are te auti ae e na kateaki nakon te Uea n te roro aei, i aon te ^btabo ae katabuaki n aron ae I a tia n rineia—

32 Ao natin Mote ao Aaron aika mwaane a na kaonaki ni ^amimitongin te Uea, n ana auti te Uea i aon te ^bMaunga are Tion, are natina ae ngkami; ao a mwaiti naba ake I a tia ni weteia ao ni kanakoia bwa a na katea au ^cekaretia.

33 Bwa ane e ^akakaonimaki bwa aonga ni karekei ^bnakoanibonga aika uoua aikai ake I a tia n taekin, ao kakorakoraan nakoaia, a ^ckatabuaki iroun te Tamnei ibukin kabouan rabwataia.

34 A riki bwa natin Mote ao Aaron ao ^akanoan ^bAberaam, ao te ekaretia ao te abanuea, ao ake a ^crineaki iroun te Atua.

35 Ao ni kabane naba naake a karekea te nakoanibonga aei a butimwaeai, e taku te Uea;

36 Bwa ane e butimwaea au tia mwakuri e ^abutimwaeai;

37 Ao ane e ^abutimwaeai e butimwaea Tamau;

38 Ao ane e butimwaea Tamau e na karekea abanuean Tamau; ngaia are ^ani kabane are ana bwai Tamau e na anganaki.

39 Ao aio e bon kaineti nakon te ^atuea ao te berita ae tabu ake bwain te nakoanibonga.

40 Ngaia are, ni kabane naake a karekea te nakoanibonga, a karekea te tuea ao te berita ae tabu mai iroun Tamau, are e aki kona n urua, ao e aki kona ni kamwaingaki.

41 Ma ane e ^aurua te berita ae tabu aei i mwin rekena irouna, ao n tannako raoi mai iai, e na ^baki karekea kabwaraan ana bure n te aonaba aei ao n te aonaba ae e na roko.

42 Ao a na reke kaia ni kabane naake a aki karekea te nakoanibonga aei are kam a tia ni karekea, are I a kamatoa ngkai i aomi ake kam roko n te bong aei, n oin bwanaau mai karawa; ao I a tia n anganiia kaaini karawa ao au ^aanera te mwiokoaki ibukimi.

43 Ao ngkai I anganingkami te tua bwa kam na tarataraingkami ni kaineti ma ngkami, ni botumwaaka ni ^akakauongo raoi nakon taekan te maiu ae akea tokina.

44 Bwa kam na ^amaiuakini taeka ni kabane are a otinako mai wiin te Atua.

45 Bwa ana ^ataeka te Uea bon te koaua, ao bwaai ni kabane ake a ^bkoaua bon te oota, ao bwaai ni kabane ake a oota bon te Tamnei, are Tamnein Iesu Kristo.

46 Ao te Tamnei e anga te ^aoota nakoia ^baomata ni kabane ake a roko nakon te aonaba; ao te Tamnei e kaotaia aomata ni kabane n taabo nako n te aonaba, ake a ongo nakon bwanaan te Tamnei.

47 Ao ni kabane ake a ongo nakon bwanaan te Tamnei a nakon te Atua, are te Tama.

48 Ao te Tama e ^areireinia taekan te ^bberita ae tabu are e a tia ni kabooua ao ni kamatoa i aomi, are e kamatoaki i aomi ibukimi, ao tiaki tii ibukimi, ma ibukin te aonaba ae bwanin.

49 Ao te ^aaonaba ae bwanin e wene n te bure, ao ni ngirangira i aan te ^brootongitong ao i aan te tautoronaki n te bure.

50 Ao man aio kam aonga ni kona n ataia bwa a mena i aan te ^atautoronaki n te ^bbure, ibukina bwa a aki nakoiu.

51 Bwa ane e aki nakoiu e mena i aan te tautoronaki n te bure.

52 Ao ane e aki butimwaea bwanaau e aki ataa ^abwanaau, ao bon tiaki ngaia mai irou.

53 Ao man aio kam aonga ni kona n ataa te raoiroi man te buakaka, ao bwa te ^aaonaba ae bwanin e ^bngirangira naba ngkai i aan te ^cbure ao te rootongitong.

