Mwakoro 43
Kaotioti ae kaotaki rinanon Iotebwa Timiti te Burabeti, i Kirtland, Ohio, ni Beberuare 1831. N te tai aei ao tabeman kaain te Ekaretia a rootaki irouia aomata ake a karaoi taeka ni kewe bwa ngaia taan kaotioti. Te Burabeti e bubutia te Uea ao e karekea te maroro aei are e kaineti nakoia unimwaanen te Ekaretia. Te moan mwakoro e tabe ma bwain ana tautaeka te Ekaretia; kanoan mwakorona are i mwina bon te kauring bwa unimwaane a na anga nakon aaba n te aonaba.
1–7, Kaotioti ao tua a roko ti rinanon teuare e rineaki; 8–14, Aomata aika Itiaki a katabuaki man aia mwakuri nako aika tabu i matan te Uea; 15–22, A kanakoaki unimwaane bwa a na takaruaea te rairannano ao ni katauraoia aomata ibukin ana bong te Uea ae kakannato; 23–28, Te Uea e weteia aomata n oin bwanaana ao rinanon korakoran te aonaba; 29–35, E na bon roko Tenga n Ririki ao kabaean Tatan.
1 O ongora, ngkami unimwaanen au ekaretia, ao anga taningami nakon taeka are N na taekin nakoimi.
2 Bwa noria, e koaua, e koaua, ae I tuangkami, bwa kam a tia ni karekea te tua bwa te atua nakon au ekaretia, rinanon teuare I a tia n rineia ibukimi bwa e na karekei btua ao kaotioti man baiu.
3 Ao aio kam na ataia ma te koaua raoi—bwa akea temanna riki ae e na rineaki ibukimi bwa e na karekei tua ao kaotioti ni karokoa e anaki, ngkana e akakaonimaki irou.
4 Ma e koaua, e koaua, ae I tuangkami, bwa aakea riki temanna ae e na rineaki nakon te bwai n tituaraoi aei ma ti mai irouna; bwa ngkana e anaaki mai irouna e na akea irouna te mwaaka ma tii rinean temanna bwa onean mwina.
5 Ao aio te tua nakoimi, bwa kam na aki butimwaei ana reirei nako ane e roko i matami bwa taian kaotioti ke tua;
6 Ao aio I anganingkami bwa kam aonga n aki amwamwanaki, bwa kam aonga n ataia bwa tiaki mai irou.
7 Bwa e koaua ae I tuangkami, bwa ane e arineaki mai irou e na rin n te bmataroa ao ni katabuaki n aron are I a tia n tuangkami mai i mwaaina, n reirei taian kaotioti ake kam a tia ni karekei ao ni karekei rinanon teuare I a tia n rineia.
8 Ao ngkai, nooria, I anganingkami te tua, bwa ngkana kam ikotaki kam na areirei ao ni karikirakeingkami i marenami, bwa kam aonga n ataa aromi ni mwakuri ao ni kaira au ekaretia, ao e na kangaa aromi ni mwakuri ni kaineti ma kanoan au tua, ake I a tia n anga.
9 Ao n te kawai aei kam na reireinaki n tuan au ekaretia, ao ni akaitiakaki man bwaai ake kam a tia ni karekei, ao kam na kabaeingkami nakon mwakuri nako aika tabu imatau—
10 Bwa ngkana kam karaoa aio, e na aikotaki te mimitong nakon te abanuea are kam a tia ni karekea. Ngkana kam aki karaoa aio, e na banaaki, te bwai naba are kam a tia ni karekea.
11 Kaitiakaa nako te abuakaka are e mena i buakomi; kaitiakingkami imatau;
12 Ao ngkana kam tangira mimitongin te abanuea, rinea au tia mwakuri ae Iotebwa Timiti te Ataei, ao aboutokaia imatau n te tataro n onimaki.
13 Ao I a manga tuangkami, bwa ngkana kam tangira abwain te abanuea aika raba, katauraoi kanana ao kunnikaina, ao bwaai nako ake e kainanoi ni kakoroa bukin te mwakuri are I a tia n tuangnga;
14 Ao ngkana kam aki karaoia e na tiku irouia naake a tia ni butimwaia, bwa I aonga ni kawakinia irou aomata aika aitiaki imatau.
15 I a manga tuangkami, ongora ngkami unimwaanen au ekaretia, ake I a tia ni rineia: Kam aki kanakoaki bwa kam na reireinaki, ma kam na areireiniia natiia aomata bwaai ake I a tia ni kaaki i nanon baimi ni mwaakan bTamneiu;
16 Ao kam na areireinaki mai eta. bKaitiakingkami ao kam na canganaki te mwaaka, bwa kam aonga n anga n aron are I a tia n taekinna.
