Mwakoro 79
Kaotioti ae kaotaki rinanon Iotebwa Timiti te Burabeti, i Hiram, Ohio, ni Maati 12, 1832.
1–4, E weteaki Jared Carter bwa e na tataekina te euangkerio mai iroun te Tia Karaunano.
1 E koaua ae I tuangko, bwa bon au kantaninga bwa au tia mwakuri ae Jared Carter e na manga nako nakon aaba ake i mainiku, man te tabo teuana nakon te tabo teuana, ao man te kaawa teuana nakon te kaawa teuana, ni mwaakan te akatabu are e a tia ni katabuaki iai, ni katanoata te rongorongo ae raoiraoi ae moan te kakimwareirei, ae te euangkerio ae akea tokina.
2 Ao N na karokoa i aona te aTia Karaunano, are e na reireinna te koaua ao te kawai ae e na nako iai;
3 Ao ngkana e teimatoa ni kakaonimaki, N na manga baunna ma ikota ni wiita.
4 Mangaia are, e riai ni kukurei nanom, au tia mwakuri ae Jared Carter, ao atai maaku, e taku am Uea, ae Iesu Kristo. Amen.