54 Ao ami iango n taai aika nako a tia n karooaki ibukin te ^aaki kakoaua, ao ibukina bwa kam a tia ni kaakea manenan bwaai ake kam a tia ni karekei—

55 Are te ^akaibwabwaru ao te aki kakoaua a tia ni uota te ekaretia ae bwanin nakon te kabuakakaki.

56 Ao te kabuakakaaki aei e toka i aoia natin Tion, ni kabane.

57 Ao a na tiku i nanon te kabuakakaaki aei ni karokoa a raira nanoia ao n uringa te ^aberita ae tabu ae boou, are ^bAna Boki Moomon ao tua ake ^cmai i mwaaina ake I a tia n angania, tiaki n ti taekinna, ma a na ^dkaraoi ni kaineti nakon are I a tia ni koreia—

58 Bwa a aonga ni kariki uaa aika a riai ibukin abanuean Tamaia; bwa ngkana a aki e na tiku te karawawataaki ao te motikitaeka ni bwaro nako aoia natin Tion.

59 Bwa a na kabareka abau ae tabu natin te abanuea? E koaua, I tuangkami, A aki.

60 E koaua, e koaua, ae I tuangkami ake kam ongo ngkai au ^ataeka, ake bwanaau, kam a kakabwaiaki ngkana kam teimatoa ni karekei bwaai aikai;

61 Bwa N na ^akabwarai ami bure n te tua aei—bwa kam na teimatoa ni matoatoa n ami iango n ^baki manikangare ma te nano n tataro, ni kaoti ami koaua nakon te aonaba ni kabane ni bwai akekei ake a taekinaki nakoimi.

62 Ngaia are, ^anako ngkami ni kabuta te aonaba; ao nakon taabo nako ake kam aki kona n nako iai kam na kanakoa, bwa e aonga te kakoaua n nako mai iroumi ni kabuta te aonaba nakoia aomata nako.

63 Ao n aron ae I taekinna nakoia au ^aabotoro, I taekinna naba nakoimi, bwa ngkami au abotoro, ae ana ibonga ae rietata te Atua; ngkami aika e ^banganai Tamau; ^craou ngkami;

64 Ngaia are, n aron are I taekinna nakoia au abotoro I a manga taekinna naba nakoimi, bwa ni kabane ^aaomata ake a ^bkakoauai au taeka, ao ni bwabetitoaki n te ran ibukin ^ckamaunaan bure, a na karekea te ^dTamnei ae Raoiroi.

65 Ao ^akanikina aikai a na iriiria naake a kakoauaa—

66 N arau a na karaoi ^amwakuri aika mwaiti aika kamiimi;

67 N ^aarau a na kanakoi taian riaboro;

68 N aarau a na ^akamarurungiia aoraki;

69 N arau a na kauki mataia mataki, ao ni kauka taningaia ake a bonotaninga;

70 Ao newen ane e bae newena e na taetae;

71 Ao ngkana iai te aomata ae e anga te ^abwai ni kamamate nakoia e na bon aki kaikoakiia;

72 Ao ana bwai ni kamamate te naeta e na akea mwaakana ni kaikoakiia.

73 Ma te tua ae I anganiia, bwa a na aki ^akamoamoaia ni bwaai aikai, ke n taekinii i matan te aonaba; bwa bwaai aikai kam anganaki ibukin kabwaiami ao ibukin kamaiuakimi.

74 E koaua, e koaua, I tuangkami, naake a aki kakoauai ami taeka, ao a aki ^abwabetitoaki n te ran n arau, ibukin kamaunaan aia bure, bwa a aonga ni karekea te Tamnei ae Raoiroi, a na ^bkabuakakaaki, ao a na aki roko nakon abanuean Tamau ike Tamau ao Ngai ti mena iai.

