Mwakoro 95
Kaotioti ae kaotaki rinanon Iotebwa Timiti te Burabeti, i Kirtland, Ohio, n Tuun 1, 1833. Te kaotioti aei bon reitan taian kaetieti mai karawa ibukin katean te auti n taromauri ao te anga reirei, umwan te Uea (taraa mwakoro 88:119–136).
1–6, A katuaeaki Aomata aika Itiaki ibukin aki konabwaia ni katea umwan te Uea; 7–10, E tangiria te Uea ni kamanena Ana auti n anganiia Ana aomata te mwaaka mai i eta; 11–17, Te auti e riai ni katabuaki bwa te tabo n taromauri ao ibukin aia reirei Abotoro.
1 E koaua, ae taku te Uea nakoimi ake I tangiriia, ao naake I tangiriia I akatuaeia naba bwa a aonga ni bkabwaraaki aia bure, bwa ma te katuaa I katauraoa te kawai ibukin ckamaiuaia ni bwaai ni kabane man te dkariiriiaki, ao I a tia n tangiringkami—
2 Mangaia are, kam riai ni katuuaeaki ao n tei n takuaki i matau;
3 Bwa kam a tia ni bure ni kaaitaraai n te bure ae e rangi n rawawata, ibukina bwa kam a tia n aki tabeakina te tua ae korakora ni bwaai ni kabane, are I a tia n anganingkami ni kaineti ma katean au aauti;
4 Ibukin te katauraoi are I a tia ni baireia ni katauraoia au abotoro bwa a na aerea au nne ni kurebe n te kabanea n tai, bwa I aonga ni kakoroa bukin au bmwakuri ae kamiimi, bwa I aonga n cnurakina Tamneiu i aoia aomata ni kabane—
5 Ma nooria, e koaua ae I tuangkami, bwa a mwaiti aika a tia ni katabuaki i buakomi, ake I a tia ni weteia ma a karako mai i buakoia ae a arineaki.
6 Naake a aki rineaki a tia ni bure n te bure ae rangi n rawawata, ibukina bwa a nakonako n te aroo n te tawanou.
7 Ao ibukin aio I anganingkami te tua bwa kam na tewea te abotaki n taromauri, bwa ami baki mamatam ao tangimi a aonga ni waerake nakon taningan te Uea ae cTabaota, are rairana bon, te dtia karika te moan bong, te moan ao te kabane.
8 Eng, e koaua ae I tuangkami, I anganingkami te tua bwa kam na katea te auti, are te auti are I baireia bwa N na aanganiia iai naake I a tia n rineia ma te mwaaka mai i eta;
9 Bwa aio ana aberita te Tama nakoimi; ngaia are I tuangkami bwa kam na tiku, n aroia au abotoro i Ierutarem.
10 E ngae n anne, au taan mwakuri a tia ni bure n te bure ae e rangi n rawaawata; ao a rikirake aitabararaa n aia breirei burabeti; are e rangi ni karawaawata nakoiu, e taku ami Uea; ngaia are I kanakoia bwa a na katuaeaki.
11 E koaua ae I tuangkami, bon au kantaninga bwa kam na katea te auti. Ngkana kam kawakinii au tua kam na karekea te kariaiakaki ni kateia.
12 Ngkana kam aki akawakini au tua, ana btangira te Tama e na aki reitinako iroumi, ngaia are kam na nakonako n te roo.
13 Ngkai aio te wanawana, ao nanon te Uea—e riai ni kateaki te auti, tiaki n ana kawai te aonaba, bwa I aki anganingkami bwa kam na maiuakina aron ana kawai te aonaba;
14 Ngaia are, e riai ni kateaki n te banna are I a tia ni kaotia nakoimi ni kateniman, ngaia are e na rineia ao ni katabuia nakon te mwaaka aei.
15 Ao buburana e na riai n nimabwi ma nimaua te buuti rababana, ao e riai n onobwi ma nimaua te buuti abwakina, i nanona.
16 Ao e riai mwakorona are i nano i nanona ni katabuaki nakoiu ibukin ami anga karea n toa, ao ibukin ami kabwarabwara, ao ami aki mamatam, ao ami tataro, ao atataro nakoiu ma nanomi ae moan te tabu, e taku ami Uea.
17 Ao e riai mwakorona are i eta i nanona ni katabuaki nakoiu ibukin aia tabo n reirei au abotoro, e taku Natin aAman; ke, n taekana teuana, Arebwati; ke, n taekana teuana, Omekati; are Iesu Kristo ami bUea. Amen.