17 Ongora ngkami, bwa, nooria, e a kan roko ana abong ae bkakannato te Uea.
18 Bwa e na roko te bong are e na taetae te Uea ni abwanaana mai karawa; e na bioioaki karawa ao e na cruru aonaba, ao e ananau man takarua tangin ana dbuu te Atua, ao n taekina ae kangai nakoia botanaomata aika matu: Ngkami aika itiaki eteirake ao maiu; ngkami taan bure ftiiku ao gmatu ni karokoa I a manga wewete.
19 Mangaia are kabaea nukami bwa mwiina ko na kuneaki i buakoia naake a buakaka.
20 Tabekarake bwanaam ao tai rawa n taetae. Katanoata nakoia botanaomata bwa a na raira nanoia, ake a kaara ao ake ataei, ake a kabaeaki ao ake a inaomata, ni kangai: Katauraoingkami ibukin ana bong ae kakannato te Uea;
21 Bwa ngkana ngai, ae te aomata, I tabekarake bwanaau ao ni katanoata nakoimi bwa kam na raira nanomi, ao kam ribaai, tera ae kam na taekinna ngkana e roko te bong are e na atakaruaea bwanaana te aba mai tabotabon aonaba, n taetae nakon taningaia ni kabane ake a maiu, ni kangai—Raira nanomi, ao katauraoi ibukin ana bong ae kakannato te Uea?
22 Eng, ao teuana riki, ngkana e a manga iti te iti mai mainiku nako maeao, ao n takaruaea bwanaana nakoia ni kabane ake a maiu, ao n tong taningaia ni kabane ake a ongo, n taekin taeka aikai—Raira nanomi, bwa e a roko ana bong ae kakannato te Uea?
23 Ao e a manga taetae ni bwanaana te Uea mai karawa, ni kangai: Ongora, O ngkami botanaomata n te aonaba, ao ongo n ana taeka te Atua are e karikingkami.
24 O, ngkami botanaomata n te aonaba, ai iraua au tai ae I ikoikoitingkami ni kabane n aron te amoaaine ae ikoikotiia natina i ani baina, ma kam brawa!
25 Ai iraua au tai ae I awetei ngkami ni wiia au btaan mwakuri, ao man aia cmwakuri ni ibuobuoki anera, ao n oin bwanaau, ao man rebwen te baa, ao man bwanaan te iti, ao man bwanaan te buaka, ao man bwanaan mwaingingin te aonaba, ao te karau ae te aiti aika korakora, ao man bwanaan te drongo ma aoraki n aekana nako, ao man tangin te bu ae korakora, ao man bwanaan te motikitaeka, ao man bwanaan te enanoanga n uaa te bong, ao man bwanaan te mimitong ao te karineaki ao kaubwain te maiu ae akea tokina, ao ni kamaiuingkami ma te kamaiuaki ae fakea tokina, ma kam rawa!
26 Nooria, e a roko te bong, are e a onrake iai mwangkon uniu.
27 Nooria, e koaua ae I tuangkami, bwa aikai ana taeka te Uea ae Atuami.
28 Mangaia are, mwakuri ngkami, amwakuri ngkami n au nne ni kurebe ibukin te kabanea n tai—bwa e wewete te kabanea n tai nakoia kaain te aonaba.
29 Bwa n oin au tai N na aroko nakon te aonaba ni motikitaeka, ao a na kabooaki au aomata ao n tautaeka ma ngai n te aonaba.
30 Bwa e na roko te aMereniam ae korakora, are I a tia n taekinna man wiia au tia mwakuri.
31 Bwa aTatan e na bkabaeaki, ao ngkana e a manga kabwaraaki e na tii tautaeka n te ctai ae uarereke, ao i mwina e na roko dtokin te aonaba.
32 Ao ane e maiu n te araoiroi e na bonikaki n te rube ni mata, ao e na mauna te aonaba kanga man te ai.
33 Ao naake a buakaka a na nako nakon te aai ae e a aki kona ni mate, ao tokiia akea te aomata ae e ataia n te aonaba, ke n ataia, ni karokoa a roko imatau n te bmotikitaeka.
34 Ongora ngkami nakon taeka aikai. Nooria, Ngai Iesu Kristo, te aTia Kamaiua te aonaba. bKawakin bwaai aikai inanom, ao ckatikui dbwain karawa aika akea tokiia einanom.
35 aTaua ma nanom. Kawakini au tua ni kabane. Eng. Amen.