1 Titiraki. Tera te ^amarawa ae te kirati ae taekinaki iroun Ioane, te mwakoro 4, ao te kibu 6 n Te Kaotioti?Kaeka. Bon te ^baonaba, n arona ni itiaki, n aki maamate, ao n ^cakea tokina.

2 T. Tera ae ti riai ni mataata iai man ataia ibukiia maan aika aman, ae a taekinaki n te kibu naba anne?K. Bon taian taeka ni ^akabotau, ake a kamanenaaki iroun te Tia Kaotioti, ae Ioane, ni kabwarabwara ^bkarawa, ana ^cbwaretaiti te Atua, ^dkukurein te aomata, ao maan, ao maan aika kawakawa, ao manin aan nang; are bwain te tamnei bon katotongan are ni bwain te rabwata; ao are bwain te rabwata bon katotongan are ni bwain te tamnei; ^etamnein te aomata ni katotongan rabwatana, n aron naba tamnein te ^fman, ao ni kabane maan are e karikiia te Atua.

3 T. A ti tei maan ake aman ibukiia maan n tatabemania nako, ke a tei ibukin aekaia nako ke rinania nako?K. A bon ti tei ibukiia maan aika kaokoro aika aman, ake a kaotaki nakon Ioane, bwa a na tei ibukin mimitongin aekaia maan n rinania are e baireaki ke te ^atabo are a karikaki iai, i nanon kimwareireia ni ^bkukureia ae akea tokina.

4 T. Tera ae ti riai ni mataata iai man mataia ao baia ni kiba, are iai irouia maan?K. Mataia e tei ibukin te oota ao te ^aatatai, are nanona bwa, a onrake n te atatai; ao baia ni kiba e tei ibukin te ^bmwaaka, ni mwaing, ao ni mwakuri, ao a mwaiti riki.

5 T. Tera ae ti riai ni mataata iai man uangaun ma aman ^aunimwaane, ae taekinaki iroun Ioane?K. Ti riai n mataata bwa unimwaane aikai are e nooria Ioane, bon unimwaane ake a tia ni ^bkakaonimaki n aia mwakuri ni ibuobuoki ao a tia ni mate; ake kaain ekaretia ake ^citiua, ao a mena n te tai arei n ana bwaretaiti te Atua.

6 T. Tera ae ti riai ni mataata iai man te boki are e nooria Ioane, are e ^akabaeaki i akuna ma kabaebae aika itiua?K. Ti riai ni mataata bwa kanoana bon te kantaninga, ^bmwakuri aika raba, ao ana makuri te Atua aika a tia ni kaotaki; bwaai ake a raba ibukin ana babaire ni kaineti ma te ^caonaba aei i nanon reitinakona ae itiua te ngaa te ririki, ke maanna n tiku n te maiu n rabwata.

7 T. Tera ae ti riai ni mataata iai man kabaebae aika itiua are e kabaeaki iai?K. Ti riai ni mataata bwa te moan kabaebae kanoana bon bwain te ^amoan ngaa n ririki, ao te kauoua naba bon bwain te kauoua ni ngaa n ririki, ao ai arona naba ni karokoa te kaitiua.

8 T. Tera ae ti riai ni mataata iai man anera aika aman, ae taekinaki n te kaitiua ni mwakoro ao te moan kibu n Te Kaotioti?K. Ti riai ni mataata bwa bon anera aika aman ake a kanakoaki iroun te Atua, are ngaiia aika a anganaki te mwaaka i aon mwakoron te aonaba ake aua, ni kawakina maiuia ao ni kamauna; aikai are ngaia ae iai irouia te ^aeuangkerio ae akea tokina bwa a na angania ni kabane aaba, reeti, neewe, ao aomata; are iai irouia te mwaaka ni kaina karawa, ni kabaea nakon te maiu, ke ni kanakoa nakon ^btaabo aika a roo.