75 Ao te kaotioti aei nakoimi, ao te tua, e na kamanenaaki man te aoa naba aei i aon te aonaba ni kabuta, ao te euangkerio bon nakoia ni kabane ake a tuai ni karekea.

76 Ma, e koaua I taekinna nakoia ni kabane naake a tia n anganaki te abanuea—mai iroumi e riai n tataekinaki nakoia, bwa a na rairi nanoia man aia mwakuri ake ngkoa aika buakaka; bwa a riai ni boaaki ibukin nanoia ae buakaka ae e aki kakoauaa, ao tarimi ake i Tion ibukin aia kaitara nakoimi n te tai are I kanakoingkami.

77 Ao I a manga tuangkami, raou, bwa man te tai aio N na araningkami bwa raou, e riai bwa N na anganingkami te tua aei, bwa kam na riki n aroia raou ni boong akekei ngke I mena irarikiia, ni mwamwananga n tataekina te euangkerio ni mwaakau;

78 Bwa I aki kariaia bwa a na iai aia ^abwauti ni mwane ke te baeki, ke uoua aia kabaraaki.

79 Nooria, I kanakoingkami ni kata te aonaba, ao te tia mwakuri bwa e tau ni karekea ^aboona.

80 Ao aomata nako ake a na nako n ^atataekina ^beuangkerion te abanuea aei, ao n aki bwaka n reitinako ni kakaonimaki ni bwaai ni kabane, a na aki kua n te iango, ke ni karooaki, n te rabwata, baina ma waena, ke te toma n rii; ao e na aki bwaka teuana ^ciran atuuna nako aontano n aki nooraki. Ao a na aki baki, ke n taka.

81 Ngaia are, tai ^atabeakina te ingabong, bwa tera ae kam na kanna, ke tera ae kam na nimma, ke tera ae kam na karabaningkami iai.

82 Bwa, noora kiebun tawaana, bwa a bwebwerake, ao a aki mwammwakuri, ke ni bibiri; ao abanuean te aonaba, ma tamaroaia ni kabane, a bon aki kunnikaiaki n aron tamaroan te kaina mai i buakoia.

83 Bwa ^aTamami, are i karawa, e ^bataia bwa kam kainanoi bwaai ni kabane aikai.

84 Ngaia are, tai tabeakina te ingabong bwa e na bon ^atabeakinna i bon irouna.

85 Ke ni iangoia i mwaain taina bwa ^atera ae kam na taekinna; ma ^bkaikoa n ami iango n taai nako taekan te maiu, ao kam na ^canganaki n te tai naba arei te mwakoro are e na tibwauaaki nakoia aomata n tatabemania nako.

86 Ngaia are, akea temanna i buakomi, man te tai aio ae na uota ana bwauti ni mwane ke te baeki, are e na waaki nako ni katanoata euangkerion te abanuea aei, bwa te tua aei bon nakoia ni kabane ake a ^akakaonimaki ake a weteaki iroun te Atua n te ekaretia nakon te mwakuri n ibuobuoki.

87 Nooria, I ^akanakoko bwa ko na takua te aonaba man aia mwakuri ni kabane aika aki raoiroi, ao n reireiniia te motikitaeka ae e nang roko.

88 Ao ane e ^abutimwaingkami, ao N na mena naba ikekei, bwa N na rimoami. N na mena i angataimi ao n angamaingimi, ao Tamneiu e na mena inanomi, ao au ^banera a mena i buakomi, n tabekiko rake.

89 Ane e butimwaingkami e butimwaeai; ao te aomata anne e na kamwarakeingkami, ao ni kunnikaingkami, ao n anganingkami ami mwane.

