1 E koaua, e taku te Uea nakoim ngkoe au tia mwakuri, ni kaineti ma te ^ataetae ni kaikonaki i aon te wiita ao te titania:

2 Nooria, e koaua ae I taku, te nne n aroka bon te aonaba, ao abotoro bon taan unika te kora;

3 Ao i mwin bwakaia ni matu te tia bwainikirina te ekaretia, te tia kitana te koaua, te kabekaau, are ^aBwaburon, are e kairoroi aaba ni kabane bwa a na mooi n ana mwangko, i nanoia naakai te tia kairiribai, are Tatan, e tekateka n tautaeka—nooria e unika te titania; mangaia are, te titania e tuka rikiraken taian wiita ao ni kanakoa te ^bekaretia nakon te rereua.

4 Ma nooria, ni ^aboong aika kaitira, ngkai e tabe naba te Uea ni moanna ni kaota ana taeka, ao taberana a bon bwebwerake ao a bon maraurau—

5 Nooria, e koaua I tuangkami, a tang ^aanera nakon te Uea n te ngaina ao te bong, ake a tauraoi ao a tataninga kanakoaia bwa a na ^btaia te nne n aroka;

6 Ma e taku te Uea nakoia, tai kouti titania ngkai a maraurau taberaia (bwa e koaua ae ami onimaki e mamaara), bwa kam aonga n aki tiringi wiita naba.

7 Ngaia are, a riai wiita ao titania ni uaia n rikirake ni karokoa e a rangi n tawa te tai; ngkanne kam na ikotii moa wiita mai i buakoia titania, ao i mwin ikotakin wiita, nooria ao taraia, a kabaeaki titania ni bwabwati ao e na tiku te nne n aroka bwa e na kabuekaki.

8 Ngaia are, e taku te Uea nakoimi, ngkami ake e reitinako te ^anakoanibonga iroumi rinanon rikiia ami bakatibu—

9 Bwa bon ngkami ^ataan bwaibwai i aan te tua, ni kaineti nakon te rabwata, ao n tia ni ^bkarabaaki man te aonaba ma Kristo rinanon te Atua—

10 Ngaia are maiumi ao te nakoanibonga a tiku, ao n riai n tiku rinanomi ao rikim ni karokoa ^akaokan bwaai ni kabane ake a taekinaki man wiia burabeti ni kabane aika tabu man moan rikin te aonaba.

11 Ngaia are, kam a kakabwaiaaki ngkana kam reitinako i nanon raoiroiu, te ^aoota nakoia Tientaire, ao rinanon te nakoanibonga aei, te tia kamaiu nakoia au aomata ae ^bIteraera. E a tia n taekinna te Uea. Amen.