1 Bon au kantaninga bwa au tia mwakuri ae Warren A. Cowdery e na rineaki ao ni katabuaki bwa te ibonga ae rietata n tararua au ekaretia, n te aba ae ^aFreedom ao taabo aika uakaan;

2 Ao e na tataekina au euangkerio ae akea tokina, ao n tabekarake bwanaana ao ni kauringiia aomata, tiaki tii n oin ana tabo, ma n taabo ake a i aontia;

3 Ao ni kabanea ana tai ni kabane nakon te wewete aei ae rietata man tabu, are I anga ngkai nakoina, n teimatoa n ^aukoukora ^babanuean karawa ao raoiroina, ao bwaai ni kabane aika riai a na ikotaki nako iai; bwa te ^ctia mwakuri e tau ni karekea boona.

4 Ao e koaua ae I a manga tuangkami, ^arokon te Uea e a ^bkaan, ao e na kakubanakoa te aonaba n aron te ^ctia ira n te bong—

5 Mangaia are, kabaei nukami, bwa kam aonga n riki bwa natin te ^aoota, ao te bong anne e na aki ^bkakubanakoingkami n aron te tia ira.

6 Ao teuana riki, e koaua ae I tuangkami, iai te kimwareirei i karawa ngkana au tia mwakuri ae Warren e boobaraki nakon au kainuea, ao ngaia e kitani aia mwakuri ni kewe aomata;

7 Mangaia are, e a kakabwaiaaki au tia mwakuri ae Warren, bwa N na nanoangaia; ao, n aki tabeakina ^akaibwabwarun nanona, N na tabekiarake ngkana e teimatoa n nanorinano imatau.

8 Ao N na anganna te ^aakoaki ao namakinan koauana are e na kona n tei iai; ao ngakna e reitinako bwa te tia kakoaua ae kakaonimaki ao te oota nakon te ekaretia I a tia ni katauraoa te baunuea ibukina n ana ^bnne ni maeka Tamau. Eng. Amen.