9 T. Tera ae ti riai ni mataata iai man te anera are e rierake mai mainiku, Te Kaotioti te kaitiua ni mwakoro ao te kauoua ni kibu?K. Ti riai ni mataata bwa te anera are e nako mai mainiku boni ngaia are e anganaki ana kabaebae te Atua ae maiu i aoia ana baronga ^aIteraera aika tebwi ma uoua; mangaia are, e takarua nakoia anera ake aman are iai irouia te euangkerio ae akea tokina, ni kangai: Tai kaikoaka te aonaba, ke marawa, ke kaai, ni karokoa ti a tia ni kanikinaia ana taan mwakuri Atuara i aon ^bramwaia. Ao, ngkana ko kukurei ni butimwaia, bon aio ^cEria are e nang roko ni ikotiia ni kabane ana baronga Iteraera ao ni ^dkaokii bwaai ni kabane.

10 T. Ningai te tai ae a na kakoroaki bukin bwaai ake a taekinaki n te mwakoro aei?K. A na kakoroaki bukiia n te ^akaonoua ni ngaa n ririki, ke ni kaukan te kaonoua ni kabaebae.

11 T. Tera ae ti riai ni mataata iai man kanikinaeaia ^ate bubua ao abwi ma aua tenga, mai buakoia ana baronga Iteraera—tebwi ma uoua tenga mai buakoia baronga nako?K. Ti riai ni mataata bwa naake a kanikinaeaki bon ^bibonga aika rietata, ake a katabuaki nakon ana botaki ae tabu te Atua, bwa a na kamwakura te euangkerio ae akea tokina; bwa bon ngaiia ake a rineaki man aaba nako, reeti, neewe, ao aomata, irouia anera are anganaki te mwaaka i aoia aban te aonaba, ni uotiia ni kabane ake a kukurei n roko nakon ana ekaretia te ^cKarimoa n Nati.

12 T. Tera ae ti riai ni mataata iai man katangan taian ^abuu, ae taekinaki ni mwakoro 8 n Te Kaotioti?K. Ti riai ni mataata bwa ngkai te Atua e karika aonaba i nanon onoua te bong, ao n te kaitiua ni bong e katia ana mwakuri, ao e ^bkatabua, ao e karaoa naba te aomata man ^cbubun aontano, ai arona naba, ni moan te kaitiua ni ngaa n ririki te Uea ae te Atua e na ^dkaitiaka te aonaba, ao ni kakoroa bukin kamaiuakiia aomata, ao ni ^emotiki taekan bwaai ni kabane, ao ni ^fkaboi ni kabane bwaai, ma tii bwaai ake e tuai kaaki mwaakana iai, ngkana e na kabaei ni kabane bwaai, nakon tokin bwaai ni kabane; ao katangan aia buu anera ake itiman bon katauraoan ao katian ana mwakuri, ni moan te kaitiua ni ngaa n ririki—katauraoan te kawai i mwaain tain rokona.

13 T. Ningai ae a na kakoroaki bukin bwaai, ake a koreaki n te karuaiwa ni mwakoro n Te Kaotioti?K. A na koro bukiia i mwin kaukan te kaitiua ni kabaebae, i mwaain rokon Kristo.

14 T. Tera ae ti riai ni mataata iai man te boki ae uarereke are e ^akanaki iroun Ioane, are e taekinaki ni mwakoro 10 n te Kaotioti?K. Ti riai ni mataata bwa bon te mition, ao te otenanti, i bukina bwa e na ^bikotiia ana baronga Iteraera; nooria, bon aio Eriati, are, n aron ae e koreaki, e riai n roko ao ni ^ckaokii bwaai ni kabane.

15 T. Tera ae e na ataaki man ^ataan kakoaua aika uoman, n te katebwii ma teuana ni mwakoro n te Kaotioti?K. Bon burabeti aika uoman ake a na kateirakeaki nakon ana ^bbotanaomata Iutaia ni ^cboong aika kaitira, n tain ^dkaokan bwaai, ao bwa a na taetae ni burabeti nakoia Iutaia i mwin ae a ikotaki ao n tia ni katea te kaawa i Ierutarem n ^eaban aia bakatibu.