Mwakoro 110
E kaotaki te mi ni burabeti nakon Iotebwa Timiti te Burabeti ao Oliver Cowdery n te tembora i Kirtland, Ohio, n Eberi 3, 1836. Te tai anne bon te botaki n te Tabati. E taekinaki n rongorongon Iotebwa Timiti aei: “N te bwakantaai, I buokia Beretitenti ake tabeman n tibwatibwa ana Toa te Uea nakon te Ekaretia, i mwin karekeana mai irouia Tengaun ma Uoman, are tibwangaia bwa a na karaoa te mwakuri n te taibora ae tabu n te bong aei. I mwin karaoan te mwakuri aei nakoia tariu, I oki rikaki nakon te tabo ni kabwarabwara, a karuoaki rooki, ao I boobaraaki, ma Oliver Cowdery, n tataro ni koaua n te nano. I mwin teirakera man te tataro, te mi ni burabeti ae oti ikai e kaotaki nakoira ni kauoman.”
1–10, Te Uea ae Iehova e kaoti ni mimitong ao ni butimwaea te Kirtland Tembora bwa Ana auti; 11–12, Mote ao Eriati ni kakatemanna a kaoti ao n anga aia kiing ao mwiokoaia n tararua; 13–16, Eria e na oki ao n anga kiingin mwiokoana n tararua n aron ae e beritanaki iroun Maraki.
1 Te arabuna e anaaki man ara iango, ao bmatan ootara a kaukaki.
2 Ti noora te Uea n tei i aon baon te tabo ni kabwarabwara, imatara; ao i aan waena te bwai ae karaoaki man te koora, ae karana kaanga e babooboo ni buraun.
3 aMatana ai aron uran te ai; iran atuuna e mainaina n aekan te tinoo; ao bubuna e oota riki nakon ootan taai; ao cbwanaana ai aron tangin butin te ran ae korakora, bon bwanaan dIehova, ae kaangai:
4 Ngai te amoan ao te kabanea; Ngai are e bmaiu, Ngai are e tiringaki; Ngai te ctia tei ibukimi iroun te Tama.
5 Nooria, a akabwaraaki ami bure; kam a itiaki imatau; mangaia are, tabekarake atumii ao kimwareirei.
6 A riai nanoia tarimi ni kimwareirei, ao e riai nanoia aomata ni kabane ni kimwareirei, ake a tia, ma korakoraia, ni akatea te auti aei nakon arau.
7 Bwa nooria, I a tia ni abutimwaea te bauti aei, ao arau e na mena ikai; ao N na kaotai nakoia au aomata n te nanoanga n te auti aei.
8 Eng, N na akaoti nakoia au taan mwakuri, ao n taetae nakoia n oin bwanaau, ngkana au aomata a kawakinii au tua, ao n aki bkabaereka te cauti ae tabu aei.
9 Eng nanoia ngaa ma bwi ni ngaa a na kimwareirei korakora ibukin akakabwaia ake a na bwaronako, ao te bentaumente are a tia n anganaki au tia mwakuri n te auti aei.
10 Ao taekan te auti aei e na butanako nakon aaba aika ianena; ao aio te moan kakabwaia are e na abwaro nako aon atuuia au aomata. Eng. Amen.
11 I mwin tokin te ami ni burabeti aei, karawa a manga uki riki nakoira; ao bMote e kaoti i matara, ao n anganiira ckiingin dikotakiia Iteraera man mwakoron te aonaba ake aua, ao kairaia tengaun baronga man te aba are i emeang.
12 I mwin aei, e kaoti aEriati, ao n anganiira bte mwioko n tararua n te ceuangkerio are e anganaki Aberaam, n taekinna bwa iroura ao ara kariki n rooro ni kabane i mwira a na kakabwaiaki.
13 I mwin tian tokin te mii ni burabeti aei, teuana riki te mii ni burabeti ae korakora mani mimitong e roko nako aora; bwa aEria te burabeti, are e banaaki nako karawa n aki bo ma te mate, e tei i matara, ao n taku:
14 Nooria, e a roko raoi te tai, are e taekinaki man wiin Maraki—ni kakoaua bwa ngaia [Eria] e na kanakoaki, i mwain rokon ana bong are e kakannato ma ni kakamaku te Uea—
15 N araira nanoia taama nakoia natiia, ao naati nakoia taama, bwa e kaawa n oreaki te aonaba ni kabuta n te maraia—
16 Mangaia are, kiingin te mwioko n tararua aei e katukaki i nanon baimi; ao man aei kam kona n ataia bwa e a kaan ana abong are e kakannato ma ni kakamaku te Uea, eng i rarikin taian mataroa.