Mwakoro 21
Kaotioti ae kaotaki nakon Iotebwa Timiti te Burabeti, i Fayette, New York, n Eberi 6 1830. E kaotaki te kaotioti aei ngke e kateaki te Ekaretia, ni bongin namwakaina ma te ririki ane e atongaki, ni mwengan Peter Whitmer te Ikawai. Onoman mwaane, ake a tia ni bwabetitoaki, a ira te waki. Man te rinerine ae a nano teuana iai aomata aikai a kaota nanoia ao nanomatoaia ni kateia, ni kaineti nakon ana tua te Atua (tara mwakoro 20). A rinerine naba ni butimwaea ao ni boutoka Iotebwa Timiti te Ataei ao Oliver Cowdery bwa taan tararua n te Ekaretia. Ma te katoka bai, Iotebwa ngkanne e a katabua Oliver bwa te unimwaane n te Ekaretia, ao ti te aekakina katabuan Iotebwa iroun Oliver. I mwin katabuan ao kabutan te toa, Iotebwa ao Oliver a katokai baia i aoia n tatabemania nako naake a ira te waki ibukin anganakia te Tamnei ae Raoiroi ao ibukin kamatoaia n tatabemania bwa kaain te Ekaretia.
1–3, E weteaki Iotebwa Timiti bwa te tia mamata, te tia rairairi, te burabeti, te abotoro, ao te unimwaane; 4–8, Ana taeka e na kaira te waaki ibukin Tion; 9–12, Aomata aika Itiaki a na kakoauai ana taeka ngkai e taetae man ana kairiiri te Tia Karaunano.
1 Nooria, e na iai te arongorongo ae e na kawakinaki iroumi; ao i nanona ko na weteaki bwa te btia mamata, te tia rairairi, te burabeti, ana cabotoro Iesu Kristo, te unimwaane n te ekaretia rinanon ana kantaninga te Atua te Tama, ao ana akoi am Uea Iesu Kristo,
2 Are e akairaki iroun te Tamnei ae Raoiroi ni kawenea aana, ao ni karikirakea ibukin te onimaki ae moan te tabu.
3 Are te aekaretia ae bbaireaki ao ni kateaki n te ririki are man bungiakin am Uea ae teuana tenga wanibubua ao tenibwi, n te kaua n namwakaina, ao n te kaonoua ni bong n te namwakaina are e aranaki bwa Eberi.
4 Mangaia are, e kananonaaki te ekaretia, kam na ongo nakon ana ataeka ma tua ni kabane ake e na anga nakoimi n te tai are e karekei, n nakonako n te bitiaki imatau;
5 Bwa ana ataeka kam na karekei, n aron ae bon man oin wiiu, ma te taotaonakin nano ao te onimaki ni kabanea.
6 Bwa man karaoakin bwaai aikai amataroan moone e na bon aki tokanikai i aomi; eng, ao te Uea ae te Atua e na kamaenakoa mwaakan te broo mai moami, ao ni cioioa karawa ibukin kabwaiami, ao dmimitongin arana.
7 Bwa e taku te Uea ae te Atua: Ngai ae I kairia ni kamwakura te waaki ibukin aTion n te mwaaka ae moan te korakora ibukin te raoiroi, ao n nanomatoana ae I ataia, ao ana tataro ae I ongo.
8 Eng, tangitangina ibukin Tion e nooraki irou, ao N na karikia bwa e na aki manga nanokawaki iai; bwa e a roko ana bong ni kimwareirei ibukin akamaunaan ana bure, ao kaotan au kakabwaia i aon ana mwakuri.
9 Bwa, nooria, N na akakabwaiaia ni kabane naake a mwakuri n au bnne ni kurebe ma te kakabwaia ae moan te korakora, ao a na kakoauai ana taeka, ake a kaotaki nakoina mai irou rinanon te cTia Karaunano, are e dkaotia bwa e etauraki Iesu irouia aomata aika a fonrake n te bure, ibukin ana bure te gaonaba, eng, ibukin kamaunaan bure nakon te hnano ae raraoma.
10 Mangaia ae bon au kantaninga bwa e na akatabuaki iroum, Oliver Cowdery au abotoro;
11 Aio te otenanti nakoim, bwa ngkoe te unimwaane i aan baina, ao ngaia te amoan imwaim, bwa ko na riki bwa te unimwaane n ana ekaretia Kristo aio, are e uouota arau—
12 Ao te moan tia kabwarabwara n te ekaretia aei nakon te ekaretia, ao imatan te aonaba, eng, imataia Tientaire; eng, ao e taku te Uea ae te Atua, nooria, nooria! nakoia aIutaia naba. Amen.