90 Ao ane e kamwarekeingkami, ke ni kunnikaingkami, ke n anganingkami te mwane, e na bon aki kona ni ^akabua kanuangana.

91 Ao ane e aki karaoi bwaai aikai bon tiaki au tia reirei; man aio kam na kona n ataia ^aau taan reirei.

92 Ane e aki butimwaingkami, naako mai irouna n ti ngkami, ao ^akaitiaka waemi n te ran, te ran ae moan te itiaki, n tain te kabuebue ke te mwaitoro, ao kaota kakoauana nakon Tamami are i karawa, ao tai manga oki nakon te aomata anne.

93 Ao n te kaawa nako ke kaawa aika bubura are kam rin iai, karaoa naba anne.

94 E ngae n anne, ukeuke ma te botumwaka ao tai rawa ni karaoia; ao e na reke kain te auti anne, ke te kaawa ke te kaawa ae bubura anne are a rawa n ongo iroumi, ke ami taeka, ke ami koaua ni kaineti ibukiu.

95 Te rekenikai, I a manga taekinna, nakon te auti anne, ke te kaawa ke te kaawa ae bubura anne are e kaitaraingkami, ke ami taeka, ke ami koaua ibukiu.

96 Bwa Ngai, are ^aMoan te Mwaaka, I a tia ni kawenei baiu i aon aaba, ni ^bkarawawataia ibukin ^cbuakakaia.

97 Ao e na waaki kabuanibwai, ao a na aki anaaki man te aonaba ni karokoa I a tia ni katiaa au mwakuri, are e na ^akauarerekeaki n te raoiroi—

98 Ni karokoa a na bane n ataai, ake nikiraia, mai irouia aika moan te mangori ni karokoa ake a moa ni kakannato, ao a na kaonaki n ataakin te Uea, ao a na ^anooria n oin mataia, ao a na tabekarake bwanaia, ao ma bwanaia a botaki n ^banenea te anene aei ae boou, ae kangai:

99 Te Uea e a tia ni manga kaoka Tion;Te Uea e a tia ni ^akabooia ana aomata, ^bIteraera,Ni kaineti ma te ^crinerine n ^dakoi,Are e kakoroaki bukina n aia onimakiAo aia ^eberita ae tabu aia bakatibu.

100 Te Uea e a tia ni kaboia ana aomata;Ao Tatan e ^akabaeaki ao ai akea te tai.Te Uea e a tia n botii bwai ni kabane n ^bteuana.Te Uea e a tia ni karuoa ^cTion mai eta.Te Uea e a tia ni ^duotarake Tion mai i nano.

101 Te ^aaonaba e a tia n rawawata ao ni kaoka korakorana;Ao e kaotaki te koaua i nanona;Ao e wingare karawa i aona;Ao e kunnikaiaki ni ^bmimitongin Atuana;Bwa e tei i buakoia ana aomata.

102 Te mimitong, te karineaki, ao te mwaaka, ao te korakora,E na anganaki Atuara; bwa e onrake n te ^ananoanga,Te motiraoi, te akoi ao te koaua, ao te ^brau,N aki tootoki, Amen.

103 Ao, e koaua, e koaua, I a manga tuangkami, e riai bwa aomata nako ake a nako ni katanoata au euangkerio ae akea tokina, bwa ngkana iai aia utu, ao a karekea te mwane bwa te bwaintangira, bwa a riai ni kanakoa nakoia ke ni kamanena raoi ibukin kabwaiaia, n aron ae e na kairiia te Uea, bwa e nooraki raoiroina irou.

104 Ao a riai ni kabane naake akea aia utu, ake a karekei ^amwaane, ni kanakoa nakon te bitiobi i Tion, ke nakon te bitiobi i Ohio, bwa e aonga ni katabuaki ibukin kaotakin taian kaotioti ao boreetiakiia, ao ibukin katean Tion.

105 Ao ngkana te aomata temanna e na anganiko te kabaraaki, ke kunnikai, anaa are e a mane ao anganiia ^akainano, ao wakina kawaim ni kimwareirei.

