Mwakoro 118
Kaotioti ae kaotaki rinanon Iotebwa Timiti te Burabeti, i Far West, Missouri, n Turai 8, 1838, ni kaeka nakon te tataro, “Kaota nakoira am kantaninga, O te Uea, ni kaineti ma te Tengaun ma Uoman.”
1–3, Te Uea e na katauraoi kainnanoia aia utu Tengaun ma Uoman; 4–6, Taian mwaawa n Tengaun ma Uoman a kanoaaki.
1 E koaua, e taku te Uea: E riai te maungatabu ni karaoaki n te tai ae waekoa; a riai Tengaun ma Uoman ni baireaki; ao a riai aomata n rineaki ni akanoai aia tabo naake a bwaka.
2 E riai au tia mwakuri ae aThomas n tiku n te tai aei n aban Tion, ni boretiia au taeka.
3 A riai nikiraia n reitinako ni kabwarabwara man te aoa anne, ao ngkana a na karaoa aei ma te nanorinano, n te nimamannei ao ni akarinanoa, ao te btaotaonaki n nano, Ngai, te Uea, I anga nakoia te berita bwa N na katauraoi kainnanoia aia utu; ao te mataroa ae tatauraoi e na uki ibukiia, man te tai aei.
4 Ao n te tai are i mwin te kamwaitoro ae e na roko a riai n nako n riaon te ran ae korakora, ao ikekei are a na katanoata au euangkerio, are bwanin, ao ni kaota kakoauaan arau.
5 A riai ni kiitaniia au aomata aika itiaki n te kaawa ae Far West, n uabwi ma onoua n Eberi ae e na roko, n te tabo are e na kateaki iai au auti, e taku te Uea.
6 E riai au tia mwakuri ae John Taylor, ao au tia mwakuri naba ae John E. Page, ao au tia mwakuri naba ae Wilford Woodruff, ao au tia mwakuri naba ae Willard Richards, n rineaki ni kanoai aia tabo naake a bwaka, ao n tuangaki n angana ae riai ibukin aia beku.