106 Ao ngkana temanna mai i buakomi ae e korakora n te Tamnei, e riai n ^aairi ma temanna are e mamaara, bwa e aonga ni karikirakeaki n te ^bnimamannei ni kabane, bwa e aonga n riki ni korakora naba.

107 Ngaia are, kairiia naake a katabuaki nakon te ^anakoanibonga are rinano, ao kanakoia ni karimoaia bwa a na karaoa te tai ni kaitibo, ao ni katauraoa te kawai, ao ni karaoi taai ni kaitibo are ngkami kam aki kona ni karaoia.

108 Nooria, aio te kawai are au abotoro, ni boong ake ngkoa, a katea au ekaretia nakoiu.

109 Ngaia are, a riai aomata nako n tei n oin nakoaia, ao ni mwakuri n oin weteaia; ao e aki riai te atu n tuanga te wae bwa e aki kainnanoaki te wae; bwa n akean te wae e na kanga te rabwata ni kona n tei?

110 Te rabwata naba e kainnanoi ^abwaina ni kabane, bwa aonga ni kabane ni uaia ni karikirakeaki, bwa e aonga te rabwata ni kateimatoaaki ni kororaoi.

111 Ao nooria, a riai ni mwananga ^aibonga aika rietata, ao unimwaane naba, ao ^bibonga naba ake a rinano; ma ^crikan ao ^dtaan reirei a riai n rineaki bwa a na ^etaratara te ekaretia, bwa taan ibuobuoki aika aki mwamwananga nakon te ekaretia.

112 Ao te bitiobi, ae Newel K. Whitney, e na mwananga naba nakon taabo aika uakaan ao i buakoia ni kabane mwanga n te ekaretia, ni kakaeia kainnano n angania te ^aibuobuoki ibukin kainnanoia ni ^bkananorinanoia kaubwai ao naake a kamoamoa.

113 E na kamwakura naba te ^atia tei bwa e na tararua ao ni karaoi mwakuri ibukin te maiu n rabwata n aron ae e baireia.

114 E ngae n anne, e riai te bitiobi n nako nakon kaawan New York, nakon naba kaawan Albany, ao nakon naba kaawan Boston, ao ni kauringiia aomatan kaawa akanne ma bwanaan te euangkerio, ma te bwanaa ae korakora, ibukin te ^akananoanga ao te urubwai ae korakora ae e tataningaia ngkana a totokoi bwaai aikai.

115 Bwa ngkana a totokoi bwaai aikai ao aoan motikan taekaia e a kan roko, ao aia auti a na tiku ni ^akananoanga.

116 E riai n ^aonimakinai ao e na aki ^bkamangaoaki; ao ^ciran atuuna teaina e na aki bwaka nako aontano n aki nooraki.

117 Ao e koaua ae I tuangkami, nikiraia au taan mwakuri, waaki nako n ami konaa ma aron maiumi, ni weteami aika kakaokoro, nakon kaawa aika bubura ao a uarereke aika kakannato ao a tanoata taekaia, ni boaa te aonaba n te raoiroi n aia mwakuri ni kabane aika aki raoiroi ao ni buakaka, ni kabwarabwarai raoi ma ni kamataatai urubwain mwakuri ae bati n ribaki ni boong aika kaitira.

118 Bwa mai iroumi, e taku te Uea ae Moan te Mwaaka, N na ^aurui ueaia; N na aki tii ^bioioa te aonaba, ma e na ruru naba karawa ae kaonaki ni itoi.

119 Bwa Ngai, te Uea, I a tia n arora baiu ni kaota mwaakan karawa; kam aki kona n nooria ngkai, ma n te tai ae aki maan ao kam na nooria, ao n ataia bwa boni Ngai, ao bwa N na bon ^aroko ao n ^btautaeka ma au aomata.

120 Ngai te ^aArebwa ao te Omeka, te moan ao te kabane. Amen.